Pukōtļo̧k Aolep ilo Laļ in

Membōr ro an Būreejtōnji eo Kein Kajuon im Doulul eo an Jonoulruo Rijilōk ro rej wōnmaanļo̧k kōn jerbal in karejar eo aer āinwōr rikanaan, rilolo, im ribōk revelesōn ro, kam̧ool ipelaakin laļ in kōn Jeplaaktok eo an gospel eo im kōjeraam̧m̧an ko kōn ļoor Rilo̧mo̧o̧r. Ijin rej jet iaan men ko raar kadedeikļo̧k jān kweilo̧k eo eļap eo ej jem̧ļo̧kļo̧k.

Membōr ro an Būreejtōnji eo Kein Kajuon

Kōn juon kōmeļeļe ekadu in jerbal in karejar eo an Būreejtōn Russell M. Nelson jān kweilo̧k eo eļap eo ej jem̧ļo̧kļo̧k, lale peij 135.

Ekōnono ilo juon university ilo Rome, Italy, Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, ekar ba anemkwōj in kabun̄ ej boktok elōn̄ kōjeraam̧m̧an ko n̄an jukjuk in pād, im ekar kōketak armej in tōmak n̄an “pukōt wāween ko n̄an ekkatak jān doon im n̄an kakijn̄en̄eikļo̧k kōļmenļo̧kjeņ ko reinļo̧k wōt juon me rej dāpij kōj ippān doon.”

Membōr ro an Doulul eo an Jon̄oulruo Rijilōk ro

Būreejtōn M. Russell Ballard, Ripinej Jenkwan Būreejtōn eo, im Elder Jeffrey R. Holland im Quentin L. Cook kar jerbal in karejar ilo aolepān Great Britain, kweilo̧k ippān mijenede ro im membōr ro an Kabun̄ in. Aolep rein jilu raar mijenede ilo United Kingdom ke raar em̧m̧an dettaer, im Elder Holland im Elder Cook raar kōmpānien.

Elder David A. Bednar ekar ekōnono ilo juon iien nokon ilo Jordan. Ilo United Arab Emirates, ekar ioone ritōl ro an Abu Dhabi Stake eo im loļo̧k expo eria eo ijo juon tampeļ enaaj juon raan jutak ie. Ilo Bahrain, ekar kweiļo̧k ippān membōr ro an Manama Ward im kōm̧m̧ane juon iien nokon n̄an jodikdik ro.

Elder D. Todd Christofferson ekar erom̧ Rijilōk eo kein kajuon n̄an loļo̧k Republic eo an Gambia. Ekar kweilo̧k ippān būreejtōn eo, first lady eo, im vice būreejtōn eo an republic eo im kar ekōnono kōn jerbal in koba ippān doon ikōtaan Kabun̄ in im foundation eo an first lady eo n̄an jipan̄ ro rej pād ilo aikuj. Elder Christofferson ekar barāinwōt loļo̧k Ivory Coast, Nigeria, im Ghana.

Ilo iien kweilo̧k ko im kaminene ko ilo Colombia im Ecuador, Elder Neil L. Andersen ekar keememej elōn̄ membōr ro an Kabun̄ in rekar jako jān wōt COVID. Ekar kweilo̧k ippān mijenede ro, 36 mijen būreejtōn ro im kōrā ro pāleer, im ritōl ro an stake, ekkā wōt kōnono kajin Spanish. Ilo juon iien nokon ilo Colombia, ekar kōnono kōn kōkajoorļo̧k m̧are ko im baam̧le ko.

Ilo Panama, Elder Gary E. Stevenson ekar erom̧ Rijilōk eo kein kajuon n̄an loļo̧k aelon̄ in Carti Tupile ilo San Blas Archipelago, ej pād ilo Guna Yala district ej pād ie emaron̄ ruo im jimattan awa jān Panama City.

Elder Gerrit W. Gong ekar kōnono ippān jodikdik ro ilo Philippines kōn kōm̧m̧an jokāālet ko rem̧m̧an im kōn bōk ioer make etan Jisōs Kraist. Ekar kweilo̧k ippān mijenede ro im, ilo juon kadiwōjļo̧k imejatoto n̄an aolepān Philippines, kar kōnono n̄an rūm̧m̧an ded ro ejjeļo̧k rejater.

Ilo laļ eo an make, Brazil, Elder Ulisses Soares ekar kapilōk rūm̧m̧an ded ro n̄an likūt mour ko aer ilo Rilo̧mo̧o̧r eo. Ekar jiron̄ mijenede ro n̄an kōjerbal tōmak ilo Jisōs Kraist im pād wōt ilo m̧ool eo. Allōn̄ ko tokālik, Elder Soares ekar bar jepļaakļo̧k n̄an Brazil n̄an kōnono ilo juon kōnono kōn juon unin kōnono kōn anemkwoj in kabun̄. Ekar barāinwōt kweilo̧k ippān vice būreejtōn eo an Dominican Republic im ippān ambassador eo an Cuba n̄an laļ en. Kabun̄ in ewōr juon an district im emān branch ko ilo Cuba.

Ilo kweilo̧k ko rej kōm̧m̧ani ilo online mejatoto, Elder Dieter F. Uchtdorf ekar kōnono n̄an jodikdik ro, mijenede ro, im ritōl ro an Kabun̄ in ilo Asia; Elder Quentin L. Cook ekar kōnono n̄an rūm̧m̧an ded ro ilo Europe, Europe East, Africa, im Middle East Eria ko; Elder D. Todd Christofferson ekar kōnono n̄an rūm̧m̧an ded ro rej kōnono kajin Portuguese; Elder Neil L. Andersen ekar kōnono n̄an rūm̧m̧an ded ro rej jokwe ilo Latin America im Spain; Elder Ronald A. Rasband ekar kōnono n̄an rūm̧m̧an ded ro rej kōnono kajin English; im Elder Dale G. Renlund ekar kōnono n̄an rūm̧m̧an ded ro rej kōnono kajin French.