Oktak Ekkar ñan Ankilaan Anij
Oktak eo ad maek ej koba eddo ko ad n̄an kwaļo̧k gospel eo an Jisōs Kraist ippān lal in.
Ij lukkuun kam̧oolol kōn Būreejtōn Russell M. Nelson kōn kūr in kanaan eo an ekajoor n̄an jerbal in jipan̄ an mijenede im kōn ennaan ko an Elder M. Russell Ballard im Elder Marcos A. Aidukaitis’s kiiō jibbon̄ kōn mijenede rar im̧we kōj.
Jem̧ļo̧kin iiō eo lok ke juon mijenede ar bōk kūr eo an ñan jerbal ilo Great Britain ekōm̧m̧an menin aō ļōmņak e iien eo jetōb ar jipañ iō im ej bedbed in kāālet eo aō ñan aō jerbal āinwōt juon mijenede.1 Ke iaar 15 iiō detta, ļaddik eo jeiu ejitōn bōro, Joe, ar 20 an iiō, ej iiō eo kar m̧okta jemaron̄ jerbale juon mejenede. Ilo kar United States, im kōn kar poktak eo an Ri Korea, jet wōt raar maron̄ mijenede. Juon armej jen juon ward remaroñ kar ilo juon iiō.2 Ekkar kailibōk kōm ke bisop eo am ar kajjitōk ippān Joe ñan lale ippān jemām bwe en ļōmņak kake. Joe ar kōpooji peba in deļo̧n̄e jikuuļ in taktō. Jemām, eo ar jab kajoor ilo Kabuñ in tōre eo, ar kebooj jāān ñan jipañ e im ar jab lukkuun errā ilo an Joe etal in mijenede. Baba ar ļōmņak ke enaaj ļapļo̧k men rem̧m̧an enaaj waļo̧k eļan̄n̄e Joe enaaj tin jikuuļ in taktō. Menin ekar juon inepata eļap n̄an baam̧le eo am.
Juon ien eo em̧m̧an aō kōnono kōn menin ippān ļein jeiū me ekapeel im ej waanjoñok em̧m̧an, kōm̧ ar kōjem̧ļo̧k arto artak in bwe jokālet eo an ej etal im mijenede im karūmōj an jikuuļ ekkar ñan kajjitōk kein jilu: (1) Jisōs Kraist ej ke Anij? (2) Bok in Mormon ej ke naan an Anij? im (3) Josep Smith ej ke rikanaan eo an Jepļaaktok eo? Im n̄e uwaak eo an kajjitōk in ej aet, ar lukkuun alikar ke Joe enaj em̧m̧an lok an bokto boktak gospel in Jisōs Kraist ilo lal in jen an erom taktō kiō wōt.3
Bon̄ñin ne iar lukkuun jar im lukkuun lelok aō ñan jar eo aō. Jetōb eo, ilo juon wāween eo me elukkuun kajoor, ar kakūrm̧ool ñan ña ke aolep uwaak ko ñan kajjitōk kein jilu ke rem̧ool. Menin ej juon men eļap n̄an n̄a. Ikar jino meļeļe bwe aolep jokālet ko inej aikuj kōm̧m̧ani ilo aolepān mour eo aō renaaj pedped wōt ioon uwaak ko n̄an kajjitōk kein jilu. Ikar barāinwōt jeļā ke inaj mijenede ñe renaaj letōk ñan eō bwe in maroñ jerbal. Ilo aolepen ieō in jerbal im ekatak kōn jetōb, ekōm̧m̧an menin aō meļeļe ke ñe jej m̧ool in oktak ej kōnke emōj ar jeļā im mour ekkar ñan kōņaan eo an Anij, im Jetōb Kwojarjar emaroñ tōl kōj ilo makūtkūt ko ad.
Ekar baj wōr aō naan in kam̧ool kōn Jisōs Kraist āinwōt juon Rilo̧mo̧o̧r an laļ in. Boññōn eo jetōb ar bar kwaļo̧k ñan ña kōn m̧ool eo an Bok in Mormon4 im Rikanaan Josep Smith.
