E Faafeiloai atu i Lenei Lomiga

Liua o Finauga i le Alofa

Iosefa o Aikupito, saunia e Michael T. Malm

O nisi taimi tatou te feagai ai ma feteenaiga i a tatou sootaga. O le iloaina o le auala e suia ai feteenaiga faataumaoi i feteenaiga aoga e taua tele i lo tatou soifua manuia. Ae tatou te tauivi moni lava ma lena mea.

O feteenaiga faataumaoi e lagonaina le lofituina tele. Ua taatitia finauga. Tatou te lagona le tapulaa o a tatou filifiliga. Tatou te lagona le vaivai ma le popole. O sootaga malepelepe ma nuu fevaevaea’i ua tuua i le faatafunaga.

Ae e mafai foi ona tatou punouai i feteenaiga aoga, lea e mafai ai ona tatou maua le saolotoga mai le le lelei o finauga. E mafai ona tatou atiina ae le faamasinotonu ma le alofa mutimutivale, faamalolosia a tatou sootaga, ma foia faafitauli ua mauaa loloto. E mafai ona maua le filemu—i a tatou sootaga ma o tatou nuu.

I le avea ai ma se puluvaga feteenai, tane, ma se tama, ua ou iloa ai o le talalelei a Iesu Keriso e mafai ona aumaia ia i tatou le malamalama ma le malosi e manaomia e liua ai finauga i le alofa.

I lenei lomiga o le a e faitau ai e uiga i le auala na mafai ai e Iakopo, Esau, ma Iosefa ona faaleleia ia feteenaiga i o latou aiga ma le auala e mafai ai ona tatou faia lea lava mea e tasi i o tatou aiga ma nuu (tagai i le itulau 26). O le a e faitauina foi le tusiga faamomoiloto a Elder D. Todd Christofferson e faatatau i le ala e mafai ai e faigata ona faaleleia i tatou pe afai tatou te liliu atu i le Alii mo se fesoasoani (tagai i le itulau 6).

O le toatele o i tatou o loo tauaveina le tele o tiga e uiga i sootaga malepelepe i le aiga ma i le lalolagi. Ou te faamoemoe o lenei lomiga e aumaia ai le faamoemoe ia i latou o e lagona ua pei ua leai se faamoemoe o le faaleleiga, e musuia ai le faatuatua e le o tuua na o i tatou, ma le mea e sili ona taua, tatou te lagonaina le alofa o Iesu Keriso i se auala e suia ai e le gata i o tatou loto ae o loto o i latou o loo tatou tauivi foi ma lena mea.

Ma le alofa tele,

Chad Ford

Polofesa i le Intercultural Peacebuilding, Brigham Young Iunivesite o Hawaii