Pumarito Ka, Sumunod Ka sa Akin

Job

Tatlong Aral mula kay Job

Mga larawang-guhit nina Bryan Beach at Rachel Howell

Sa kabila ng mga pagsubok sa kanyang buhay, nanatiling halimbawa si Job ng pagtitiwala sa Diyos nang may pagtitiyaga, at iniligtas siya ng Panginoon mula sa mga pagsubok sa kanyang buhay. Tulad ng sabi ng mang-aawit, “Sa iyo ang aming mga magulang ay nagtiwala, sila’y nagtiwala, at iyong iniligtas sila” (Mga Awit 22:4). Ang pagtitiwala sa Diyos ay nagdulot kay Job ng kapanatagan mula sa pagdurusa at pagdadalisay para sa kanyang kaluluwa.

Magsisi para Magkaroon ng Mas Mataas at Mas Banal na Paraan

“Matapos magsisi si Job sa pagsasabing hindi patas ang Diyos, tinulutan si Job na makita ang kanyang mga pagsubok sa mas mataas at mas banal na paraan.”

Pangulong Henry B. Eyring, Unang Tagapayo sa Unang Panguluhan, “Kabanalan at ang Plano ng Kaligayahan,” Liahona, Nob. 2019, 102.

Magtiwala sa Diyos nang may Pananampalataya

“Ang ibig sabihin ng pananampalataya ay pagtitiwala sa Diyos sa hirap at ginhawa, kahit na kabilang doon ang ilang pagdurusa hanggang sa ang Kanyang bisig ay maipahayag alang-alang sa atin.”

Elder Jeffrey R. Holland ng Korum ng Labindalawang Apostol, “Paghihintay sa Panginoon,” Liahona, Nob. 2020, 116.

Tiisin ang Kaparusahan

“Ang mismong pagtitiis sa kaparusahan ay nakapagpapadalisay sa atin at inihahanda tayo para sa mas dakilang mga espirituwal na pribilehiyo.”

Elder D. Todd Christofferson ng Korum ng Labindalawang Apostol, “Ang Lahat Kong Iniibig, ay Aking Sinasaway at Pinarurusahan,” Liahona, Mayo 2011, 98.

Mga Pagsubok kay Job

• Mga hayop na ninakaw o pinatay

• Mga tagapaglingkod na napatay

• Mga anak na napatay

• Napuno ng mga pigsa mula ulo hanggang paa

• Hinikayat siya ng asawa niya na isumpa ang Panginoon

Bago ang mga Pagsubok

• 7 anak na lalaki at 3 anak na babae

• 7,000 tupa

• 3,000 kamelyo

• 500 baka

• 500 asno

Pagkatapos ng mga Pagsubok

• 7 anak na lalaki at 3 anak na babae

• 14,000 tupa

• 6,000 kamelyo

• 1,000 baka

• 1,000 asno