Josep Smith ear juon Rijerbal ilo Pein Irooj
Naan in kam̧ool ko am renaaj kajoor ļo̧k eļan̄n̄e kwojeļā ilo buruōm ilo am jar bwe RiKanaan Josep Smith ear juon Rijerbal ilo Pein Irooj. Ilo iiō ko ralitōk remootļo̧k, juon iaan jerbal ko aō ilo Juon̄oulruo Rijilōk ro ekar n̄an etale im riiti aolep jeje ko im peba ko an Josep Smith rekabulon̄lon̄ im ekkatak ko rekar tōlļo̧k n̄an jeje eo an Saints bok ko.5 Aō naan in kam̧ool im nebar kōn Rikanaan Josep Smith kar ļap an kajoorļo̧k im eļapļo̧k ālikin aō riiti men ko rej im̧we kōn mour eo an im kin ekkapit eo an m̧okta jāān jerbal in kanaan eo an.
Ukook eo an Bok in Mormon jān Josep kōn menin letok im kajoor eo an Anij ej pedped in Jepļaaktok eo.6 Lowaan Bok in Mormon eo elukkuun jejjet, im aibojooj jeje ko, im ebed uwaak ko ñan kajjitok ko reļļap ilo mour in. Ej bar juon kallim̧ur kōn Jisōs Kraist. Ij kam̧ool bwe Josep Smith ar jim̧we mour eo an, im ekar juon kein jerbal ilo pein Anij n̄an bōktok Bok in Mormon eo.
Revelesōn im makūtkūt ko me rekar je ilo Katak im Bujen ko rej kwaļo̧k ki ko, kaiñi ko, im bujen ko me rej menin aikuj ñan lo̧mo̧o̧r im mour ilo aiboojoj eo eutiejtata. Rekar jab le maantak wōt men ko raurōk ñan ejjaake Kabuñ in ak rekar barāinwōt letok katak ko rem̧wilaļ me rej kōmman mennin ad meļeļe kōn unin mour im ej bar letok ñan kōj meļeļe kōn mour eo ejjeļo̧k jemļo̧kin.
Juon iaan waanjon̄ok ko rellōn̄ in jerbal in kannaan eo an Joseph Smith ej waļo̧k ilo 76 jekjōn in Katak im Bujen Ko. Elukkuun alikkar lale record in visōn eo jen lañ, ekoba lok ippān aiboojoj eo an laļ ko an Irooj eo, eo im rikanaan Josep im Sidney Rigdon rekar jeraam̧m̧an kōn aer kar bōki ilo kar Pāpode 16, 1832 eo. Ilo kar tore kein, ekkā wōt katak ko an kabuñ ko jet rej katakin ke Pinmuur eo an Rilo̧mo̧o̧r eo eban lo̧mo̧o̧ren elōn̄ armej ro. Rej tōmak bwe jet wōt renaaj bōk lo̧mo̧o̧r, im eitōn aolep renaaj rumļo̧k ilo hell im jorrāān ļapļap, barāinwōt ejjeļo̧k jem̧ļo̧kinkakkure ko me reļļap relukkuun nana im joñan an nana jeban kemeleleiki.7
Revelesōn eo ej bed ilo ioon 76 jekjōn eo im ej kwaļo̧k aiboojoj in visōn eo kōn aiboojoj eo me eiten aolep ro nejin Jemedwōj Ilañ ro me rekar lukkuun kajoor ilo kar pād ilo jikin mour in kanniōk im rekar lukkuun kōjeraam̧m̧an er kōn ekajet in āliktata.8 Visōn eo an joñan aorōk in jikin kein jilu reaiboojoj, ijo me ettā tata eo im “ej kalikkar meļeļe ko ie,”9 ej kaju kwaļo̧k ñe jim̧we ak jaab an kajoor in ak jim̧we ak jab jim̧we in katak ko me ej ba ekkā wōt aolep renaj jibarōk hell im jorrāān eo eļap.
