សូមស្វាគមន៍មកកាន់ច្បាប់នេះ
ការដកស្រង់ចេញពីសន្និសីទទូទៅលើកទី ១៩២
ឱ វាជាពរជ័យដ៏អស្ចារ្យណាស់នៅគ្រាដ៏លំបាកទាំងនេះដើម្បីទទួលបានការណែនាំ និងការប្រឹក្សាពីព្រះអម្ចាស់ព្រះយេស៊ូវគ្រីស្ទ ដែលដឹកនាំសាសនាចក្រដែលបានស្ដារឡើងវិញរបស់ទ្រង់តាមរយៈព្យាការី និងសាវកដែលនៅរស់ ។
ក្នុងអំឡុងពេលសន្និសីទទូទៅ ព្រះអម្ចាស់បានបន្តការអញ្ជើញមួយចំនួនតាមរយៈព្យាការីរបស់ទ្រង់ គឺប្រធាន រ័សុល អិម ណិលសុន ។ នេះគឺជារបៀបមួយចំនួនប៉ុណ្ណោះ ៖
១. ចែកចាយព្រះចេស្តា និងភាពសុខសាន្តនៃព្រះយេស៊ូវគ្រីស្ទ
ប្រធាន ណិលសុន បានរំឭកសមាជិកពី « ការទទួលខុសត្រូវដ៏ពិសិដ្ឋ [ របស់យើង ] ដើម្បីចែកចាយពីព្រះចេស្ដា និងភាពសុខសាន្ដនៃព្រះយេស៊ូវគ្រីស្ទជាមួយមនុស្សទាំងអស់ដែលនឹងស្ដាប់តាម » ។ នៅគ្រាដ៏លំបាកនេះ « មនុស្សគ្រប់រូបសមនឹងដឹងថា ពួកគេអាចស្វែងរកសេចក្តីសង្ឃឹម និងភាពសុខសាន្ដដែល ‹ [ ហួសលើស ] ពីអស់ទាំងគំនិត › [ ភីលីព ៤:៧ ] » ។
-
ដើម្បីអានការអំពាវនាវរបស់ប្រធានណិលសុនឲ្យយុវជនដែលមានភាពស័ក្តិសម ដើម្បីមានលទ្ធភាពរៀបចំខ្លួន និងបម្រើបេសកកម្ម សូមមើល « ការផ្សាយដំណឹងល្អនៃភាពសុខសាន្ដ » នៅទំព័រ ៦ ។
២. ស្ថាបនាសន្ទុះវិជ្ជមានខាងវិញ្ញាណ
ប្រធាន ណិលសុន បានបង្រៀនថា « យើងពុំធ្លាប់ត្រូវការសន្ទុះ វិជ្ជមាន ខាងវិញ្ញាណដូចជាពេលនេះដើម្បីទប់ទល់នឹងល្បឿនដ៏ខ្លាំងរបស់អារក្ស និងសញ្ញាកាន់តែអាក្រក់នៃសម័យនេះដូច្នេះទេ » ។
-
សូមស្វែងរកការអញ្ជើញមួយចំនួនមកពីប្រធានណិលសុន ដើម្បីបង្កើនសន្ទុះខាងវិញ្ញាណរបស់យើងនៅក្នុង « អំណាចនៃសន្ទុះខាងវិញ្ញាណ » នៅទំព័រ ៩៧ ។
៣. ជ្រើសរើសពីរបៀបដែលបងប្អូននឹងចំណាយពេលវេលារបស់ខ្លួន
ប្រធានណិលសុន បានពន្យល់ថាមានរឿងជាច្រើនដែលយើងមិនអាចគ្រប់គ្រងបាន ។ លោកបានមានប្រសាសន៍ថា « ប៉ុន្តែមានរឿងមួយចំនួនដែលយើងអាចគ្រប់គ្រងបាន រួមមានរបៀបដែលយើងចំណាយពេលវេលាជារៀងរាល់ថ្ងៃ » ។
-
សូមអានការអញ្ជើញរបស់ប្រធានណិលសុន ឲ្យចំណាយពេលវេលារបស់អ្នកផ្តោតលើពរជ័យទាំងឡាយនៃព្រះវិហារបរិសុទ្ធ « ឥឡូវគឺជាពេលវេលា » នៅលើទំព័រ ១២៦ ។
កាលដែលបងប្អូនសិក្សា និងធ្វើតាមការអញ្ជើញទាំងនេះ យើងសូមអញ្ជើញបងប្អូនឲ្យពិចារណាការចែកចាយបទពិសោធន៍របស់បងប្អូនជាមួយអ្នកដទៃតាមរយៈទស្សនាវដ្តី លីអាហូណា ។