Juon Kareel Em̧m̧an n̄an Laļ in

Ilo an rikanaan ro im rijilōk ro wanm̧aanļo̧k kōn jerbal in karejar ko aer, kareel eo aer n̄an em̧m̧an ej kōjeraam̧m̧an elōn̄ mour ko im kōketak juon jetōb in jerbal in jipan̄ ilo aolepān laļ in, bōro kuk, im kōjatdikdik. Enin ej jet iaan m̧ōttan ko rem̧m̧an an jerbal in karejar eo ilo allōn̄ ko jiljino.

Ilo Tokyo Summer Olympic eo, Būreejtōn Russell M. Nelson ekar likūt ilo socal media kōn aikuj eo n̄an joļo̧k akweel im kōn aorōk eo an m̧ōttā, kauteij, im bōro kuk.

Elder Jeffrey R. Holland jān Doulu eo an Jon̄oulruo Rijilōk ro ekar kobaļo̧k ilo juon video conference an laļ in kar kōm̧mane ilo Windsor, England. Rikōnono ro an kweilo̧k eo rekar ekōnono kōn ājmour in kōļmenļo̧kjeņ im en̄jake an milien armej ro ilo kāām ko an rijipo̧kwe. Elder Holland ekar kajjitōk kōn jipan̄ n̄an kōtļo̧k bwe rijipo̧kwe ro ren kwaļo̧k “kabun̄ in tōmak eo aer ej leļo̧k n̄an er lukkuun wōn er.” Sister Sharon Eubank, Rikakpilōklōk eo Kein Kajuon ilo Doulul eo Eutiej an Kōrā ro im būreejtōn eo an Latter-day Saint Charities, kar barāinwōt kobaļo̧k ilo kweilo̧k eo.

Elder Quentin L. Cook jān Doulul eo an Jon̄oulruo Rijilōk ro ekar kōnono ilo juon ko̧o̧njeļ in kobain tōmak ko kar kōm̧m̧an ilo ilo Notre Dame University eo ilo Indiana, USA. Elder Cook ekar idajon̄jon̄e ro raar pād ilo summit eo n̄an “jutak āinwōt juon kakōļļe an tōmak im bōro kuk ilo juon laļ eo me emakijkij an kōjaorōk men kein jim̧or.”

Elder Ronald A. Rasband jān Doulul eo an Jon̄oulruo Rijilōk ro ekar kōnono ilo G20 Interfaith Forum eo ekar kōm̧m̧an ilo Bologna, Italy. (G20 eo ej kobain 20 laļ ko rej ejaake 20 economic ko reļļap tata ilo laļ in.) “N̄e kabun̄ ej letok kālet eo n̄an romaak, ritōmak ro aolep jikin rej kōm̧m̧ani men ko reļem waan im jet iien jerbal in jipan̄ ro rem̧m̧an,” Elder Rasband ekar ba. Ilo ejja kweilo̧k in wōt, Sister Eubank ekar kōnono kōn men ko rej waļo̧k jān kwole im jabwe ōn ilo ajri ro rej ped ilo jeram̧ōl. “Oktak emaron̄ in wōt … kōttōprake jān jemjerā ko an juon make an lōke,” ekar ba.

Ālkin kar juon m̧akūtkūt in laļ me ekar kakkure Haiti, Elder Ulisses Soares jān Doulul eo an Jon̄oulruo Rijilōk ro ekar kōnono ilo juon nokon imejatoto n̄an membōr ro rej kajin French ilo Caribbean, kakeememej er bwe “tōmak ej kopeļļo̧k kajoor eo an Anij ilo mour ko ad.” Sister Reyna I. Aburto, Rikakpilōklōk eo Kein Karuo ilo Būreejtōnji eo Eutiej an Doulul eo an Kōrā ro, ekar kobaļo̧k ilo nokon eo im barānwōt kōnono jān intōrnet kar kōnono n̄an membōr ro ilo kweilo̧k ko an ritōl im kweilo̧k ko reļļap an stake. “Jemaron̄ jutak pen,” ekar ba, “em̧ool jekdo̧o̧n eļan̄n̄e kōto ko rej itok im laļ ej em̧akūtkūt ipeļaakid.” Elder Soares ekar barāinwōt kōnono ilo nokon eo kadiwōjļo̧k imejatoto n̄an Jodikdik ro ilo Caribbean, kakeememej er bwe “jej aikuji kareel eo an Jetōb Kwojarjar ilo mour ko ad.”