“Elder Jonathan S. Schmitt,” Liaona, Māe 2022.
Elder Jonathan S. Schmitt
Ritōl Eutiej an Jiljilimjuonn̄oul an Kabun̄ in
Elder Jonathan S. Schmitt ej ba bwe “ewōr iien” ej ta eo ej bōktok n̄an kūr eo an āinwōt juon Ritōl Eutiej an Jiljilimjuonn̄oul ekāāl kar rejtake.
“En̄in ta eo ewōr ippād,” ekar ba. “Ta meļeļe in juon bōro erup im juon jetōb ettā me kwoj likūt būruōm̧ ioon lokatok eo im kōtļo̧k bwe Irooj en kōm̧anm̧an Ankilan jān ijōņ.”
Elder Schmitt ekar kakobaba, “Irooj emaron̄ letok n̄an kōj kajoor, tōļan ko, im menin letok ko jej aikuji n̄an kadedeikļo̧k jerbal eo An. Bōtaab eļan̄n̄e jejjab kōm̧m̧an ad make iien n̄an E, innām jej make kāālet ippād make im jab leļo̧k n̄an E iien eo em̧m̧an n̄an kōjeraam̧m̧an kōj ilo kijejeto ko ad n̄an jerbal n̄an E.”
Jonathan Stephen Schmitt ekar ļotak ilo Eprōļ 16, 1973, ilo Mesa, Arizona, USA, n̄an Robert Edward im Dianne Lyda Schmitt. Ekar rūittoļo̧k ilo Yuma, Arizona. Ilo Juļae 21, 1995, ekar m̧areik Alexis Swain Udall ilo Mesa Arizona Tampeļ. Rej jinen im jemān emān ajri.
Elder Schmitt ekar bōk juon bachelor of science degree ilo agricultural im resource economics ilo 1997 im juon juris doctor degree ilo 2000, jimōr jān University of Arizona.
Āikin an jerbal āinwōt juon law clerk n̄an Arizona Supreme Court, ekar jerbal āinwōt juon attorney n̄an international law firm of Akin Gump Strauss Hauer & Feld LLP. Tokālik ekar jerbal āinwōt juon attorney im litigation ko̧o̧njel n̄an Baker Hughes Incorporated. Ilo kakobaba, ekar jerbal āinwōt juon rijipan̄ vice būreejtōn ilo Arizona State Univeristy.
Elder Schmitt ekar jerbal ānwōt juon Eria Jiljilimjuonn̄oul ilo North America Southwest Eria eo ke kar kūr e āinwōt juon Ritōl Eutiej an Jiljilimjuonn̄oul. Kūr ko an m̧okta ekoba jerbal āinwōt būreejtōn an California San Diego Mijen jān 2014 n̄an 2017, stake būreejtōn, bisop, rikakpilōklōk ilo stake būreejtōnji, high ko̧o̧njeļ, būreejtōn an doulul eo an elder ro, executive rijeje, rikakpilōklōk ilo Būreejtōnji eo an Doulul eo an Likao ro an stake, ritōl an pris ro reutiej, rūkaki an kūlaaj in kōppopo an mijenede an stake, im mijenede ej jerbal aolep raan ilo California Fresno Mijen.