អែលឌើរ ចនណាថាន អេស ស្ម៊ីធ

ពួកចិតសិបនាក់ដែលមានសិទ្ធិអំណាចទូទៅ

អែលឌើរ ចនណាថាន អេស ស្ម៊ីធ ថ្លែងថា « ភាពដែលអាចរកបាន » គឺជាអ្វីដែលលោកនាំយកមកក្នុងការហៅរបស់លោក ក្នុងនាមជាពួកចិតសិបនាក់ដែលមានសិទ្ធិអំណាចទូទៅ ។

លោកបានថ្លែងថា « នោះគឺជាអ្វីទាំងអស់ដែលយើងមាន ។ ចិត្តសង្រេង និងវិញ្ញាណទន់ទាបមានន័យថាអ្នកត្រូវដាក់ចិត្តរបស់អ្នកលើអាសនា ហើយអនុញ្ញាតឲ្យព្រះអម្ចាស់ធ្វើអ្វីទៅតាមព្រះទ័យរបស់ទ្រង់ចេញពីទីនោះ » ។

អែលឌើរ ស្ម៊ីធ បានបន្ថែមថា « ព្រះអម្ចាស់អាចប្រទានឲ្យយើងនូវកម្លាំង ទេពកោសល្យ និងអំណោយទានដែលយើងត្រូវការដើម្បីសម្រេចកិច្ចការរបស់ទ្រង់ ។ ប៉ុន្តែប្រសិនបើយើងពុំធ្វើឲ្យខ្លួនឯងទំនេរចំពោះទ្រង់ នោះយើងកំពុងជ្រើសរើសខ្លួនឯង ហើយពុំផ្ដល់ឱកាសឲ្យទ្រង់ដើម្បី ប្រទានពរដល់យើងចំពោះការខិតខំរបស់យើងដើម្បីបម្រើទ្រង់ » ។

ចនណាថាន ស្តេហ្វិន ស្ម៊ីធ បានកើតនៅថ្ងៃទី ១៦ ខែ មេសា ឆ្នាំ ១៩៧៣ នៅទីក្រុង មេស្សា រដ្ឋអារីហ្សូណា ស.រ.អា ត្រូវជាកូនរបស់លោក រ៉ូប៊ឺត អេដវួដ និងលោកស្រី ដាយអេន លីដា ស្ម៊ីធ ។ លោកបានធំដឹងក្ដីឡើងនៅទីក្រុង យូម៉ា រដ្ឋអារីហ្សូណា ។ នៅថ្ងៃទី ២១ ខែ កក្កដា ឆ្នាំ ១៩៩៥ លោកបានរៀបការនឹង អាឡិចស៊ី ស្វេន អ៊ូឌល នៅក្នុងព្រះវិហារបរិសុទ្ធមេស្សាអារីហ្សូណា ។ ពួកលោកមានកូនបួននាក់ ។

អែលឌើរ ស្ម៊ីធ បានទទួលបរិញ្ញាបត្រវិទ្យាសាស្ត្រផ្នែកកសិកម្ម និងធនធានសេដ្ឋកិច្ចនៅឆ្នាំ ១៩៩៧ និងថ្នាក់បណ្ឌិតផ្នែកច្បាប់នៅឆ្នាំ ២០០០ មកពីសាកលវិទ្យាល័យអារីហ្សូណា ។

បន្ទាប់ពីបម្រើជាក្រឡាបញ្ជីនៅតុលាការកំពូលរដ្ឋអារីហ្សូណាមក លោកបានបម្រើការជាមេធាវីនៅក្រុមហ៊ុនច្បាប់អន្តរជាតិរបស់អាគីន ហ្គាំ ស្ត្រោស ហៅអឺ & ហ្វេល អិលអិលភី ។ ក្រោយមកទៀត លោកបានបម្រើការជាមេធាវី និងក្រុមប្រឹក្សាខាងវិវាទឲ្យក្រុមហ៊ុនប៊េគឺ ហ៊ូច ។ លើសពីនេះទៀត លោកបានបម្រើការជាជំនួយការអនុប្រធាននៅសាកលវិទ្យាល័យរដ្ឋអារីហ្សូណា ។

អែលឌើរ ស្ម៊ីធ កំពុងបម្រើជាពួកចិតសិបនាក់ប្រចាំតំបន់នៅតំបន់អាមេរិកខាងជើងភាគនិរតី ពេលលោកត្រូវបានហៅជាពួកចិតសិបនាក់ដែលមានសិទ្ធិអំណាចទូទៅ ។ ការហៅពីមុនរបស់លោករួមមាន ការបម្រើជាប្រធានបេសកកម្ម សាន់ ឌីអេហ្គូ កាលីហ្វ័រញ៉ាពីឆ្នាំ ២០១៤ ដល់ ២០១៧ ប្រធានស្តេក ប៊ីស្សព ទីប្រឹក្សាក្នុងគណៈប្រធានស្តេក ទីប្រឹក្សាជាន់ខ្ពស់ ប្រធានកូរ៉ុមអែលឌើរ លេខាប្រតិបត្តិវួដ ទីប្រឹក្សាក្នុងគណៈប្រធានយុវជនស្តេក អ្នកដឹកនាំក្រុមសង្ឃជាន់ខ្ពស់ គ្រូបង្រៀនការរៀបចំខ្លួនសម្រាប់បេសកកម្ម និងអ្នកផ្សព្វផ្សាយសាសនាពេញម៉ោងនៅបេសកកម្ម ហ្វ្រេស្នូ កាលីហ្វ័រញ៉ា ។