“E Faapefea ona Faatusa le Paseka i le Togiola a Keriso?,” Liahona, Ape. 2022.
Sau, Mulimuli Mai ia te A’u
E Faapefea ona Faatusa le Paseka i le Togiola a Keriso?
O Le Talisuaga o le Paseka, saunia e Brian Call
O le Tausamiga o le Paseka e faamanatu ai le laveaiina o Isaraelu mai Aikupito (tagai Esoto 12:27). Ua aoao i tatou e le Paseka e ala i faailoga e faapea, e pei lava ona laveaiina e le Alii ia tagata Isaraelu mai le nofopologa i Aikupito, e mafai foi ona Ia laveai i tatou mai le pologa o le agasala.
Faailoga e Mafaufau i Ai
Tamai Mamoe o le Paseka
O se tamai mamoe po‘a e leai se pona na fasia ma ’ai i le tausamaaga. Na taulagaina e le Atua Lona Alo Pele e Toatasi, o “se tamai mamoe e le pona” (1 Peteru 1:19), e aumaia le faaolataga i Ana fanau.
Laauafu Oona
Sa aai Isaraelu i laauafu oona i le Paseka e faamanatu atu ai ia i latou le oona o lo latou nofopologa i Aikupito (tagai Esoto 12:8). E ala i Lana Togiola, na inu ai e le Faaola le “ipu oona” (3 Nifae 11:11) ina ia mafai ai ona Ia fesoasoani ia i tatou e faatoilalo le nofopologa i le agasala.
Toto i luga o Pou o Faitotoa
O Isaraelu na tuuina le toto o le tamai mamoe i luga o pou o o latou faitotoa sa faasaoina mai le oti faaletino i le taimi o le mala mulimuli (tagai Esoto 12:13). E faapefea ona faatusa le toto o le tamai mamoe i le Togiola a Keriso? E faapefea ona fesoasoani le Togiola ia i tatou e faatoilalo ai le oti faaletino ma le oti faaleagaga?
O Le Tausamiga o le Areto e Le Faafefeteina
Na poloaiina e le Alii ia Isaraelu e aai i areto e le faafefeteina ina ia manatua ai le Paseka (tagai Esoto 12:15). I le taimi o le Tausamaaga Mulimuli, sa ai e Iesu le areto e le faafefeteina ma valaaulia Ana aposetolo e “aai … e fai ma faamanatuga o [Ia]” (1 Korinito 11:24). E faapefea ona faamanatu atu e le faamanatuga ia te oe le Faaola?