Welcome Niini nga Isyu

Ang Gahom sa Pagkapari

Siya Moanhi Pag-usab aron Maghari, ni Mary Sauer

“Ang Manluluwas adunay balaan nga gahom ug awtoridad, ug Siya mipaambit niini,” misulat si Presidente Dallin H. Oaks, Unang Magtatambag sa Unang Kapangulohan (tan-awa ang iyang artikulo sa pahina 6). Si Presidente Oaks nagtudlo kon sa unsang paagi nga ang awtoridad sa pagkapari sa Ang Simbahan ni Jesukristo sa mga Santos sa Ulahing mga Adlaw lahi gikan sa ubang mga simbahan ug dayon mipasabot, “Ang mga ordinansa sa kaluwasan ug kahimayaan mao ang sukaranan sa dakong plano sa Dios alang sa Iyang mga anak.”

Gitapos ni Presidente Oaks pinaagi sa pagdapit kanato sa paglantaw “nianang mahinungdanon nga adlaw sa Ginoo nga moabut” (Doktrina ug mga Pakigsaad 45:39). Siya nangutana, “Kon kita nahibalo nga makigkita na kita sa Ginoo ugma—pinaagi sa atong kamatayon nga wala sa oras o pinaagi sa Iyang kalit nga pag-abot—unsa may atong buhaton karon?”

Ang uban pang mga artikulo nga makatabang sa imong pagtuon sa Dali, Sunod Kanako sa Doktrina ug mga Pakigsaad anaa sa mga pahina 26–33.

Laing importante nga mga tema niini nga isyu mao ang kahimsog sa pangisip ug emosyonal nga kalig-on. Makaatubang kita og mas maayo sa atong mga pagsulay pinaagi sa atong pagsuporta sa usag usa latas sa lisod nga mga panahon ug makat-on sa pagpili og mga pamaagi sa paghunahuna nga makatabang kanato mga maayong makalahutay. Pipila ka mga artikulo gituyo aron sa pagtudlo kanato kon unsaon sa pagbuhat niana (tan-awa sa mga pahina 12, 16, 18, ug 20).

Pahibaloa kami kon inyong makita nga kini ug ang ubang mga artikulo niining isyu makatabang ug makadasig. Kamo maduol kanamo pinaagi sa pag-email sa [e-mail].

Matinuoron,

Ryan Carr

Liahona Kaabag nga Tigdumalang Editor