Talafaasolopitoo Aiga, Malumalu, ma le Galuega Faafaifeautalai: Paaga Mamana i le Faapotopotoina o Isaraelu
E le o tuueseeseina ae o vaega uma o le galuega sili lava e tasi.
Ata pue o le Malumalu o Lonetona Egelani na pueina e Mark Henderson; ata pue o se tamaitai faifeautalai na pueina e James Whitney Young
Sa lagona e ni tamaitai faifeautalaise toalua i le Misiona a Texas Houston se uunaiga e aoao atu se lesona e uigai le faamoemoega o le malumalu. I le taimio le lesona, sa ta‘ua e le tamaloa sa la aoaoina faapea na maliu lona uso i ni nai tausaga ua mavae. O le lagonaina o le Agaga e faatatau ia Iosefa Samita ma le Tusi a Mamona, ina ua ia iloaina e mafai ona ia tuuina atu sauniga faaola mo lona uso, sa ia taliaina le valaaulia a faifeautalai ina ia papatisoina. Mulimuli ane, i le avea ai ma se tagata fou o le ekalesia, sa papatisoina o ia mo lona uso ua maliu i le Malumalu o Houston Texas.
I Tempe, Arisona, sa fesili atu ai se tagata o le Ekalesia i lona tuaoi pe manaomia le fesoasoani i le fatuina o se gafa o le aiga e faaali atu ai ona tuaa. Sa talia e le tuaoi. Sa fesoasoani le tagata i le tuaoi e faaopoopo igoa o ona matua ma matua matutua i le FamilySearch. Sa la fesootai atu i faamatalaga ua uma ona maua, ma e lei leva ae i ai se siata ili a le tuaoi e faaalia ai augatupulaga e lima o lona aiga. O lenei mea na taitai atu ai le tagata ia fiafia i le talalelei ma iu ai ina papatiso ma ave igoa o ona tuaa i le malumalu.
O tala e pei o nei—ma e faitau selau i latou—ua faapupula maiai le auala e mafai ai e talafaasolopito o aiga, galuega faafaifeautalai, ma galuega faalemalumalu ona tuufaatasi e toso mai ai tagata agaii le talalelei.
Vaega o le Fuafuaga Lava e Tasi
“E i ai i tagata se manao e fia iloa se mea e uiga i o latou tuaa,” o le saunoaga lea a Peresitene Russell M. Nelson. “E avea lena mea o se avanoa masani mo o tatou faifeautalai.”1 O lenei manaoga e puna mai i le loto, ua tuuina mai e le Atua ma o se auala mamana o le liliu atu o loto i tuaa o e o loo faatalitali mo le mauaina o sauniga o le malumalu. O le fesootai ai ma nei tuaa e fesoasoani foi e saunia ai loto o e o soifua ina ia maua upumoni e faavavau—lea e taitai atu ai tagata i itu uma e lua o le veli i le malumalu.
Ina ua faaali atu le agelu o Moronae ia Iosefa Samita ia Setema 1823, sa ia ta‘u atu ia Iosefa e uiga i le Tusi a Mamona—“O le meafaigaluega a le Atua e faataunuu ai [le] faapotopotoina”2—ona sii mai lea o ni nai fuaitau o mau. O se tasi o na fuaitau na faatataui le toe foi mai o le perofeta o Elia, o le o le a ia tuuina mai ki taua o le perisitua ma amatalia se taimi o le a liliu atu ai loto o fanau i o latou tama (tagai Malaki 4:6; Iosefa Samita—Talafaasolopito 1:27–43).
E masani ona tatou faaaogaina le fasifuaitau “le agaga o Elia” e faamatala ai le fiafia o tagata ma le alofa mo o latou tuaa.3 Na saunoa Peresitene Nelson o lenei mea o “se faaaliga o le Agaga Paiae molimau ai i le uiga paia o le aiga.”4
Ua faamalamalama mai i lenei mea le mafuaaga e lagona ai e le toatele o tagata se faamalieina tele pe a latou mauaina faamatalaga e uiga i o latou tuaa. E pei lava ona i ai i le toatele o tagata se lagona masani faapea o le aiga o le mea lea e sili ona taua i le olaga, latou te iloa foi o le aiga e tatau ona aofia ai i latou o e ua maliliu. A o latou aoao atili e uiga i nei tagata o le aiga o e ua maliliu, e liliu atu o latou loto ma le olioli e opoina i latou. E le na o se tali faalelagona lenei ae e masani lava o se tali faaleagaga e taialaina e le Agaga Paia.
“O le liliu atu i tamā e fagua ma saunia ai se loto mo le suiga tele,” na saunoa ai Elder David A. Bednar o le Korama a Aposetolo e Toasefululua. “O lea, ua fesoasoani ai le agaga o Elia i le liuaina.”5 E manino lava, o talafaasolopito o aiga, galuega faafaifeautalai, ma galuega faalemalumalu e tatau ona faaaogaina faatasi. Faatasi ai ma le faamamafa a lo tatou perofeta i le faapotopotoina o Isaraelu i itu uma e lua o le veli o le galuega aupito sili lea ona taua o loo faia i le lalolagi i aso nei, e le faigata ona vaai faalemafaufau i talafaasolopito o aiga o se meaalofa loloto, na auina mai le lagi e fesoasoani ia i tatou i le faasoaina atu o le talalelei i isi.
