“Susan H. Porter,” Liaona, Māe 2022.
Susan H. Porter
Būreejtōn eo Eutiej an Būraimere
“Juon men me ekar im̧we kōļmenļo̧kjeņ eo am ilo iiō eo ej jem̧ļo̧kļo̧k ej, ekōjkan ad kar kōkajoorļo̧k ajri ro ilo jetōb?” Sister Susan H. Porter ekar ba. “N̄e jej kōnaan kōn kōkajoorļo̧k tōmak eo an diktak in epepen eo, ej aikuj ijjino ilo Būraimere.”
Sister Porter ej loe kōjeram̧m̧an ko rej itok n̄an ajri ro raar peptaij ilo aer bōk koņaer āinwōt membōr in bujen ro an Kabun̄ in.
“Ekkā ilo kōm̧m̧an im jerbal me naan in kam̧ool ko ad rej eddōkļo̧k,” liin ekar kōmeļeļeik. “Ajri ro remaron̄ ekkatak n̄an kappukot im̧we jān lan̄.”
M̧okta jān kūr eo an āinwōt Būreejtōn eo Euteij an Būraimere, Būreejtōn Porter ekar jerbal āinwōt Rikakpilōklōk eo Kein Kajuon ilo Būreejtōn eo Euteij an Būraimere ium̧win juon iiō.
Liin ekar ba bwe elōn̄ ajri ro raar jab maron̄ bōk koņaer ilo Būraimere ilo an ajeded Covid-19. Liin ekar barāinwōt lo, im ejeļā, apan̄ ko kajjojo kōra rekar iooni. Leo pāleen, Elder Bruce D. Porter jān Jiljilimjuonn̄oul eo, ekar jako ilo 2016 eo.
“Ekar lōn̄ Jabōt ko ke ikar jab bōk kwojkwoj eo,” liin ekar ba.
Ilo an kwaļo̧k en̄jake ko an, kōrā ro jet raar jiron̄ e, “Ilo m̧ool ilo am̧ jerbal ilo Kabun̄ in ej letok n̄an eō juon visōn em̧m̧anļo̧k bwe Kabun̄ in ej aikuij eō barāinwōt.”
Susan Elizabeth Holland Porter ekar ļotak ilo Juļae 31, 1955, ilo Ponca City, Oklahoma, USA, n̄an Hans J. im Charlene Coleman Holland im kar rūttoļo̧k ilo New York, USA.
Liin ekar m̧areik Elder Porter ilo Pāpode 2, 1977, ilo Washington D.C. Tampeļ. Rekar karūttoļo̧k ajri ro emen nejier ilo tueōn in United States, Germany, im Utah im kar kakūrm̧ool jerbal ko aer ilo Kabun̄ in ilo Europe East Area.
Sister Porter ekar kadiwōjļo̧k kōn bachelor degree ilo chemistry jān Brigham Young University. Ekar jerbal āinwōt juon lab assistant n̄an Massachusetts Institute of Technology im juon rūkaki in math. Liin ekar barāinwōt baļintier ippān elōn̄ doulul ko an jukjuk in pād im kien.
Sister Porter ekar jerbal ilo advisory ko̧o̧njel eo euteij an Doulul eo an Kōrā ro, im kūr ko an im̧aanļo̧k ekoba rikakpilōklōk ilo Doulul eo an Kōrā ro ilo stake, būreejtōn an Doulul eo an Kōrā ro im Doulul eo an Jiiron̄ ro ilo ward, rūkaki an Gospel Doctrine, im ritōl al an Būraimere.