Dali, Sunod Kanako
Pagdawat sa Diosnong Gahom
Paghulagway ni Bryan Beach
“Diha sa mga ordinansa [sa Melchizedek nga Pagkapari], ang gahum sa pagka-diosnon gipakita” (Doktrina ug mga Pakigsaad 84:20).
Unsaon sa Pag-uswag diha sa Dalan sa Pakigsaad
Ang mga ordinansa sa pagkapari nga atong madawat mas labaw pa kay sa usa ka listahan. Si Presidente Tad R. Callister, kanhi Kinatibuk-ang Presidente sa Sunday School, mitudlo nga “ang matag usa naghatag og diosnon nga gahum” sa atong mga kinabuhi.1
Kalihokan
Mga materyal nga gikinahanglan: lapis, usa ka piraso nga papel nga dunay duha ka kolum nga gisulatan og “Ngalan” ug “Plano alang sa sunod o kinahanglanon nga ordinansa.”2
Mga instruksyon: Ilista ang matag usa ka sakop sa pamilya ug ikonsiderar unsay makatabang kanila sa pagpangandam alang sa ilang sunod nga ordinansa (lakip na sa sakrament). Sama pananglit, ang mga ginikanan mahimong adunay usa ka anak nga padulong sa edad nga bunyaganan, o sa mga batan-on nga tingali adunay magulang nga nangandam sa pagdawat og mga ordinansa sa templo. Mahimo ninyong kompletuhon kining kalihokan alang sa home evening ug maghimo og piho nga mga plano aron sa pagtabang sa usag usa sa pagpadayon sa dalan sa pakigsaad.
Mga Panalangin
Pinaagi sa pagdawat sa gahom sa mga ordinansa sa priesthood, kita mas mahisama ni Jesukristo. Ang gasa sa Espiritu Santo molamdag sa atong mga hunahuna ug mopahumok sa atong mga kasingkasing nga maghunahuna ug mobati nga mas sama Kaniya.3 Ug ang mas hingpit nga pagkonektar sa gahom sa Dios makatabang sa inyong pamilya nga mabuntog bisan ang labing lisod nga mga pagsulay.4
Panaghisgotan
Sa unsang paagi nga ang pag-apil sa mga ordinansa nakahatag og gahom sa inyong kinabuhi? Unsaon ninyo pagtabang ang mga sakop sa inyong pamilya nga makaandam sa pagdawat sa ilang sunod nga ordinansa?