Eria Jiljilimjuonn̄oul ro Rekāāl kar Rejtake

Ruo Eria Jiljilimjuonn̄oul kāāl kar rejtake makeļo̧k ilo iien kweilo̧k eo an ritōl kar kōm̧m̧ane ejja m̧ōttan wōt kar kweilo̧k eo eļap. Innām aolep Eria Jiljilimjuonn̄oul ro kar rejtake āinwōt juon kurup ilo m̧wen̄an eo an ālkin rāelep in Jādede eo an kweilo̧k eo eļap.

Elder Charden Ndinga, 41, jān Pointe-Noire, Republic of the Congo, enaaj jerbal ilo Doulul eo Kein Kajilu an Jiljilimjuonn̄oul eo (Africa Central, South, im West Areas). Elder Pedro E. Hernández, 51, jān Punto Fijo, Venezuela, enaaj jerbal ilo Doulul eo Kein Kajilimjuon an Jiljilimjuonn̄oul eo (South America Northwest im South Areas).

Ebar lōn̄ Eria Jiljilimjuonn̄oul eo kar kōtļo̧k kar kōjjeļā kake ilo Juļae eo. Eria Jiljilimjuonn̄oul rej “rikam̧ool ro rejenolo̧k” kōn Jisōs Kraist ilo kajjojo jikin ko rej jokwe ie (lale Katak im Bujen Ko 27:12). Rej jerbal ium̧win tōl eo an būreejtōnji eo an Doulul eo an Jiljilimjuonn̄oul eo.

Kweilo̧k eo an ritōl ekar kōm̧m̧an ilo nememein armej ak ilo intōrnet jān jet 300 Ritōl Utiej ro an Kabun̄ in, Opija ro Routiej, im Eria Jiljilimjuonn̄oul ro.