Ua I Ai le Ekalesia Iinei

Aai o Kuatemala, Kuatemala

Ata na pueina e Melanie Meza

E le o toe mamao ae tolu malumalu i Kuatemala: Aai o Kuatemala, Quetzaltenango, ma Cobán. Ua tuputupu ae ma le mausali le Ekalesia i Kuatemala talu ona taunuu faifeautalai i le 1947. O le asō, ua i ai i le atunuu:

• (pe tusa ma le) 281,500 tagata auai

• 51 siteki

• 7 misiona

Gaoioiga Faafiafia Lelei

“Ina ua fai mai lo‘u atalii, ’E mafai ona ta taaalo?’ Ou te faia le mea sili e faaavanoa ai se taimi mo ia,” o le tala lea a José Lopez o le Aai o Kuatemala. “O gaoioiga faafiafia lelei e aumaia faatasi ai lo matou aiga, e pei ona fai mai ai le folafolaga i le aiga.”