BWEBWENATO KO AN IJO JOKWE IE
Irooj ej pād ilo Jebwe eo
Ilo kiiō, mour eo an Fetaual Unasa Tautianga Tuifalefa Tiatia ekar juon waanjon̄ak kōn ļap tōprakin.
Ekar jino jerbal eo an āinwōt juon rūkaki ilo 27 iiō ko rem̧ootļo̧k, ālkin an kar bōk diploma eo an jān Samoa Teachers Training College, im ekar wōnmaanļo̧k wōt im bōk bachelor eo an ikkijeen education. Ilo kar jinoin 2000 eo, Fetauai ekar bōk postgraduate degree eo an jān renown Malua Theological College, ijo ekar karbōb im jejjet bwe en kar ekkapit āinwōt juon rūkaki ak rikwaļo̧k naan ilo juon iaan m̧ōn jar eo ebun̄bun̄ an Rikūrijtin ro.
Ilo ejja iien ne wōt, ekar iioon im ṃareki juon likatu Lili Laufiso, im ekar wōr nejier—3 leddik im juon ļaddik. Ke ej iien aer kālet high school ta eo ren jerbal ie, kar kwaļo̧k background eo an Fetauai make ilo jikin jeḷāḷọkjeṇ, ri pālele rein rekar lukkuun ļōmņak kōn kālet kein aer.
“Jekar kālet bwe jen bōkļo̧k leddik rein nejim n̄an Vaiola College,” Fetauai ekar ba, n̄an high school en ilo Savaii, me an Kabun̄ eo an Jisōs Kraist im Armej ro Rekwōjarjar ilo Raan ko Āliktata. Ekar juon kālet eo ekabwilōn̄lōn̄ n̄an juon eo me ej rūkaki ilo bar juon kabun̄, ak ekar bwilōn̄ kōn jon̄ak ko an Vaiola im katak ko me Kabun̄ in ej katakin kaki.
Jidrik wōt an Fetauai kar jeļā ilo iien eo, ke kālet in enaaj ukōt mour eo an.
Leddik ro nejin rekar jino etale high school eo aer ilo Kabun̄ in. Rekar bōk kilaaj in seminary eo (kabun̄) kilaaj ko, im ilo iien nokwon ko ilo jota an baamļe, rej aikuj kwaļo̧k ta eo rekar ekkatak kōn jepļaaktok eo an gospel eo an Jisōs Kraist.
Fetauai im kōrā eo ippān raar lapļo̧k aer epaakeļo̧k mijinede ro rej lo ļo̧k leddik ro nejierro ilo m̧weo̧ im̧ōer. Sister ro Niutua im Laulu rekar katakin er kōn Karōk in Lo̧mo̧o̧r, im ilo Eprōḷ 2010, leddik ro nejin Fetauai rekar peptaij. Fetauai ekar ba bwe ilo kar jar in ikkiļo̧k eo, Sister mijinede rein rekar lukkuun kwaļo̧k aer kōņaan bwe aolepen baamļe in ren koba tok ilo Kabun̄ in.
Ekar bar keememej juon katak ilo nokon in jota eo an baam̧le ippān mijinede ripālele ro jān Utah. Elder im Sister Krogh rekar bōktok cookies ko me rekar make kōmaati, me rekar kūtimi ilo juon m̧ōttan wea aen aitok. Ālkin katak eo, kajjojo armej rekar kajjieon̄ tūm̧wi wea aen eo jān tin eo m̧ae iien, āliktata rej kab marōn kapeļļo̧ke im ekar itok limoer kōn cookies ko lowaan. Im Elder Krogh ekar kwaļo̧k an naan in kaṃool: eļan̄n̄e jenej (kōpeļļo̧k) buruōd n̄an gospel in bwe jen maron̄ m̧ōņōņō in bōk menin kōjeram̧m̧an ko an gospel in.
Jidik kōn jidik, ilo an ejaak en̄jake kein ilo tōmak enaaj jerbal juon menin bwilōn̄ ekajoor ilo buruōn Fetauai make, im ejjab to, ekar jab maron̄ bar kōttar aitok n̄an an kobtak tok ilo Kabun̄ in. “[Ekar] āinwōt juon en̄jake eo me eto an en̄jake ilo juon iaļ eaitok ilo an ejjeļo̧k aiboj . . . m̧ōn̄ā ilo juon āne jemdān,” ej ba.
Fetauai ekar kajju kūr ļo̧k bisop eo n̄an karōke iien peptaij eo an make, im ejamin wiik tokalik, ļein ekar kiiō juon iaan membōr in Kabun̄ eo an Jisōs Kraist im Armej ro Rekwojarjar ilo Raan ko Āliktata.
Nuuj in ekar kanuuj in kailbōkbōk, eļaptata n̄an juon eo me eļap koņaan ilo kabun̄ eo an me ekar etal jāne. “Armej rekar kōnono kōn oktak eo am . . . ilo aer jab tōmak. [Kar] menin kōnono eo ilo būkōn eo, market eo im ilo jikin uwe wa ko ilo tōre kane!” Fetauai ekar ettōn. Ak menin ekar bar lukkuun letok lon̄iin armej. “Ekar wōr mōttam rekar oktak im erom̧ rikōjdat . . . ilo weto eo, [im] ilo baam̧le ko.”
Ekar lukkuun pen jinoin am kar oktak, bōtaab Fetauai kiiō ekar emeemej ļo̧k iien ko reppen bwe “iien ko em̧ōj m̧eļo̧kļo̧ki” kōnke, ej ba, “ālikin an kar matōrtōr bun̄ut kōm ekar jino an jako ļo̧k, āliktata jekar lo meram eo an Kraist, ļapļo̧k an meram jān meram ko em̧ōj meram e tok mour kein am.”
Fetauai ekar peptaij ilo 2013, innem ekar liāpe ippān baamļe eo an n̄an iien in im n̄an indeeo ilo iiō eo tokālik. Ilo 2016, ekar juon bisop, im ilo 2017 kar kūr e n̄an jerbal āinwōt juon Stake būreejtōn ilo Savaii Samoa Pu’apu’a Stake.
Juon ememļo̧kjeņ, Būreejitōn Tiatia ewōr juon an kōmmeḷeḷe kōn iaļ eo an ļo̧k n̄an gospel eo an Kraist em̧ool. “Ilo aolepān idajon̄jon̄ ko kōm kar jelm̧ae im kālet ko kōm kar kōm̧m̧ani . . . kōm kar etali jān jinoin im āliktata kōm kar ba: ‘Irooj ej pād aolep iien ilo jebwe an kajjojo jetōb.’”