ត្រេស៊ី វ៉ាយ ប្រោនីង

ទីប្រឹក្សាទីពីរក្នុងគណៈប្រធានអង្គការបឋមសិក្សាទូទៅ

ត្រេស៊ី វ៉ាយ ប្រោនីង បានឃើញការផ្សាយពាណិជ្ជកម្មអំពីព្រះគម្ពីរមរមនកាលគាត់មានអាយុប្រហែល ១៥ ឆ្នាំ នៅលើ កញ្ចក់ទូរទស្សន៍ នា ពេលរាត្រី ហើយបានស្នើ សុំព្រះគម្ពីរមួយក្បាលដោយឥតគិតថ្លៃនោះ ។

មិន យូរ ប៉ុន្មាន ក្រោយ ពួកអ្នកផ្សព្វផ្សាយសាសនានៃពួកបរិសុទ្ធថ្ងៃចុងក្រោយ បានគោះទ្វារផ្ទះ គាត់ ដោយ បានជូនព្រះគម្ពីរមរមន ហើយបានចាប់ផ្ដើមបង្រៀនគាត់អំពីដំណឹងល្អនៃព្រះយេស៊ូវគ្រីស្ទ ។

នៅ ពេល នោះ ត្រេស៊ី បានរស់នៅរដ្ឋ នូវជើរស៊ី ស.រ.អា. ជាមួយនឹងឪពុករបស់គាត់ ប៉ុន្តែជារឿយៗគាត់បានទៅលេងម្ដាយរបស់គាត់នៅរដ្ឋ នូវយ៉ក ស.រ.អា. ។ កាលកំពុងទៅ លេង ត្រេស៊ី បានសង្កេតឃើញដោយចង់ ដឹង ពេលម្ដាយរបស់គាត់ រីកចម្រើនឆ្ពោះទៅ រកពិធីបុណ្យជ្រមុជទឹក ។

ជា មួយនឹងលោកយាយរបស់គាត់ ត្រេស៊ី បានចូលរួមព្រះវិហារគ្រិស្តសាសនាមួយ ជាទីដែលគាត់រៀនពីជំនឿមូលដ្ឋានរបស់គ្រិស្តសាសនា ។ មិន យូរ ប៉ុន្មាន ត្រេស៊ី បានចាប់ផ្ដើមចូលរួមកម្មវិធីថ្វាយបង្គំនៅថ្ងៃអាទិត្យរបស់ពួកបរិសុទ្ធថ្ងៃចុងក្រោយជា មួយ នឹងម្ដាយរបស់គាត់ ។

បទពិសោធន៍ដ៏អស្ចារ្យបាន កើតឡើង នៅ ពេលដែលម្តាយ និងកូនស្រីបានចូលរួមកម្មវិធីសម្តែង នៅ លើភ្នំគូម៉ូរ៉ា ។ ការឈរនៅ ក្នុងព្រៃពិសិដ្ឋ ការចូលរួមព្រះវិហារ និងការស្ដាប់សារលិខិតនៃ ដំណឹងល្អតាមរបៀបថ្មីបានធ្វើឲ្យគាត់រំភើបចិត្ត ។ ត្រេស៊ី បានប្រាប់ម្ដាយរបស់គាត់ថា គាត់បានត្រៀមខ្លួនរៀនបន្ថែមទៀតអំពី សាសនាចក្រ ។

ស៊ីស្ទើរ ប្រោនីង បានថ្លែងថា « គាត់បានឲ្យខ្ញុំជួបនឹងពួកអ្នកផ្សព្វផ្សាយសាសនាភ្លាមបន្ទាប់ពីនោះមក » ។

ត្រេស៊ី យឺឡេន ប្រោនីង បាន កើតនៅ នូវ រ៉ូឆេល រដ្ឋ នូវយ៉ក នៅថ្ងៃទី ៩ ខែ តុលា ឆ្នាំ ១៩៧៦ ដែលត្រូវជាកូនរបស់ ក្លីវ អ័ដាម និង ឆារុន ខក់ ។ គាត់បានធំដឹងក្ដីឡើងនៅចាម៉ៃកា រដ្ឋ នូវ ជើស៊ី និងរដ្ឋ នូវយ៉ក ។ គាត់បានរៀបការនឹង ប្រេឌី ប្រោនីង នៅព្រះវិហារបរិសុទ្ធ សលត៍ លេក នៅថ្ងៃទី ២ ខែ ឧសភា ឆ្នាំ ១៩៩៧ ។ ពួក លោកមានកូនពីរនាក់ ។

ស៊ីស្ទើរ ប្រោនីង បានសិក្សានៅសាកលវិទ្យាល័យសេនចន ។ គាត់បានបម្រើ ការងារផ្នែកសេវាកម្មហិរញ្ញវត្ថុអស់ រយៈ ពេល ១៥ ឆ្នាំ ហើយឥឡូវជានាយកនៅ ក្នុងនាយកដ្ឋានសេវាកម្មផ្នែកបោះពុម្ពផ្សាយរបស់សាសនាចក្រ ។ ស៊ីស្ទើ ប្រោនីង ក៏ធ្លាប់ស្ម័គ្រចិត្តជាមួយនឹងសមាគមជាតិ ជំងឺពហុក្រិនសរសៃឈាម ផ្តល់ជម្រកសម្រាប់មនុស្ស ជាតិ និង ទិវាថែទាំរបស់យូណាយធីតវេថ្នាក់ជាតិផងដែរ ។

ស៊ីស្ទើរ ប្រោនីង បានបម្រើជាទីប្រឹក្សាក្នុងគណៈប្រធានសមាគមសង្គ្រោះវួដ និងស្តេក ជាគ្រូបង្រៀនសមាគមសង្គ្រោះ និងសាលាថ្ងៃអាទិត្យ និងក្នុងអង្គការយុវនារី ។ គាត់កំពុងបម្រើនៅក្នុងក្រុមប្រឹក្សាយោបល់សមាគមសង្គ្រោះទូទៅ ពេលគាត់ត្រូវបានហៅឲ្យទៅបម្រើក្នុងគណៈប្រធានអង្គការបឋមសិក្សាទូទៅ ។