Sau, Mulimuli Mai ia te A’u
Aisea e suia ai i nisi taimi aiaiga faavae a le Ekalesia?
Folafolaga Aloaia 1 ma le 2
Atatusi mai le Getty Images
I le 200 tausaga talu ai, ua faaalia mai ai e le Alii le tele o upumoni i Ana perofeta. O nisi o faaaliga e taitai atu ai i suiga o aiaiga faavae, e pei o faaaliga o loo maua i le Folafolaga Aloaia. O fetuunaiga o se vaega masani o le Ekalesia moni ma le ola. Peitai, o le aoaoga faavae—o upumoni faavae, e faavavau o le talalelei—e le suia lava. O lenei vaaiga faitinoe fesoasoani tatou te vaai ai i le sootagai le va o aiaiga faavae ma aoaoga faavae a le Ekalesia.
E pei lava o aa o auala ia e maua ai e se laau le ola, e tuuina mai foi e le Tama Faalelagi, Iesu Keriso, ma le Agaga Paia le ola faaleagaga i le ata o le faaolataga.O le talalelei, faaaliga, male perisitua e sau mai leAiga Atua.
O aoaoga faavae o le talalelei e faavavau mae le masuia ma e sau mai le Aiga Atua. Ua faailoa mai e le aoaoga faavae aiaiga faavae ma faiga a le Ekalesia.
O aiaiga faavae a le Ekalesia e taialaina e aoaoga faavae ae e aafia i fetuunaiga, e pei ona faaalia mai e le Alii i Lana perofeta. E pei o lala o se laau,o aiaiga faavae e “tuputupu ae” pe fetuunai e pei ona taialaina ai e aoaoga faavae ma faaaliga. E ui ina musuia pea, ae o aiaiga faavae e le faavavau e peio aoaoga faavae a le Ekalesia.