Elder Mark D. Eddy

Ritōl Eutiej an Jiljilimjuonn̄oul an Kabun̄ in

Jōm̧ar eo m̧okta jān iiō in senior eo an ilo high school an Elder Mark D. Eddy, juon rūkaki in jemeneri ekar kajjitōk ippān im membōr ro jet kōn ko̧o̧njeļ eo an rijikuuļ in jemenere n̄an riiti Bok in Mormon. Ekar riiti elōn̄ kōttan ippān baam̧le eo an, ak ej kab tin juon kōttan ippān make.

Ekar kāālet n̄an jar m̧okta im ālkin an riit kajjojo raan. Ļein ekar kōjatdikdik bwe juon uwaak alikkar kōn tarlep in m̧ool eo an bok eo enaaj kar itok ilowaan juon ak ruo wiik. Ālkin riiti elōn̄ļo̧k jān ruo allōn̄ ko, ļein ekabde jan̄in bōk kapene eo ekar kōtmene kake.

Awa ko m̧okta jān juon “bar karuwainene” nokon in jota an jemenere eo kar kajjitōk ippān n̄an kwaļo̧k an naan in kam̧ool, Elder Eddy ekar m̧ōkaj an etal bwe en jipan̄ kōppopo. Ekar loe juon jikin ejeļo̧k keroro n̄an riiti Bok in Mormon im jar.

“Innām ikar bōk juon en̄jake alikkar im ejjab bōd ke ej m̧ool,” ekar ba. “Ekar itok ilo iien eo n̄an aō kwaļo̧k aō naan in kam̧ool joteneen eo. En̄jake eo ekar bōk ebwe jerbal n̄an bōk im bwe an kar to kitien n̄an eō n̄an ban meļo̧kļo̧k.”

Elder Mark David Eddy ekar ļotak ilo Long Beach, California, USA, ilo M̧aaj 30, 1973, n̄an Richard Cleighton Eddy im Mary Louise Savage Eddy. Ekar rūttoļo̧k ilo Orem, Utah, kar m̧areik Annette “Annie” Allen ilo Provo Utah Tampeļ ilo Okwōj 1994. Ewōr jiljino nejier ajri.

Elder Eddy ekar kadiwōjļo̧k jān Brigham Young University ilo 1996 kōn bachelor’s degree ilo communications im bōk juon Juris Doctor degree jān BYU ilo 2001. Ekar jerbal āinwōt juon attorney im business executive.

Elder Eddy ekar jerbal āinwōt juon Eria Jiljilimjonn̄oul, būreejtōn in Uruguay Montevideo Mijen, rikakpilōklōk ilo stake būreejtōnji, bisop, high ko̧o̧njeļ, rikakpilōklōk ilo bisoprik, būreejtōn an Doulul eo an Likao ro ilo ward, juon mijenede ej jerbal aolep raan ilo Dominican Republic Santo Domingo East Mijen eo.