« អេមី អេ រ៉ាយ » លីអាហូណា ខែ ឧសភា ឆ្នាំ ២០២២ ។
អេមី អេរ៉ាយ
ទីប្រឹក្សាទីមួយក្នុងគណៈប្រធានអង្គការបឋមសិក្សាទូទៅ
ស៊ីស្ទើរ អេមី អេ រ៉ាយ ចងចាំពីរាត្រីមួយកាលពីច្រើនឆ្នាំកន្លងទៅហើយ នៅពេលដែលគាត់ទទួលការព្យាបាលជំងឺមហារីកក្រពេញអូវែដំណាក់កាលទី ៤ ។ គាត់មានការឈឺចាប់យ៉ាងខ្លាំងដែលគាត់មានចិត្តវក់វិញ ។ ទោះបីជាគាត់មានទីបន្ទាល់ និងសេចក្តីជំនឿលើព្រះវរបិតាសួគ៌ ព្រះអង្គសង្គ្រោះ និងផែនការនៃសេចក្តីសង្គ្រោះក្តី ក៏គាត់ត្រូវការជំនួយដែរ ។
កាលពីនៅក្មេង ស៊ីស្ទើរ រ៉ាយ បានទទួលការបង្រៀនពីម្តាយរបស់គាត់ និងថ្នាក់ដឹកនាំអង្គការបឋមសិក្សារបស់គាត់ថា នៅពេលមានអារម្មណ៍ភ័យខ្លាច ឯកោ ឬត្រូវការជំនួយពីព្រះវិញ្ញាណ នោះគាត់គួរតែច្រៀងចម្រៀងរបស់អង្គការបឋមសិក្សា ។
ឥឡូវនេះគាត់គិតថា « ប៉ុន្តែការច្រៀងនេះវាសម្រាប់តែក្មេងៗទេ » ។ « តើវាពិតជាអនុវត្តចំពោះខ្ញុំដែរឬទេ ? »
បន្ទាប់មកគាត់បានទទួលចម្លើយ—និងបទចម្រៀងនេះ ។
ស៊ីស្ទើរ រ៉ាយ បានបានចាំថាបទ « ខ្ញុំក៏ជាកូនរបស់ព្រះដែរ » ។ « ដូច្នេះខ្ញុំបានចាប់ផ្តើមចៀងក្នុងចិត្តរបស់ខ្ញុំថា ‹ ព្រះវរបិតាអើយ ទ្រង់នៅទីនេះឬ? ›១
« ខ្ញុំចេះបានត្រឹមប៉ុណ្ណឹង ។ ពេញមួយតួខ្លួនរបស់ខ្ញុំត្រូវបានរុំព័ទ្ធដោយសេចក្ដីស្រឡាញ់របស់ព្រះ ។ វាជាការពិតដែលចម្លែកព្រោះខ្ញុំមិនអាចមានអារម្មណ៍អ្វីផ្សេងឡើយ ។ ខ្ញុំបានដឹងថាទ្រង់គង់នៅទីនោះ ថាទ្រង់ញាណដឹងយ៉ាងពិតប្រាកដនូវអ្វីដែលខ្ញុំឆ្លងកាត់ ហើយថាទ្រង់គឺជាព្រះដែលពេញដោយសេចក្តីស្រឡាញ់ » ។
អេមី អេលៀន អាន់ឌើរសុន បានកើតនៅថ្ងៃទី ៦ ខែ មករា ឆ្នាំ ១៩៧២ នៅទីក្រុងសលត៍ លេក រដ្ឋយូថាហ៍ ស.រ.អា. ត្រូវជាកូនរបស់លោក ចយ ប៊ែលី និងលោកស្រី រ៉ូបឺត អាន់ឌើរសុន ។ គាត់បានរៀបការជាមួយនឹង ម៉ាកឃី រ៉ាយ នៅថ្ងៃទី ២៤ ខែ មិថុនា ឆ្នាំ ១៩៩៤ នៅព្រះវិហារបរិសុទ្ធ សលត៍ លេក ។ ពួកលោកមានកូនប្រុសបីនាក់ ។
គាត់បានបញ្ចប់ការសិក្សាថ្នាក់បរិញ្ញាបត្រ ជំនាញការអភិវឌ្ឍន៍មនុស្ស និងការសិក្សាពីក្រុមគ្រួសារមកពីសាកលវិទ្យាល័យរដ្ឋយូថាហ៍ ក្នុងឆ្នាំ ១៩៩៨ ។ គាត់បានធ្វើការនៅផ្នែកប្រព័ន្ធផ្សព្វផ្សាយរបស់និស្សិត នៅមហាវិទ្យាល័យទំនាក់ទំនងរបស់សាកលវិទ្យាល័យ ម៉ាឃេត ខណៈពេលដែលស្វាមីរបស់គាត់បានចូលរៀននៅសាលាទន្តសាស្ត្រ ។
ស៊ីស្ទើរ រ៉ាយ បានបម្រើជាទីប្រឹក្សាទីពីរនៅក្នុងគណៈប្រធានអង្គការបឋមសិក្សានៅឆ្នាំមុន និងនៅក្រុមប្រឹក្សាយោបល់ទូទៅរបស់ក្រុមយុវនារីអស់រយៈពេលបីឆ្នាំមុនការបម្រើនោះ ។ ការហៅពីមុនៗរួមមាន ប្រធានបឋមសិក្សាស្តេក និងវួដ សមាគមសង្គ្រោះវួដ និងទីប្រឹក្សាក្នុងគណៈប្រធានអង្គការបឋមសិក្សា គ្រូបង្រៀនសមាគមសង្គ្រោះ គ្រូបង្រៀនគោលលទ្ធិនៃដំណឹងល្អ និងអ្នកដឹកនាំកាយរឹទ្ធិ ។