សារព័ត៌មានអំពីព្រះវិហារបរិសុទ្ធ
ប្រធាន រ័សុល អិម ណិលសុន បានប្រកាសគម្រោងសាងសង់ព្រះវិហារបរិសុទ្ធ១៧ បន្ថែមទៀត ដោយធ្វើឲ្យចំនួនព្រះវិហារបរិសុទ្ធដែលបានប្រកាសចាប់តាំងពីលោកបានក្លាយជាប្រធាននៃសាសនាចក្រនេះកើនឡើងដល់ ១០០ ។
ព្រះវិហារបរិសុទ្ធនឹងត្រូវបានសាងសង់នៅក្នុង ឬក្បែរវេល្លីងតុន ប្រទេសនូវែលសេឡង់, ប្រាស្សេវីល សាធារណៈរដ្ឋកុងហ្គោ, បាសេឡូណា ប្រទេសអេស្ប៉ាញ, ប៊ឺមីងហាំ ប្រទេសអង់គ្លេស, ខាស្កូ ប្រទេស ប៉េរូ, ម៉ាសេអ៊ីយ៉ូ និង សានតូស ប្រទេសប្រេស៊ីល, សាន ល្វីស ប៉ូតូស៊ី និង ម៉ិចស៊ីកូស៊ីធី, បេណាមេរីតូ ម៉ិចស៊ិក និងនៅក្នុង ស.រ.អា តាំប៉ា រដ្ឋផ្ល័ររីដា, នក់វីល រដ្ឋថេណេសស៊ី, ក្លេវឡិន រដ្ឋអូហៃអូ, វីឈឺតា រដ្ឋកាន់សាស, អូស្ទីន រដ្ឋតិចសាស, មីសសូឡា រដ្ឋម៉ុនតាណា, ម៉ុនពេលីយើរ រដ្ឋអៃដាហូ, និង ម៉ូដេស្តូ រដ្ឋ កាលីហ្វ័រញ៉ា ។
បច្ចុប្បន្នភាពបន្ថែម
ចាប់តាំងពីសន្និសីទទូទៅចុងក្រោយបង្អស់ ព្រះវិហារបរិសុទ្ធត្រូវបានឧទ្ទិសឆ្លង ឬឧទ្ទិសឆ្លងឡើងវិញ បានប្រកាសការសម្ពោធ និងពិធីសម្ពោធការដ្ឋានសាងសង់បានដាក់កាលវិភាគនៅជុំវិញពិភពលោក ។
ព្រះវិហារបរិសុទ្ធម៉ានីតូបាវីននីផេក ( កាណាដា ) និងព្រះវិហារបរិសុទ្ធប៉ូកាតេឡូ អៃដាហូ ( ស.រ.អា. ) ត្រូវបានឧទ្ទិសឆ្លង និងព្រះវិហារបរិសុទ្ធមេស្សាអារីហ្សូណា ( ស.រ.អា ) ត្រូវបានឧទ្ទិសឆ្លងឡើងវិញ ។ កាលបរិច្ឆេទការឧទ្ទិសឆ្លង និងការឧទ្ទិសឆ្លងឡើងវិញ ព្រមទាំងការសម្ពោធបើកឲ្យប្រើប្រាស់ត្រូវបានប្រកាសសម្រាប់ព្រះវិហារបរិសុទ្ធនៅ យីហ្គូ កោះហ្គោម, ព្រីយ៉ា ខេប វើដរីយ៉ូដឺហ្សាណេរ៉ូ ប្រទេសប្រេស៊ីល, វ៉ាស៊ីងតោន ឌីស៊ី ស.រ.អា និងតូក្យូ ប្រទេសជប៉ុន ។
ការដ្ឋានសាងសង់សម្រាប់ព្រះវិហារបរិសុទ្ធ ខាស្ពើរ វ៉ាយអូមីង( ស.រ.អា. ) ព្រះវិហារបរិសុទ្ធ ប៉ាហ្គូប៉ាហ្គូ អាមេរិកសាម័រ ព្រះវិហារបរិសុទ្ធ បាកូឡូដ ហ្វីលីពីន និងព្រះវិហារបរិសុទ្ធ ហ្វ្រីថោន ស៊ីរ៉ាឡេអូន បានបើកសាងសង់ ។ ពិធីសម្ពោធការដ្ឋានសាងសង់ត្រូវបានដាក់កាលវិភាគសម្រាប់ព្រះវិហារបរិសុទ្ធនៅទីតាំងដូចតទៅនេះក្នុងស.រ.អា.គឺ ៖ គ្រេន ចាំងសិន, ខូឡូរ៉ាដូ, លីនដុន, យូថាហ៍, ហា្វមីងតុន, នូវម៉ិចស៊ីកូ, អេលកូ, ណេវ៉ាដា, ប៊ូលី, អៃដាហូ, យ័របា លីនដា, កាលីហ្វ័រញ៉ា និង ស្ម៊ីធហ្វៀល រដ្ឋយូថាហ៍ ។
