Kabun̄ in ej Letok Jipan̄ im Menin Jipan̄
Ilo iien ko rapan̄ im jabdewōt jikin ilo laļ in ijo ewōr aikuj n̄an jipan̄, menin jipan̄, emakijkij an leiaia ippān doulul in jipan̄ ko im ra ko rejjab an kien. Ilo allon̄ ko jilijino remootļo̧k, Latter-day Saint Charities, doulul an Kabun̄ in jibadbad eo an eļap tata ej n̄an leļo̧k jipan̄ ko an humanitarian, ekar leļo̧k jipan̄ n̄an an maron̄ in:
-
Ekōm̧m̧an an juon doulul ejjab bōk jāān n̄an kōm̧m̧an bwe en lōj dān ilo im̧ōko ilo eria ko rettoļo̧k an armej in Lal eo an Navajo ilo New Mexico, Arizona, im Utah, USA.
-
Ajeej ekepaak 2 bilien wā ko an COVID-19 n̄an ijoko eļap an nan̄inmej in jelete ilo 121 laļ ko im territory ko.
-
Leļo̧k menin jipan̄ ko n̄an riatajinemjen in Ethiopia ro rej jokwe ilo Sudan im jet iaan bukwōn ko raar ibwijleplep ilo Sudan. Kein jipan̄ ko rekar barāinwōt jipan̄ rikallib ro bar jinoe ālkin ibwijleplep eo im leļo̧k m̧ōn̄ā ko n̄an er make im ro jet im kar jipan̄ baam̧le ko n̄an erom un̄are peid make kōn ejaake pejnej ko aer make.
-
Jipan̄ 9,000 riatamjnemjen ro im ro rej em̧m̧akūt jān jikier (immigrant) ilo enan̄in epaakeļo̧k 190 doulul in jipan̄ ko ilo United States,leļo̧k juon kōro̧ro in jāān in jipan̄ ko dettan in $5 milien jāān in Amedka.
-
Wōnm̧aanļo̧k wōt ilo kamineneik im leļo̧k kamputōr ko n̄an ripilo im ro ejjab em̧m̧an aer loļo̧kjeņ ilo French Polynesia.
-
Kōtōbalbal ippān kabun̄ ko jet im doulul ko an jukjuk in pād eo n̄an jipan̄ baam̧le ko an ro rej em̧m̧akūt jān jikier (immigrant) ilo juon jikin kōm̧akūt kōm̧akūtak eo ilo Houston, Texas, USA.
-
Kōpeļaak 20 būroojāāk in menin jipan̄ an ajeded in nan̄inmej eo ilo Paraguay.
-
Bōkļo̧k menin jipan̄ n̄an Haiti ālikin juon makūtkūt an laļ ekabūrom̧ōjm̧ōj, kōn kōjerbal im̧ōn jar ko an Kabun̄ in āinwōt jikin kōppād ko ilo Kabun̄ in ej leļo̧k m̧ōn̄ā, dān im m̧weiuk ko jet.
-
Ņa mejļan aikuj ko reļļap tata an riatajinemjen in Afghan ko rej jokwe ilo Qatar, Europe, im United States.
Kabun̄ in ekar barāinwōt leļo̧k jipan̄ ilo Āne ko ilo Caribbean an Saint Vincent im Grenadines ilo iien eo volcano eo ekar waļo̧k ilo eria eo; kar karōk baļintier ro n̄an jipan̄ karreo im kōro̧o̧l men ko n̄an jinoin ke juon hurricane ekar eotōk ilo Gulf Coast im Louisiana, Germany, Belbium, the Netherlands, Luxembourg, im Switzerland.