ធនធានថ្មី
ទិដ្ឋភាពទូទៅស្ដីពីធនធានដែលទើបដាក់ឲ្យប្រើប្រាស់ថ្មី ដើម្បីជួយសមាជិករស់នៅតាមដំណឹងល្អ ពង្រឹងក្រុមគ្រួសាររបស់ពួកគេ និងគ្រប់គ្រងការទទួលខុសត្រូវក្នុងសាសនាចក្រ ។
ដំណើររឿងព្រះគម្ពីរសញ្ញាចាស់
ឥឡូវសៀវភៅរូបភាពនេះមាននូវរូបភាព និងសំណេរថ្មីៗដែលនឹងជួយក្រុមគ្រួសារ នៅក្នុងការសិក្សានៅគេហដ្ឋានរបស់ពួកគេ ។ សៀវភៅកំណែថ្មីនេះមានរូបភាពជាង ៣៥០ រូបភាព ។ ដំណើររឿងមុនៗត្រូវបាននិពន្ធជាថ្មី ដំណើររឿងចំនួនប្រាំបួនត្រូវបានដាក់បន្ថែម ហើយសៀវភៅនេះត្រូវបានបកប្រែជា ៦៣ ភាសា ។ វីដេអូគំនូរជីវចល និងការនិទានរឿងជាសំឡេងត្រូវបានបង្កើតឡើងជា ១០ ភាសាសម្រាប់ដំណើររឿងនីមួយៗ ។ ដំណើររឿងព្រះគម្ពីរសញ្ញាចាស់ និងវីដេអូអំពីដំណើររឿងនេះមានលើអ៊ីនធឺណិតនៅគេហទំព័រ scripturesto.ries.ChurchofJesusChrist.org នៅក្នុងបណ្ណាល័យដំណឹងល្អ និងកម្មវិធីដំណឹងល្អសម្រាប់កុមារ និងនៅលើ YouTube ។ កំណែបោះពុម្ពអាចទទួលបានតាមរយៈ store.ChurchofJesusChrist.org ឬនៅមជ្ឈមណ្ឌលចែកចាយនានា ។
ពួកអ៊ីស្លាម និងពួកបរិសុទ្ធថ្ងៃចុងក្រោយ ៖ ជំនឿ គុណតម្លៃ និងរបៀបរស់នៅ
កូនសៀវភៅថ្មីនេះណែនាំប្រជាជនអ៊ីស្លាម ( ពួកអ្នកកាន់សាសនាអ៊ីស្លាម ) និងពួកបរិសុទ្ធថ្ងៃចុងក្រោយឲ្យស្គាល់គ្នា ។ អែលឌើរ ដេវីឌ អេ បែដណា និងអែលឌើរ ហ្គើរីត ដបុលយូ ហ្គង ក្នុងកូរ៉ុមនៃពួកសាវកដប់ពីរនាក់បានបង្ហាញសៀវភៅនេះជាលើកដំបូងនៅអំឡុងពេលសន្និសីទស្ដីពីសាសនាអ៊ីស្លាមនៅសាកលវិទ្យាល័យព្រិកហាំ យ៉ង់ នៅខែ តុលា ឆ្នាំ២០២១ ។ កូនសៀវភៅនេះមាននៅក្នុងបណ្ណាល័យដំណឹងល្អ ( នៅគេហទំព័រ ChurchofJesusChrist.org ឬក្នុងកម្មវិធីចល័ត ) ជាភាសាអារ៉ាប់, អង់គ្លេស, បារាំង, អាល្លឺម៉ង់, រុស្សី, អេស្ប៉ាញ និង តួគី ។ នៅក្នុងបណ្ណាល័យដំណឹងល្អ សូមចូលទៅកាន់ សៀវភៅ និងមេរៀន រួចបើកទំនាក់ទំនងអន្តរជំនឿ ។
ឱកាសទទួលបានអាហារូបករណ៍
