BWEBWENATO KO AN IJO JOKWE IE
Aibojooj in Bwidej in Upaaj
Ilo jinoin 2019, Sister Setaita Ata ekar jino mijen eo an ilo Joao Pessoa Mijen ilo Rōk turear in Brazil. Jejjo allōn̄ tokālik, ekar en̄taan kōn jorrāān in bukween neen im ekar aikuj jepļaak n̄an Australia bwe en taktō.
Kōn an kar kōņaan wōnmaanļo̧k wōt ilo mijen eo an, rekar bar kōmālim an Sister Ata bar mijen im rekar bar kam̧akūtļo̧k n̄an Melbourne Australia Mijen. Innem ilo Oktoba 2020, ekar en̄taan kōn bar juon nan̄inmej: kain nan̄inmej in metak bar.
Kobaļo̧k ippān metak in ānbwinin, ekar bar en̄jake an kaddodoiki ilo an kapan̄ e kōmpānion eo an jān aer kar kōmaat aer maron̄ jerbal. Kōn eddodo in eļap an kōļmenļo̧kjeņ kake, Sister Ata ekar āliklik in kōnono n̄an mijen būreejtōn eo, mijak bwe enaaj aikuj m̧ōkaj an ro̧o̧l jān mijen eo.
Ļōmņak kōn lan̄lōn̄ eo an n̄an ekkatak bwe enaaj wōnm̧m̧anļo̧k wōt im jerbal n̄an Irooj—bwe aikuj ko an n̄an taktō emaron̄ kōm̧m̧an n̄e ededeļo̧k an mijen. Ke Būreejitōn Houghton ekar kōmeļeļeiki ke enaaj bar em̧akūt n̄an juon Service Mijen, Sister Ata ekar kajju uwaak, m̧okta jān an kar jeļā enej kar elmen an naaj jerbal. Ilo ejja raan ne wōt Elder im Sister Nicholls, Ritōl ro an Service Mijen rej lale Australia, rekar ioon e ilo Zoom n̄an intōrpiu ippān im kōmeļeļeiki jerbal eo.
Āinwōt juon Service Mijinere, Sister Ata ekar marōn jepļaak n̄an m̧weo im̧ōn im kadedeikļo̧k an taktō, ak ekar bar maron̄ kōm̧m̧ane wōt jikejuuļ in jar aolep raan, ekkatak jeje ko rekwojarjar, im kōmourruur ānbwinnin. Elder im Sister Nicholls rekar jar im ļōmņak kōn kapeel ak kajoor ko an Ata me rejeņoļo̧k n̄an kālet wāween eo em̧m̧an tata n̄an e n̄an jipan̄ kakobaiki tok Israel.
Ke rekar bar iioon doon ilo aer kar jerbale tōōm in jerbal eo an āinwōt juon service mijinede, bratōr im sister Nicholls rekar bar ba bwe Sister Ata ejeraam̧m̧an kōn taḷōn eo kōn jin̄n̄a, me ewōr ippān en̄jake eļap kōn tūriam̧o im juon kajoor em̧m̧an ilo mour eo an. Sister Ata ekar kwaļo̧k an kōṇaan jerbal ilo tampeḷ, im ālikin jet arto artak, kōn jar ilo buruōer, rekar marōn walōntak kōn juon ijjitōn̄ ekāāl im ejeņoļo̧k n̄an e:
-
District Leadership: Sister Ata enaaj jerbal āinwōt juon ritōl n̄an aolep mijinede ro ilo bukwōn eo an.
-
Artistic Service: E enaaj jin̄a, jin̄a ko me rej kōketak tōmak ilo Jisōs Kraist im gospel eo An.
-
Jerbal ilo Tampeḷ: Emarōn bar jerbal ilo opiij eo ilo Australia Melbourne Tampeḷ ekkar n̄an iien eo em̧ōj karōke ilo kajjojo wiik.
Idajon̄jon̄ eo jinointata ilo USA im Canada ilo 2018, Service Mijen ko rej juon wāween n̄an rūm̧m̧an ded ro, ro me rejjab maron̄ jerbal full time ilo mijen ko n̄an “jerbal ilo jikin eo ekkar n̄an kajjojo taḷōn ko, kapeel ko, im menin joortak ko.”1 Service Mijen ko rekar kōm̧m̧an ilo Australia in 2020, ke Elder im Sister Nicholls rekar kadedeikļo̧k kaminene ko aer ikkijeen jerbal in tōl.
“Aolep mould ko em̧ōj aer jorrāān!” Elder Nicholls ekar kōmmeḷeḷeiki, “Service mijinede ro rejjab jokwe ippān juon kōmpānien; rejjab jokwe ilo eria eo em̧ōj kālete ilo jikin ko kajjojo; rej kanaki name tag ko aer ilo iien eo wōt rej kōm̧m̧an ijjitōn̄ ak jerbal in mijen ko aer.”
Āinwōt service mijinede ro rej tōl, mijen eo an Elder im Sister Nicholl ekar barāinwōt jenoļo̧k. Rekar jokwe ilo m̧weo̧ m̧weer make ilo ioon Gold Coast ilo Queenslnand im kar kea kōn mijinede rej jokwe taujin m̧ael ettoļo̧k jān doon. Rekar kappukōt jerbal ko jet rem̧m̧an ļo̧k—ilo Kabun̄ in—im rekar ļōmņak ‘eļapļo̧k aer kar ļōmņake’ n̄an kakobaik kajoor ko im taļōn ko an kajjojo mijinede ippān juon aikuj ejeņoļo̧k.
“Ijeļā ke ekar wōr juon aō taļōn ikkijeen jin̄a” Sister Ata ekar ba, “ak ikar jab kōjerbale ium̧win elōn̄ iien ko. Im kiiō ij kile bwe Jemedwōj Ilan̄ ekōņaan bwe in kōjerbal taļōn eo ikkijeen jin̄a n̄an jipan̄ ro jet.”
Ļōmṇak kōn an en̄taan kōn nan̄inmej ko ekar kapan̄ e mijen eo an ilo jinoin. Sister Ata eban kar kālet apan̄ kein n̄an e make, ak ejeļā bwe ej kiiō bōk eļapļo̧k jeļā bwe ilo an bōk men kein ‘obrak kōn aibojooj in bwidej in upaaj’.2
“Eļan̄n̄e āinjuon, em̧akūt eo aō n̄an juon service mijen ekar jipan̄ eō [n̄an] kile ta eo Jemedwōj Ilan̄ ekar letok n̄an eō,” ekar ba. “Juon ṃōttan eo eļap ilo service mijen eo aō ej kōm̧m̧ane ankilaan Irooj im kajjitōk ļo̧k wōt n̄an E. Ej bar ro̧o̧l likļo̧k n̄an juon katak ilo Itok, Ļoor Eō: n̄e ewōr juon ikdeleel ippām n̄an jerbal ej kajjitok ļo̧k ippān Irooj im E naaj tōl eok n̄an jeļā ta eo kwōn kōm̧m̧ane im ewi wāween am̧ jerbal.”