“Unsaon Nako Pagtukod diha sa usa ka Sigurado nga Sukaranan?,” Liahona, Peb. 2023.
Dali, Sunod Kanako
Unsaon Nako Pagtukod diha sa usa ka Sigurado nga Tukoranan?
Painting pinaagi ni Justin Kunz
Ang pasumbingay kabahin sa maalamong tawo ug sa tawong buangbuang nagtudlo kanato kabahin sa kamahinungdanon sa pagtukod diha sa usa ka lig-on nga sukaranan dili lang pinaagi sa pagpaminaw sa mga pulong sa Ginoo apan usab ang pagbuhat niini (tan-awa sa Mateo 7:24–27). Ang Helaman 5:12 nagtudlo kanato nga ang atong espirituhanong mga tukoranan kinahanglang matukod diha sa “lig-on nga sukaranan sa atong Manunubos, nga mao si Kristo, ang Anak sa Dios.” Ang pagtukod diha sa usa ka lig-on nga tukoranan dili sayon nga moabot. Unsa ang gibuhat sa maalamon nga tawo aron mahimong dili matarog ang iyang balay? (tan-awa sa Lucas 6:48).
Ikonsiderar ang pag-rebyo sa pipila sa mga pagtulon-an gikan sa Wali sa Bukid nga nakalista sa ubos. Aduna bay piho nga pagtulon-an nga gibati ninyong mas bansayon diha sa inyong kinabuhi? Sa unsa nga paagi kini nga mga butang nakaapekto kaninyo ug sa inyong relasyon ngadto sa Langitnong Amahan ug ni Jesukristo? Pwede kamo nga mohimo og plano sa paggamit niana nga pagtulon-an diha sa inyong kinabuhi ug hunahunaa ang inyong paglambo.
Pagkamapainubsanon: Mateo 6:1–8, 16–18
Pag-ampo: Mateo 6:5–13
Pagpasaylo: Mateo 6:14–15
Mga Prayoridad: Mateo 6:19–24, 33; 7:6, 21–23
Salig sa Dios: Mateo 6:25–34; 7:9–11
Hukmi sa matarong: Mateo 7:1–5, 15–20
Pangayo uban sa hugot nga pagtuo: Mateo 7:7–8
Pagkamaaghop: Mateo 7:12
Pagkamasulondon: Mateo 7:21–27