Kotak Ami Meram
Aō kajjitōk rainin epidodo: kwalo̧k gospel in. Kwon peran im kotak meram eo.
Ke ij pād ilo baļuun eo ļo̧k n̄an Peru jet iiō remootļo̧k, iaar jijet iturin juon eo eba ke ejjab ritōmak ilo Anij. Ekar kajjitōk ippa etke ij tōmak ilo Anij. Ilo bwebwenato in, iaar ba n̄an e ke ij tōmak ilo Anij kōnke Josep Smith ekar lo E—im bwe ij kobaik aō jeļā kōn Anij ekar bar itok n̄an juon make, m̧ool in jetōbin en̄jake. Iaar kwaļo̧k aō tōmak bwe “men otemjeļo̧k rej kam̧ool ewōr juon Anij”1 im kar kajjitōk ippān elmen an kar tōmak laļ in—laļ in ekar kwaļo̧k kobban—bwe en wōr. Ekar uwaak bwe, ilo naan ko an, “ekar jide” bwe en waļo̧k ilo tōrein. Ke ij kōmeļeļeiki elmen an kar kwaļo̧k bwe en jab “jide” n̄an kwaļo̧k jejjet in eaiboojoj, ekar bōjrak jidik innām kar ba, “Ekar ba kwojibwe eō.” Iaar kajjitōk n̄e emaron̄ riiti Bok in Mormon. Ekar ba imaron̄, kōn menin ikar jilkinļo̧k juon kape.
Iiō ko tokālik Iaar ioon juon m̧ōtta ke iaar pād ilo Lagos airport, ilo Nigeria. Kōmro ekar jino m̧ōttā ke ej lale passport eo aō. Iaar kajjitōk ippān kōn tōmak ko an, im ekar kwaļo̧k tōmak eo an ekajoor ilo Anij. Iaar kwaļo̧k lan̄lōn̄ im m̧ōņōņō eo ilo gospel in em̧ōj an jepļaaktok an Jisōs Kraist im kar kajjitōk n̄e ekōņaan jeļā eļapļo̧k jān mijenede ro. Ekar ba aaet, ekar ekkatak, im kar peptaij. Juon ak ruo iiō tokālik, ke ij etetal ilo airport eo ilo Liberia, iaar ron̄ juon ainikien ej kūr eta. Iaar oktaļo̧k, im ejja likao eo ekar jibadōktok eō kōn mejān ettōn̄dikdik. Kom̧ro kar atbokwoje doon, im ekar kwaļo̧k n̄an n̄a ke ej niknik wōt ilo Kabun̄ in im ej jerbal ippān mijenede ro n̄an katakin leddik eo m̧ōttan.
Kiiō, ijjab jeļā n̄e armej in ejjab ritōmak ilo Anij ekar riiti Bok in Mormon ak kobatok ilo Kabun̄ in. Eo m̧ōtta kein karuo ekar. Erro jim̧or, aō eddo2—aō iien em̧m̧an—ekar baj wōt: n̄an kotak meram in gospel in—ilo iakwe, ilo kwaļo̧k, im ilo juon karuwainene, eo ekkar.3
Ro jeiū im jatū, ikar en̄jake kōjeraam̧m̧an ko n̄an kwaļo̧k gospel in, im rekar kabwilōn̄lōn̄. Errein rej jet iaer:
Kwaļo̧k Gospel eo ej Bōktok Lan̄lōn̄ im Kōjatdikdik
Kwoj lo, kwe im n̄a jaar mour āinwōt ajri ro nejin Jemedwōj Ilan̄ m̧okta jen ad itok n̄an laļin4 im bwe laļin kar kōm̧anm̧ane kōn jibadbad eo an n̄an letok kajjojo armej iien em̧m̧an n̄an bōk juon ānbwin, bōk en̄jake, ekkatak, im eddōkļo̧k n̄an bōk mour indeeo—mour ippān Anij.5 Jemedwōj Ilan̄ ekar jeļā jenaaj en̄taan im jerawiwi ilo laļin, kōn menin ekar jilkintok Nejin eo “mour eo ej make”6 im en̄taan in pinmuur eo ekwojarjar7 ekōm̧m̧an bwe jen bōk jeo̧rļo̧kin bōd, kōmour, im mour.8
N̄an jeļā m̧ool kein mour ej oktak! N̄e armej ej ekkatak kōn jibadbad in aiboojoj ko an mour in, itok n̄an meļeļe bwe Kraist ej jeo̧rļo̧k bōd im jipan̄ ro rej ļoor E, im kālet n̄an ļoor Kraist n̄an dānnin peptaij, ukōt mour n̄an em̧m̧anļo̧k—em̧ool n̄e jekjek ko an mour rejjab.
