BWEBWENATO KO AN IJO JOKWE IE
Enjeḷ Ro Rej Al Ippām
Ilo jibbon̄ in juon Jabōt ilo Auckland Papataetae Stake Eprōl 2021, ke ejja ejjeļo̧k kobban Chapel eo, membōr ro ilo Messey Park ward rekar kanne kobban jea ko likūn pulpit eo n̄an kōpooje n̄an an ri al ro kar kōmmālmel. Im jejjo awa jān iien eo, kōm kar pojak in kōm̧m̧ane prelude al eo, n̄an kūr tok Jetōb Kwojarjar im kōmm̧ane ainikien eo n̄an m̧wen̄an eo āliktata ilo kweilo̧k in.
Ilo piano en, ikar ron̄ elōn̄ kain ainikien ko ijjab lukkun jeļā kaki. Ikar ron̄ an ainikien ko jakoļo̧k kōn aer mijak, im ilo kōļmenļo̧kjeņ eo aō, ikar jar: “Ak Jemedwōj Ilan̄ . . . jekar kajjieon̄ jon̄an wōt ad maron̄.”
Ilo ad kar etal wōt ilo iien eo āliktata, ikar ļōmņak e tok aolep iien kōppopo ko n̄an rainin. Bisop eo am ekar lukkuun m̧ōņōņō in letok ijjitōn̄ in ikkijeej kuwaer eo an stake, kōn tōmak eļap kōn ward eo an. Ritōl al eo, Sister Benjly Maugatai, ekar bōktok ritōl al eo an im ri kajan̄jan̄ piano, innem ekar karōke al ko aer im karōk aolep kōmmālmel ko. Jekar kālet al ko me rem̧m̧an ak repidodo, kōnke kōm kar jeļā ke ro wōt ilo ward in me ewōr aer jeļā remaron̄ riit no̧o̧t ko, im elōn̄ ro rejan̄in kar al ilo kuwaer m̧okta.
Ak rekar baj itok wōt. Men̄e elōn men ko jet rekar katak kaki, kuwaer eo am ekar tokālik ļōnļo̧k uwaan, rekar tōn jab fit ilo jikin jutak en . . . im jekar kōmmālmel elōn allen.
Ekar lukkuun ālikkar jān jinoin ke eban kar maron̄ em̧m̧an kuwaer in am, ak ippān Bratōr Westerlund, toon wōt an ri al ro kar m̧ōņōņō im kōm̧m̧an jon̄an wōt aer maron̄, ‘kōtļo̧k bwe ren al wōt,” ekkā an ba.
Jekar kajem̧ļo̧k kōmmālmel eo ad ejjab em̧m̧an ālikatata, im ikar bar ļōmņake ļo̧k Būratōr Westerlund. E ekar ettōn innām ba ļo̧k n̄an kuwaer eo bar juon allen.
“Jej kōm̧m̧ane al in ejjab n̄an kwaļo̧k ad makare,” ekar ba, “ak n̄an kwaļo̧k ad kam̧ool. Ilo iien am al, kememej bwe juon iaan armej ran rej aikuj en̄jake jetōb eo am im tōmak eo am. En̄in ej wunleplep in ijjintōn̄ in ad em̧ool rainin.”
Ejjab to chapel eo ekar jino obrak, jen maan n̄an tulik in hall en. Ilo iien an ritōl ro ilo stake im eria bōk jikier, Būratōr Westerlund ekar kalikkar tok n̄an kuwaer eo bwe ren jutak.
Ikar jino kajan̄e al in ijjino eo, im ke ej jan̄ noot eo jinoin an kuwaer, ikar jab tōmak ta eo ikar ron̄. Ekar obrak, peran, anikien eo aibojooj! Ikar reiļōn̄ ļo̧k jen jikin jijōt eo ao ilo ao lōḷn̄ọn̄. “Wōn in ej al?”
Bōlen, ejja kurup in m̧ōnono eo, ward membōr ro eļap aer tōmak, ak āinwōt an lukkuun alikkar an meram in al kajju deļon̄e chapel itok jān katiin̄ ko, ikar bar ron̄ ainikien juon jarlepju me ijjab loe, ri al ro me retijem̧ļo̧k rej jipan̄ kuwaer eo. Al eo jinointata ekar lukkuun aibojooj. Al ko ruo tokālik rekar lukkun em̧m̧an rekar pedjaake aolep iien kweilo̧k eo.
Kar n̄a wōt ikar kile juon menin bwilōn̄ raan eo. Desmond Maugatai—juon iaan ri tōna ro—ekar ba menin tokālik n̄an eō, “Imaron̄ kam̧ool . . . ke kōm kar jinoe al, ikar ron̄ ruo ainkien ko rekāāl, juon ekar epaake aira ilo tuanimiin̄, juon ilo tuanmo̧o̧n, im ekar ejjeļo̧k en ikar jeļā kake kōn ainikien kein ilo kuwaer eo.”
Jon̄oul ruo-iiō-Kayla Tagavaitaui ekar karon̄ jinen kōn ejja en̄jake eo ekar waļo̧k ilo jikin kweilo̧k eo. Ej kab kein kajuon kōttan an pād ilo ward kuwaer eo, im ālkin kar kweiļo̧k eo ekar ba, “Mama . . . ikar en̄jake ke kōm ej al, enjeļ ro rej al ippām.
Eto aō pād ilo elōn̄ kuwaer ko an elōn̄ Kabun̄ ko ilo elōn̄ iiō ko, ak men in ej kam̧ool n̄an eō juon jon̄ak ekkā aō loe. N̄e jej kōm̧m̧an ijoko koņaad kōn aolep ad maron̄ n̄an ekkatak al, n̄e jej kajjieon̄ jon̄an ad maron̄ n̄an wūjlepļo̧k ilo iien kaminene, n̄e jejjab ebbweer jekdo̧o̧n inepata, n̄e jej ebweer “niknik jerbal . . .” jekdo̧o̧n m̧ōjņo ko ad, “ālikin aolep men jemarōn kōm̧m̧ane make” (2 Nipai 25:23), Jemedwōj Ilan̄ emarōn jipan̄ kōj ilo mōjņo ko ad, “bwe ej jān an joij [jej] marōn tōmak ilo Kraist” (Moronai 10:32).
E emarōn bar jilkintok enjeļ ro an bwe ren al ippād.