Dali, Sunod Kanako

Juan 2

Mahitabo Ba Kanako ang mga Milagro?

Si Kristo naghimo og daghang milagro atol sa Iyang yutan-ong pangalagad, sama sa dihang Iyang gihimo ang tubig ngadto sa bino atol sa kasaulogan sa kasal didto sa Cana (tan-awa sa Juan 2:1–11). Sama sa atong makita diha sa Bag-ong Tugon, ang mga milagro kanunay nga nahitabo pinaagi sa gahom sa pagkapari ug sa hugot nga pagtuo.

Ang uban tingali maghunahuna, apan unsaon man nga makabaton ko og hugot nga pagtuo aron mahitabo kanako ang milagro?

Si Presidente Russell M. Nelson mitudlo: “Buhata ang esprituhanong buhat sa pagtinguha og mga milagro. Sa mainampoong paagi pangayo og tabang sa Dios sa pagtabang ninyo nga makagamit niana nga matang sa hugot nga pagtuo” (“Ang Gahom sa Kadasig sa Espirituhanong Paglambo,” Liahona, Mayo 2022, 99).

Mga Baroganan Nga Nagdumala sa Pagpahinabo sa mga Milagro

Ang atong Dios mao ang Dios sa mga milagro: Juan 6:5–14; 1 Nephi 17:51; 2 Nephi 27:23; Mormon 9:15, 18–19

Hugot nga pagtuo ug pagsalig diha sa Ginoo: Marcos 4:36–41; Mormon 9:20–27; Ether 12:12, 18; Moroni 7:33

Gahom sa pagkapari: Alma 23:6; Mormon 9:17–18

Christ Praying in the Garden of Gethsemane [Si Kristo nga Nag-ampo didto sa Tanaman sa Getsemani], ni Hermann Clementz

“Ang atong pagkaanak sa Dios usa ka milagro. Ang pagdawat og lawas sa Iyang hitsura ug panagway usa ka milagro. Ang gasa sa usa ka Manluluwas usa ka milagro. Ang Pag-ula ni Jesukristo usa ka milagro. Ang potensyal alang sa kinabuhing dayon usa ka milagro.”

Elder Donald L. Hallstrom, emeritus General Authority Seventy, “Nahunong ba ang Adlaw sa mga Milagro?” Liahona, Nob. 2017, 90.

Panaghisgotan

Unsa ang gitudlo nganha kanimo sa mga milagro diha sa Bag-ong Tugon mahitungod sa pagsalig diha sa Ginoo, sa Iyang tukmang panahon, ug sa Iyang gahom? Unsa ang mga milagro nga imong nakita sa imong kinabuhi?