Juon sister eo elem̧ōņōņō ikar ioon e ilo Onitsha, Nigeria, ekar ba n̄an eō ke jen iien eo ekar jeļā kōn gospel in im kar peptaij (im kiiō inaaj kōjerbal naan ko an), “Aolep men rem̧m̧an n̄an eō. Ikanooj m̧ōņōņō. Ipād lan̄.”9 Kwaļo̧k gospel eo eboktok lan̄lōn̄ im kōjatdikdik n̄an jetōb ko ad jim̧or eo ej leļo̧k im bōke. Em̧ool, “ewi jon̄an an ļap naaj amiro m̧ōņōņō”10 ilo ami kwaļo̧k gospel eo! Kwaļo̧k gospel eo ej bōktok lan̄lōn̄ ioon lan̄lōn̄, kōjatdikdik ioon kōjatdikdik.11
Kwaļo̧k Gospel in ej Bōktok Kajoor in Anij n̄an Mour ko Ad
Ke jekar peptaij, kajjojo iaad ekar deļo̧n̄e juon bujen12 kallim̧ur ippān Anij “n̄an jerbal n̄an e im kōjparok kien ko an,”13 eo ekitbuuj “n̄an jutak āinwōt rikam̧ool ro kōn [E] ilo aolep iien im ilo aolep men otemjeļo̧k, im ilo aolep jikin.”14 Ilo ad “pād” Ippān n̄an kōjparok bujen in, kajoor, rie, in āinwōt anij ej itok n̄an mour ko ad jān Kraist, āinwōt juon ra ej bōk kajoor in jen vain eo.15
Kwaļo̧k Gospel eo ej Kōjparok Kōj jān Kapo
Irooj ekar kean̄:
“Kotak ami meram bwe en maron̄ kōmeramļo̧k laļ. Lo N̄aij meram eo kom̧ naaj kotak lōn̄ļo̧k—men eo kom̧ ar lo Aō kōm̧m̧ane. …
“… Iaar jiron̄ bwe … kom̧in itok n̄an Eō, bwe kom̧in maron̄ en̄jake im lo, em̧ool āindein naaj ami kōm̧m̧an n̄an laļ; im jabdewōt eo ej rupe kien in ej kōtļo̧k e make n̄an tōlļo̧k e n̄an kapo.”16
Kālet n̄an jab kotak meram in gospel in ej kōm̧akūtļo̧k kōj, ijo epidodod ad po. Men eo eaorōktata, bwe oktak in em̧ool: kālet n̄an kotak meram eo an gospel in ej bōktok n̄an kōj kepaakļo̧k kōj bwe meram eo im kōjparok eo ej letok ņae kapo ko. Ej juon kōjeraam̧m̧an eļap n̄an laļ in rainin.
Kwaļo̧k Gospel ej Bōktok Kōmour
Sister Tiffany Myloan ekar bōk kūr eo n̄an jipan̄ mijenede ro men̄e apan̄ ko an make, ekoba kajjitōk ko kōn tōmak eo an. Liin eaar ba n̄an eō bwe jerbal ippān mijenede ekar kōkāāl tōmak eo an im paoktokin. Ilo naan ko an make, “Jerbal in mijenede elukkuun kōmour.”17
Lan̄lōn̄. Kōjatdikdik. Rejetak jān kajoor jen Anij. Kōjparok jān kapo. Kōmour. Iaan aolepān men kein—im elōn̄ļo̧k (ekoba jeo̧rļo̧k in jerawiwi ko)18—enaaj wōtdikdiki kōj āinwōt m̧ōļawi jān lan̄ ilo ad kwaļo̧k gospel eo.
