E Faafeiloai atu i Lenei Lomiga

O le Molimau Muamua ia Iesu Keriso

O Keriso i Ketesemane, saunia e Michael T. Malm

O la‘u galuega o se polofesa e masani ona manaomia ai lo’u faatautaia o sailiiliga i Ierusalema e uiga i le Tusi Paia ma Tusi Taai o le Sami Mate. Ua faamanuiaina i ma‘ua ma lo’u toalua o Camille, e folau i ni vaa se tele i luga o le Sami o Kalilaia. Ma te faaaogaina nei avanoa e toe manatunatu ai i le tele o mau o loo talanoa e uiga i sami.

Mo se faataitaiga, fai mai Mika o Ieova o le a “lafo foi a [tatou] agasala uma i mea loloto o le sami” (Mika 7:19)—e le itiiti pe o se vaega o na agasala ae o agasala uma lava. O le “uma” o lona uiga o se faamagaloga atoa. O le “loloto” o lona uiga e mamao lava i lalo ifo o le pito i luga o vai, lea o le a mou ese ai e faavavau a tatou agasala.

O le mea e faafetai ai, e le lafoaia e Ieova a tatou agasala i luga o le matafaga, lea e mafai ai e isi ona vaai i ai. E le gata i lea, o vai o le sami e fai ma mea e faamamaina ai. E ala i le naunau o Ieova e tauave o tatou amioletonu (tagai Isaia 53:11), ua fufulueseina ai a tatou agasala. E ala i lo tatou salamo, ua faamautu mai ai e Elder Ulisses Soares o le Korama a Aposetolo e Toasefululua, ua faamautinoa mai ai ia i tatou se nofoaga i Ona tafatafa (tagai i le itulau 4).

Ua tuuina mai e isi perofeta o le Feagaiga Tuai le tele o fuaitau faamalosi ma faailoa e uiga i le Faaola. Ona o le Feagaiga Tuai o se anotusi e taulai ia Iesu Keriso. O le mea moni, o le Molimau Muamua lea ia Iesu Keriso.

Ou te faamoemoe o le a outou lagonaina lenei upumoni mo outou lava i lenei tausaga a o outou suesue i le Feagaiga Tuai, ma ou te faamoemoe o lo’u sao itiiti i le Liahona o lenei masina (tagai itulau 40) o le a faamalosia ai lau molimau i lena upumoni.

Ma le faamaoni lava,

Donald W. Parry

Polofesa, Iunivesite a Polika Iaga