ឥឡូវនេះកម្មវិធី BYU–Pathway Worldwide កំពុងផ្ដល់ឱកាសទទួលបានអាហារូបករណ៍ដល់និស្សិតគ្រប់រូប ផ្អែកតាមសេចក្ដីត្រូវការ ។ ដើម្បីទទួលបានអាហារូបករណ៍នេះ វាពុំទាមទារឲ្យមានពិន្ទុល្អនោះទេ ។ និស្សិតដែលបានចុះឈ្មោះចូលរៀន PathwayConnect គ្រាន់តែត្រូវបញ្ចប់មុខវិជ្ជាដែលជាព័ត៌មានប៉ុណ្ណោះ ។
ការស្វែងរកកម្លាំងនៅក្នុងព្រះអម្ចាស់ ៖ ភាពអត់ធន់នឹងអារម្មណ៍
វគ្គសិក្សាភាពខ្លួនទីពឹងខ្លួននេះឥឡូវមានជាភាសា អាល់បានី, ចិន, ឆេក, ដាណឺម៉ាក, ហូឡង់, អង់គ្លេស, បារាំង, អាល្លឺម៉ង់, ហុងគ្រី, អ៊ីតាលី, ជប៉ុន, កូរ៉េ, ព័រទុយហ្គាយ, រុស្សី និងអេស្ប៉ាញ ។
សេចក្ដីណែនាំចំពោះការហៅបម្រើ
សេចក្ដីណែនាំចំពោះការហៅបម្រើសម្រាប់ភាពជាអ្នកដឹកនាំថ្មីជួយថ្នាក់ដឹកនាំយុវនារីដើម្បីណែនាំដល់យុវវ័យ ។ ដើម្បីស្វែងរកសេចក្ដីណែនាំនេះនៅក្នុងបណ្ណាល័យដំណឹងល្អ សូមចូលទៅក្បួនខ្នាត និងការហៅ បន្ទាប់មក ការហៅក្នុងវួដ ឬសាខា ហើយបន្ទាប់មកយុវនារី ។ ធនធានបន្ថែមទៀតអាចរកបាននៅលើគេហទំព័រ YoungWomen.ChurchofJesusChrist.org ។
ព័ត៌មានទាក់ទង
ឥឡូវនេះពួកបរិសុទ្ធថ្ងៃចុងក្រោយដែលបម្រើបេសកកម្មចាប់តាំងពីឆ្នាំ ២០០០ មក អាចចែកចាយព័ត៌មានទាក់ទងរបស់ពួកគេជាមួយនឹងថ្នាក់ដឹកនាំបេសកកម្មរបស់ពួកគេតាមរយៈបញ្ជីរាយឈ្មោះបេសកកម្មថ្មីនៅក្នុងកម្មវិធីឧបករណ៍សម្រាប់សមាជិក ។ តាមរយៈការជ្រើសរើសចូលរួម អតីតអ្នកផ្សព្វផ្សាយសាសនាម្នាក់អនុញ្ញាតឲ្យថ្នាក់ដឹកនាំមើលឃើញឈ្មោះ និងព័ត៌មានទាក់ទងរបស់គាត់ ។ បន្ទាប់មក ថ្នាក់ដឹកនាំបេសកកម្មអាចប្រើព័ត៌មាននេះដើម្បីប្រាស្រ័យទាក់ទងជាមួយនឹងពួកអ្នកផ្សព្វផ្សាយសាសនាដោយផ្ទាល់ និងជាក្រុម ។
ដំណឹងល្អសម្រាប់កុមារ
ឥឡូវនេះប៉ុស្តិ៍ YouTube នេះមានជាភាសាអង់គ្លេស ព័រទុយហ្គាយ និងអេស្ប៉ាញ ។ ផ្នែកថ្មីក្នុងបណ្ណាល័យដំណឹងល្អហៅថា កុមារអនុញ្ញាតឲ្យកុមារប្រើដំណើររឿង, វីដេអូ និងសកម្មភាពប្រាស្រ័យទាក់ទង ។
ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
ឥឡូវនេះកំណែថ្មីបំផុតមានជាភាសាអង់គ្លេស រួមទាំងភាសាផ្សេងៗបន្ថែមទៀតនៅអំឡុងឆ្នាំ ២០២២ នេះ ។