Kiiō, oktakļo̧k n̄an Iien Eo Ad Em̧m̧an
Ro jeiū im jatū, “ej wōr wōt elōn̄ ilubwiljin aolep … kabun̄, [jar ko,] im tōmak ko … ro rej dāpiji er jān m̧ool eo kōnke rej jab jeļā ia eo ren pukote ie.”19 Aikuj eo n̄an kotak meram eo ad em̧ōj an ļapļo̧k ilo aolep bwebwenato in armej. Im bwe m̧ool eo enaaj ļapļo̧k.
Jimmy Ton, eo ekar rūttotak āinwōt juon Buddhist, kar im̧we jen juon baam̧le eo rekar kwaļo̧k kōn mour eo aer ilo YouTube. Ke ekar jeļā ke rej membōr in Kabun̄ eo an Jisōs im Armej ro Rekwojarjar ilo Raan Ko Āliktata, ekar ekkatak gospel in ilo online ippān make, riiti Bok in Mormon kōjerbal app, im kar peptaij ālkin kar ioon mijenede ro ilo kaļōj.20 Elder Ton make ej kiiō juon mijenede eo ej jerbal aolep raan.
E im mijenede ro m̧ōttan ipeļaakin laļ in rej tariņae ro an Irooj—n̄an jipan̄ rikanaan eo ad.21 Mijenede rein eoktakļo̧k ilo laļin: ilo etale juon riboot ke Epepen Z rej oktaļo̧k jān Anij,22 ritariņae ro rem̧m̧an ded23 elder im sister ro rej ukōttok armej n̄an Anij. Im ņōm̧ba ko rej ļapļo̧k in membōr ro an Kabun̄ in rej juon wōt ippān mijinede ro n̄an kwaļo̧k gospel in.
Armej ro Rekwojarjar ilo Raan Ko Āliktata ilo Liberia rekar jipan̄ 507 ro m̧ōttaer n̄an deļo̧n̄e dānnin peptaij ilowaan 10 allōn̄ ko rekar jab jerbal in mijenede ro rej jerbal aolep raan ilo laļ en aer. Ke juon iaan stake būreejtōn ro am em̧m̧an ejitenbōro ilo ijen ekar ron̄ bwe mijenede ro rej jerbal aolep raan remaron̄ ro̧o̧lļo̧k, ekar ba, “O em̧m̧an, bwe kiiō remaron̄ jipan̄ kōm̧ jerbal eo am̧.”
Ej m̧ool:—jerbal eo eļap ioon laļ in24—ej ad bujen eddo. En̄in ej tōre eo ad! Aō kajjitōk rainin epidodo: kwalo̧k gospel in. Kwon āinwōt kwe im kotak meram eo. Jar bwe lan̄ en jipan̄ im ļoor jetōbin im̧we ko. Lukkuun kwaļo̧k paoktokum̧ im mour eo am̧, im kūrtok ro jet n̄an itok im lale, n̄an itok im jipan̄, im n̄an itok im pād.25 Innām kwon m̧ōņōņō im ro kwoj iakwe ren bōk kōjeraam̧m̧an in kallim̧ur ko.
Ijeļā bwe ilo Kraist naan kein rem̧m̧an kar kwaļo̧k n̄an ro ettā būruweer; ilo Kraist rej kūtimi ro e rup būrueir; ilo Kraist kwaḷọk kōtḷọk ñan ro rej mour wōt; im ilo Kraist, im Kraist wōt, pāllin bōraer kōn bwidej in upaaj.26 Tokālik, aikuj eo eļap n̄an kōm̧m̧ani men kein kōn aolep!27
Ij kam̧ool bwe Jisōs Kraist ej ritōl im rikoweeppān tōmak eo ad.28 E enaaj kam̧ōje, E enaaj kadedeļo̧k, tōmak eo ad—ijoke jab wānōk—n̄an kotak meram eo an gospel in. E enaaj jerbali menin bwilōn̄ ko ilo mour ko ad im ilo mour ko an riaintok ro An, bwe E ej Anij in menin bwilōn̄ ko.29 Ilo āt eo ekwojarjar etan Jisōs Kraist, amen.