Aumai Faatasi i Latou
O le a la se foliga o le aumaia faatasi o nei gaoioiga faaatoatoa? O ni nai manatu nei.
Tagata o le Ekalesia
Faaaoga tala faaleaiga e amata ai se talanoaga anoa e uiga i le alofa o loo ia te oe mo lou aiga, i le taimi ua tuanai ma le taimi nei. O lou malamalama i lou lava aiga ua e agavaa atoatoa ai e faia ni talanoaga ma isi e uiga i o latou aiga. O lau ofo e fesoasoani ia i latou e aoao atili e uiga i lo latou aiga e mafai ona faalolotoina ai lau sootaga ma taitai atu ai i latou i se ala e taua e faavavau.
Muai Faifeautalai
Faaalu sina taimi e auai ai i talafaasolopito o aiga ma galuega faalemalumalu, e ui lava o loo e pisi a o e sauniuni mo lau misiona. Faatu se Faitotoa a le Ekalesia—o le a e manao i ai mo le teleo mafuaaga i le avea ai o se faifeautalai, e aofia ai le mafai ona mauao lou talafaasolopito o aiga i luga o le FamilySearch.org.
Aoao i tala e uiga i ou tuaa ma ia saunia e faasoa atu. Ave ni igoao le aiga i le malumalu pe afai e i ai se malumalu e lata ane. Afai e leai, ia saunia igoa mo isi e ave i le malumalu. Amata nei loa ona aoaoe uiga i le FamilySearch ma isi punaoa.
Faifeautalai o loo Auauna Atu i le Taimi Nei
Fefautuaai ma lau peresitene o le misiona e vaai pe talafeagai le auai patino i talafaasolopito o aiga ma galuega o le malumalu i lau misiona. O nisi nei o mea e taliaina i misiona uma:
-
Talanoa e uiga i aiga—o le manao lautele mo le faaauai ma le fesootaiga e avea ai o se auala masani e amata ai se talanoaga.
-
Fesoasoani i tagata sailiili ia iloa pe mafai faapefea ona faatasia o latou aiga e faavavau.
-
Molimau atu i faamanuiaga o le malumalu
-
Uunaia tagata fou o le ekalesia e auai i le faatinoga o talafaasolopito o aiga ma galuega o le malumalu.
Faufautua mo Malumalu ma Talafaasolopito o Aiga
Ia nofouta foi e mafai foi ona e faia se matafaioi autu i le faagasologa o le liua ma le faatumauina mo tagata fou o le Ekalesia.
Na faapea mai Peresitene Nelson, “A na faapea o au o se faifeautalai i le taimi nei, o au uo sili lava e toalua i le uarota po o le paranesi o ou galue ai, o le taitai misiona a le uarota ma le faufautua a le uarota mo le malumalu ma talafaasolopito o aiga.”6
Pe a talafeagai ai, fesoasoani i faifeautalai e faailoa atu tagata i talafaasolopito o aiga ma le faamoemoega o malumalu. Ofo atu e fesoasoani i nei tagata ia amata i la latou lava gafa o le aiga. Pe a talafeagai ai, ia uunaia faifeautalai e aumai tagata i le nofoaga autu o talafaasolopito o aiga.
A o sauniuni tagata sailiili mo o latou lava papatisoga, e mafai e faifeautalai ona fautuaina i latou e saunia e papatiso i le malumalu mo o latou tuaa. Fesoasoani i tagata faatoa papatiso e faaauau pea ona iloa o latou talafaasolopito o aiga. Faasoa atu lo latou fiafia e uiga i avanoa ua latou maua nei e faamanuia ai augatupulaga o tagata o le aiga. Fautuaina i latou ia tumau le agavaa mo faamanuiaga o le malumalu.
Fesoasoani i le Faanatinatiina
I le Mataupu Faavae ma Feagaiga 88:73 ua Ia fetalai mai le Alii, “Faauta, o le a Ou faanatinatiina la’u galuega i lona taimi.” O nisio faailoga aupito manino o lenei faanatinatiga o le:
-
Faateleina o le aofai o malumalu ma lo latou latalata atu i tagata o le Ekalesia.
-
Galuega faafaifeautalai i le lalolagi atoa.
-
O le faalauteleina i le mauaina o faamatalaga e uiga i o tatou tuaa.
-
O le atinaega o tekinolosi mamana e maua ai, faatulaga, ma faasoa atu ai lenei faamatalaga.
-
O se manao moni ma vave ona faateleina i fanau a le Atua i le lalolagi e iloa ai po o ai i latou ma fesootai ma o latou aiga—i le taimi ua tuanai ma le taimi nei—faapea foi ma nuu moni o o latou tuaa.
E pei ona saunoa mai Peresitene Nelson, “E faigofie lava ma faamaoni la tatou savali i le lalolagi: tatou te valaaulia fanau uma a le Atua i itu uma e lua o le veli ia o mai i lo latou Faaola, maua faamanuiaga o le malumalu paia, maua le olioli tumau, ma agavaa mo le ola e faavavau.”7
Oka se avanoa faamanuiaina ua tatou maua, i le avea ai ma tagata o le Ekalesia o loo nonofo i aso e gata ai, e avea ma fesoasoani a le Tama Faalelagi i le faapotopotoina faatasi o Ana fanau!