M̧ōttan ko Rem̧m̧an jān M̧ōttan eo Kein Karuo an 191st in Kweilo̧k eo Eļap

Jej oktak n̄e jej kōjerbal m̧ool ko an gospel eo me jej ekkatak kaki. Būreejtōn Russell M. Nelson ekar kwaļo̧k ennaan ko reļem̧ waan bōtaab eļap meļeļeier n̄an kōpeļļo̧k im kiil kweilo̧k eo eļap.

“Katak eo erreo an Kraist ej kajoor,” ekar ba ilo naan in kōpeļļo̧k ko an. “Ej ukōt mour an aolep ro rej meļeļe im kappukot n̄an kōjerbale ilo mour eo an.” Ilo raan eo juon, ilo naan in ikkiļo̧k eo an, ekar ba: “Jekar ekkatak. … Kiiō kajjitōk eo ej, enaaj ewi wāween ad oktak kōnke kōn ta eo jaar ron̄ im en̄jake?”

Ilubwilijin elōn̄ katak ko raorōk kar katakin ilo kweilo̧k in eļap:

• Jekar ekkatak ej iien n̄an kōjerbal jon̄an ko rejej uwaer n̄an kōkajoorļo̧k pedped in jetōb ko ad make (lale Būreejtōn Nelson ilo peij 93).

• Jekar ekkatak kōn aorōk eo an rikaļoor barāinwōt ļam waan eo an (lale Būreejtōn M. Russell Ballard ilo peij 51, Elder Dieter F. Uchtdorf ilo peij 77, im Elder Gary E. Stevenson ilo peij 47).

• Jekar ekkatak etke jej aikuji Kabun̄ in im bwe jemaron̄ kōm̧m̧ane elōn̄ men ko n̄an kōjeraam̧m̧an ro jet eļan̄n̄e jej jerbal ippān doon (lale Būreejtōn Dallin H. Oaks ilo peij 24, Bisop L. Todd Budge ilo peij 100, Bonnie H. Cordon ilo peij 10, im Sharon Eubank ilo peij 53).

• Jekar ekkatak bwe iakwe Anij emaron̄ jipan̄ kōj anjo̧ ioon jepeļļo̧k ko me rej dāpij kōj jān erom juon (lale Elder Jeffrey R. Holland ilo peij 8, Elder D. Todd Christofferson ilo peij 16, im Elder Dale G. Renlund ilo peij 83).

• Jekar ekkatak bwe jemaron̄ karuwaineneiktok revelesōn n̄an mour ko ad kōn ajeļo̧k n̄an ankilan Irooj im bwe bōk im kajjitōk kajjitōk ko me ejjeļo̧k ad uwaak n̄ani ej em̧m̧an (lale Būreejtōn Henry B. Eyring ilo peij 74, Camille N. Johnson ilo peij 80, im Susan H. Porter ilo peij 33).

Ta eo kwaar ron̄? Ta eo kwaar en̄jake? Ekōjkan am̧ naaj kōjerbal ilo mour eo am̧ m̧ool eo erreo, katak eo erreo, im revelesōn eo erreo kwonaaj lo eilo am̧ wōnm̧aanļo̧k in ekkatak ennaan ko an kweilo̧k eo eļap?