Sister ro rej Kōkajoorļo̧k im Jerbal

Ilo social media im ilo nememein armej, Būreejtōnji eo Euteij an Doulul eo an Kōrā ro rej wōnm̧aanļo̧k wōt kōn jerbal eo aer n̄an kōkajoorļo̧k baam̧le ko im kajjojo armej im jerbal n̄an ajri ro nejin Anij ilo aolepān laļ in.

Ilo M̧aaj 2022, Būreejtōn Jean B. Bingham ekar kōnono kōn 180 iien kakeememej kōn jinoin an kar Doulul eo an Kōrā ro jutak. Rainin, liin ekar ba, ewōr jiljilimjuon im jimettan milien sister ro rej jipan̄ ro rej en̄taan, lo̧mo̧o̧ren jetōb ko, im kakūrm̧ool ejja jibadbad ko wōt Doulul eo an Kōrā ro kar loi ilo 1842 eo.

Būreejtōn Bingham im Sister Sharon Eubank, Rikakpilōklōk eo Kein Kajuon ilo Doulul an Kōrā ro Eutiej im būreejtōn eo an Latter-day Saint Charities, kar loļo̧k jejjo laļ ko ilo Middle Eastern. Ilo Cairo, Egypt, Būreejtōn Bingham ekar ba elukkuun ļo̧kjeņ an “kōn iakwe eo em̧ool an Armej ro Rekwojarjar n̄an doon.” Būreejtōn Bingham im Sister Eubank raar barāinwōt loļo̧k juon jikin rijipokwe ro ilo Kurdistan, ijo Kabun̄ in ekar jipan̄ leļo̧k jikin jokwe.

Sister Reyna I. Aburto, Rikakpilōklōk eo Kein Karuo, ekar loļo̧k Spain ippān Sister Michelle D. Craig, Rikakpilōklōk eo Kein Kajuon ilo Būreejtōnji eo Eutiej an Doulul eo an Jiron̄ ro. “Aenōm̧m̧an an Anij ej dibuk im ļapļo̧k jān aolep nana ilo laļ in,” Sister Aburto ekar ba ilo iien nokon n̄an ajri ro im jodikdik ro.

Ilo social media, Būreejtōnji eo Euteij an Doulul eo an Kōrā ro rekar likūt ennaan ko kōn m̧ōn̄ā ko kijen ajri, jeraam̧m̧an, im ājmour, kōtōbalbal ippān Church Welfare im Self-Reliance Service ko n̄an leļo̧k ennaan ko n̄an ro jinen im jemān kōn jeraam̧m̧an ko an kwaļkoļ pā, dān in idaak erreo, mōn̄ā ko rāājmour kāāleti, kaninnin, wā, karreo, im etal n̄an taktō.

Būreejtōnji eo ekar barāinwōt rōjan sister ro n̄an kwaļo̧k en̄jake ko aer kōn ta eo enaaj kōketak er n̄an kōļapļo̧k aer bōk koņaer ilo Doulul eo an Kōrā ro im rejtak.