Ñe kwonaaj kile ke Josep Smith ar 26 wōt an iiō, jidik wōt an kar jikuul, im jidik wōt ak ejjeļo̧k an kar jeļā kōn kajin etto ko rekar kōjerbali ñan ukōt Baibōļ eo, ewaļo̧k ke ekar lukkuun juon kein jerbal ilo pein Irooj. Ilo 17th eoon in jākjen 76, kar im̧we e ñan kōjerbal naan eo renana ijjellokin mej eo im rar kōjerbale ilo Gospel eo an Jon.10
Ekaitoktok limo bwe 45 iiō ko tokālik juon ritōl ritōl an kabun̄ in Anglican im rijeļāļo̧kjeņ ebun̄bun̄ em̧m̧an,10 Frederic W. Farrar, eo kar je Mour eo an Kraist11 ekar tōmak bwe meļeļe in kakkure ilo bok in King James ilo Baibōl eo ej bwōd in ukook ko jān kar kajin Hibru im Greek ñan kajin English.12
Ilo raan kein ad, elōn̄ em̧ōj aer bōk meļeļe eo bwe ej aikuj in jab wōr kaje n̄an jerawiwi. Rej pād wōt ilo aer tōmak ilo ejjeļo̧k jemļo̧kin kōm̧m̧an jerawiwi ak ejeļo̧k ukweļo̧k. Katak ko ad ejjab kwaļo̧kto̧k wōt kariab ļōmņak eo me elōn̄ wōt armej renaaj indeeo liaakeļo̧k n̄an hell im jako ak barāinwōt ej ejake ukweļo̧k eo an juon make ej juon men kajjitōk im̧aanļok kar kakien n̄an bōk Pinmuur eo an Rilo̧mo̧o̧r eo im deļo̧n̄e aelōn̄ in jeļitieļ.13 Ij kam̧ool bwe Josep Smith ekar juon kein jerbal ilo pein Irooj n̄an Kōjeplaaktok eo an Gospel in An.
Kōn Jeplaaktok eo an gospel eo an Jisōs Kraist, jemeļeļe kōn aorōk ko an men kein jimor ukweļo̧k kab “jerbal ko rejim̧we.”15 Jemeļeļe kōn an kar aorōk in Pinmuur eo an Rilo̧mo̧o̧r eo im kōn kaiñi in lo̧mo̧o̧r ko An im bujen ko, ekobalok jerbal ko rar kōm̧m̧ani ilo tampel.
“Jerbal ko rejim̧we” rej kōm̧m̧an wōnm̧aanļo̧k im rej leen oktak ko. Mool in oktak ej ñe jej loor ankilaan Anij ilo ad jab ļōmņak kōn kōj make ak jej lukkuun m̧ool ilo makūtkūt ko ad.1 Kobatok in kōn men kein raorōk im kōjeraam̧m̧an kein me rej waļo̧k jen bwebwenato ko ilo ien in rej m̧ool im aeņōm̧m̧an eo ejokne im enaaj letok naan in kam̧ōņōņō17kejōkdoon ļañ ko ilo mour in.
Oktak lok ñan ippān Rilo̧mo̧o̧r ej ukōt jān an mour in lal in ñan juon eo erreo, emōj an bar lotak, emōj an karreo—juon armej kāāl ilo Kraist Jisōs.18
Elōn̄ rej ettoļo̧k jān Mool kōnke Rejaje Ia Eo Ren Pukote Ie
Ta eddo ko rej wōnm̧aanļo̧k jān ad oktak? Ilo jikin kalbuuj Liberty Rikanaan Josep ekar je ke elōñ “ro dāpiji er jān m̧ool eo kōnke rej jab jeļā ia eo ren pukote ie.”19
Ilo kadkad eo an Irooj ñan Katak im Bujen Ko, juon pija kileplep ej waļo̧k ñan an kwaļo̧k un eo an Irooj n̄an kōj emōj kōm̧m̧ane. Im E ar kwaļo̧k, “Kōn menin, Ña Irooj, kōn Aō jeļā kōn ko̧kkure eo enaaj itok ioon ro rej pād ioon lal, Iaar kūr rikarejera Josep Smith, Jun., im kenono ñan e jān lan̄, im kar lelok ñan e kien ko.” Eaar wōnmaanlok im kappe, “Bwe tarlep in gospel eo en maroñ in kean̄ kake jān ro rem̧ōjņo̧ im ļam waan n̄an jem̧ļo̧k ko an laļ.”20 Menin ekoba mijenede ro rej jerbal aolep raan. Menin ekoba kōj kajjojo. Menin ej aikuj juon men watōke edikļo̧k n̄an aolep ro me kar jeraam̧m̧an kōn juon oktakļo̧k n̄an ankilaan Anij. Rilo̧mo̧o̧r eo ilo meanwōd ej kūr kōj bwe jān Ainikien im Pein.21 Iakwe eo an Rilo̧mo̧o̧r enaaj meram in tōl eo ad. Rilo̧mo̧o̧r ekar jiroñ rikaloor ro An, “Komin etaal, im katakin aolepen lal ko.”22 Im ñan Josep Smith, E ar jiroñ e, “Kwaļo̧k naan gospel eo Aō ñan aolep armej ro rejjañin kar bōk e.”23