ទីតាំងត្រូវបានប្រកាស ហើយការបង្ហាញរបស់សិល្បករត្រូវបានផ្តល់ជូនសម្រាប់ព្រះវិហារបរិសុទ្ធ ខេបថោន អាហ្រ្វិកខាងត្បូង ព្រះវិហារបរិសុទ្ធ ឃឺរេតារ៉ូ ម៉ិកស៊ិក និងព្រះវិហារបរិសុទ្ធ អេប្រាអិម យូថាហ៍ ។
ការជួសជុល
កិច្ចការសាងសង់ និងជួសជុលបន្តសម្រាប់ព្រះវិហារបរិសុទ្ធជាច្រើនទូទាំងពិភពលោក រួមទាំងការជួសជុលនៃព្រះវិហារបរិសុទ្ធសលត៍ លេក និងបរិវេណជុំវិញ រួមទាំងទីធ្លាអគារការិយាល័យសាសនាចក្រផងដែរ ។ គម្រោងនេះនឹងពង្រីក ធ្វើឲ្យមានភាពស្រស់ស្អាត និងសោភ័ណភាពដល់ព្រះវិហារបរិសុទ្ធនេះ និងបរិវេណជុំវិញប្ដូរប្រព័ន្ធដែលហួសសម័យ ហើយដោះស្រាយបញ្ហាសុវត្ថិភាព និងការរញ្ជួយដី ។
ព្រះវិហារបរិសុទ្ធនេះកំពុងត្រូវបានពង្រឹង ដើម្បីទប់ទល់នឹងការរញ្ជួយដីកម្រិត ៧.២ រ៉ិចទ័រ គ្រឹះកំពុងត្រូវបានពង្រឹង និងមានស្ថេរភាពពេលមានការរញ្ជួយដី ប្រព័ន្ធអគ្គិសនី និងប្រព័ន្ធទឹកកំពុងត្រូវបានធ្វើបច្ចុប្បន្នភាព តំបន់ផ្លូវចូលថ្មីកំពុងត្រូវបានសាងសង់ ទីធ្លាត្រូវបានប្ដូរបេតុងដែលខូច ហើយរៀបចំសួនឡើងវិញ ដើម្បីកាត់បន្ថយទម្ងន់នៃដីនៅលើរចនាសម្ព័ន្ធក្រោមដី ហើយទីធ្លាព្រះវិហារបរិសុទ្ធ និងអគារការិយាល័យនឹងត្រូវបានរចនាឡើងវិញដើម្បីបង្កើតបរិយាកាសបើកចំហ និងទទួលស្វាគមន៍កាន់តែច្រើន ។ ការជួសជុលដែលបានចាប់ផ្ដើមនៅឆ្នាំ ២០២០ ត្រូវបានដាក់កាលវិភាគបញ្ចប់នៅឆ្នាំ២០២៥ ។
ការបន្តជួសជុលនៅព្រះវិហារបរិសុទ្ធហាមីលតុន ប្រទេសនូវែលសេឡង់, ហុងកុង ប្រទេសចិន និងកូឡុំប៊ូស អូហៃអូ, ព្រមទាំង សេន ចច និងម៉ានតៃ យូថាហ៍ ស.រ.អា. ផងដែរ ។ ចំពោះស្ថានភាពការសាងសង់នៃព្រះវិហារបរិសុទ្ធផ្សេងទៀត សូមមើលតំណខាងក្រោម ។
ត្រឡប់ទៅរកភាពធម្មតាវិញ
ក្នុងសំបុត្រមួយផ្ញើទៅកាន់ថ្នាក់ដឹកនាំសាសនាចក្រចុះថ្ងៃទី ១៥ ខែ មីនា ឆ្នាំ ២០២២ គណៈប្រធានទីមួយបានប្រកាសថា ព្រះវិហារបរិសុទ្ធទូទាំងពិភពលោកនឹងត្រឡប់ទៅរកដំណើរការជាធម្មតាវិញបន្តិចម្ដងៗ ។ ការណ៍នេះនឹងបញ្ចូលទាំងការលុបបំបាត់ការពាក់ម៉ាស់ និងការរឹតបន្តឹងនានាផ្អែកលើស្ថានភាពក្នុងមូលដ្ឋាន ។ ការអនុវត្តសម្រាប់ព្រះវិហារបរិសុទ្ធនីមួយៗនឹងត្រូវបានកំណត់ដោយប្រធានព្រះវិហារបរិសុទ្ធ និងគណៈប្រធានតំបន់ ដោយពិគ្រោះយោបល់ជាមួយនឹងនាយកដ្ឋានព្រះវិហារបរិសុទ្ធ ។