Juon wiik ālkin kar kōjeram̧m̧an eo an Kirtland Tampel ilo kar Eprōl 3, 1836, eo kar Jabōt in Ijtō im raan in Passover, Irooj ekar waļo̧k ñan Josep im Oliver Cowdery ilo juon visōn eo elukkuun aiboojoj. Irooj ekar uwake kōjeram̧m̧an eo an tampel im ba, “Eñiin ej jinoin kōjeram̧m̧on eo me enaaj lutōklepleplok ioon bōran armej ro Aō.”24
Ālkin an kar kilek visōn in, Moses ar waļo̧k “im kallim̧ur … kii in aiintok Israel jān kona ko emān an lal in, im tōllok bwij ko joñoul jān āne ko eo iturear.”25
Būreejtōn Russell M. Nelson, rikanaan eo ad ejitōnbōro ej kabwijer ejja kii kein wōt, kar katakin kiiō jibon̄: “Likao raņ emōj kar kōjparok kōm n̄an tōre in ke kallim̧ur eo an aiintok Israel ej bōk jikin. Ilo ami jerbale mijen ko, kom̧ ej kōm̧m̧an jerbal eo aorōk ilo iien in ejjan̄in kar waļo̧k m̧okaļo̧k!”26
Kōn kakkien eo an Rilo̧mo̧o̧r eo ñan kwaļo̧k gospel eo ej mōttan wōn kōj rainin, jej aikuuj in oktak n̄an ankilaan Anij; jej aikuj iakwe rūtūrid, kwaļo̧k kōn jeplaaktok eo an gospel eo an Jisōs Kraist karuwainene aolep n̄an itok im lale. Āinwōt jet ro rej uwaan Kabuñ in, jelukkuun kaorōk uwaak eo an Rikanaan Josep ñan John Wentworth, ej juon editor ñan Chicago Derat, ilo 1842. Ekar kabbok meļeļe ko kōn Kabun̄ in. Josep ekar kōjemļo̧ke uwaak eo an ilo an kōjerbale “Aorōk in Mool” āinwōt kadkad eo n̄an jon̄ouljilu Laajrak in Tōmak ko. Kōn kilen ad mour ej kwaļo̧k, ilo tukadu in, ta eo jej aikuij kadedelok:
“Ejjeļo̧k pā nana emaroñ kabōjrak jerbal ko jen aer wōnmaanļo̧k; ro rej kakkure kabuñ ko remaroñ illu, jarlepju in kakkure ko remaroñ bar jutak, ritarinae ro rej koba ippān doon, riab in naan ko remaroñ bar kakkure ro jet, bōtap m̧ool eo an Anij enaj kaju m̧aanļo̧k, ilo an lōñ au in, im make jutak, ñan ñe elōlō ilo aolep lal ko rekilep, loļo̧k aolep oktak in mejatoto ko, bōke aolep lal, im karoñ aolep lojiliñi koñan ñe un ļapļap ko an Anij enaaj tōbrak, im ñe Jeova eo Elap enaaj ba ededeļo̧k jerbal ko.”27
En̄in ej kūr eo eļaptata ilo aolep epepen ko an Armej ro Rekwojarjar Ilo Raan Ko Āliktata, elaptata mijenede ro. Ilo jetōb “mantin m̧ool eo,” jej kam̧o̧olol bwe ilubwilej in nañinmej in eļap ilo laļ in mijenede ro eļap tōmak ippāer rej kajedede gospel eo. Mijenede ro, kōmij iakwe kom̧! Irooj ej kajjitōk ippād kajjojo bwe jān kwaļo̧k gospel in An ilo naan im m̧ool. Ilo ad oktak ekobaļo̧k ippān eddo in ad ñan kwaļo̧k gospel eo an Jisōs Kraist ñan laļ in.
Kōjeraam̧m̧an ko kōn kwaļo̧k gospel eo ekobaļo̧k kōļapļo̧k oktak ñan ankilaan Anij im Anij en anjo̧ ilo mour ko ad.28 Jej kōjeraam̧m̧an ro jet bwe ren en̄jake juon “oktak in ekajoor” ilo bōro ko kajjojo.”29 Em̧ool ewōr juon lañlōñ ejjeļo̧k jem̧ļo̧kin eļan̄n̄e jej jipañ boktok ro jet ñan ippān Kraist.30 Jerbal ñan oktak ko ad make im an ro jet ej juon jerbal em̧m̧an.31 Ij lukkuun in kam̧ool ilo etan Jisōs Kraist, amen.