« ជម្រកពីព្យុះភ្លៀង » លីអាហូណា ខែ មីនា ឆ្នាំ ២០២៣ ។
សូមស្វាគមន៍មកកាន់ច្បាប់នេះ
ជម្រកពីព្យុះភ្លៀង
រូបថតតាម Getty Images
តើអ្នកធ្លាប់ចូលអង្គុយជ្រកភ្លៀងអំឡុងពេលព្យុះភ្លៀងដែរឬទេ ? ពេលទឹកធ្លាក់ចុះមក វាធ្លាក់ប៉ះដំបូល និងរំពងឮជាងសំឡេងផ្សេងៗ ។ តើអ្នកមិនទទឹកនៅកណ្តាលព្យុះភ្លៀងដោយរបៀបណា ? ព្រះចេស្តា និងវត្តមានរបស់ព្រះអង្គសង្រ្គោះយើងគឺដូចជាជម្រកនោះដូច្នោះ ។
លីអាហូណា ច្បាប់ នេះផ្តោតលើរបៀបដែលព្រះយេស៊ូវគ្រីស្ទនាំមកនូវសេចក្តីសុខសាន្តនៅក្នុងព្យុះភ្លៀងនៃជីវិត ។ យើងមិនអាចជៀសវាងពីឧបគ្គស និងការសាកល្បងទាំងឡាយបានទេ ។ ប៉ុន្តែដូចជាជម្រកមួយដែលធ្វើឲ្យយើងមិនទទឹកពេលមានភ្លៀង កាលដែលយើងយាងអញ្ជើញព្រះយេស៊ូវគ្រីស្ទឲ្យយាងមកជាមួយយើងនៅលើដំណើររបស់យើង នោះទ្រង់ជួយយើងរកឃើញសេចក្តីសុខសាន្តនៅពេលមានព្យុះភ្លៀង ។ ខ្ញុំសូមអញ្ជើញអ្នកឲ្យអានអែលឌើរ ឌៀថើរ អេហ្វ អុជដូហ្វ « ខ្ញុំទុកសេចក្តីសុខនៅនឹងអ្នករាល់គ្នា » ( ទំព័រ ៤ ) ។ លោកបានបង្រៀនថា « ព្រះយេស៊ូវគ្រីស្ទដែលជាអ្នកគ្រប់គ្រងធាតុទាំងឡាយ ក៏អាចសម្រាលដល់បន្ទុករបស់យើងបាន » និង « សេចក្តីសុខសាន្តពុំចាំបាច់ដកចេញពីដួងចិត្តយើងទេ ទោះជាយើងត្រូវឈឺចាប់ សោសៅ និងរង់ចាំព្រះអម្ចាស់ក្តី » ។
ខ្ញុំក៏បានដកពិសោធន៍ « ព្យុះភ្លៀង » នៅក្នុងជីវិតខ្ញុំដែរ ។ ឧបសគ្គទាំងនេះបានបង្រៀនខ្ញុំថា ព្រះយេស៊ូវគ្រីស្ទពិតជាប្រភពដ៏យូរអង្វែងនៃជំនួយ និងសេចក្តីសុខសាន្ត ។ ពេលខ្ញុំចែកចាយអត្ថបទរបស់ខ្ញុំ « ព្រះចេស្តាដែលប្រោសខ្ញុំ » ( ទំព័រ ៤០ ) ព្រះអង្គសង្រ្គោះអាច ហើយនិង យាងមកជាមួយយើង នៅលើដំណើររបស់យើងត្រឡប់ទៅ ផ្ទះវិញ ។ ទ្រង់គង់នៅជាមួយយើងកាលយើងរង់ចាំពរជ័យដែលបានសន្យា ។ ហើយវាពុំដែលហួសពេលទេសម្រាប់ទ្រង់លើកយើងឡើង ។ ទ្រង់ស្រឡាញ់ក្មួយ ។ ខ្ញុំសូមអធិស្ឋានថាអ្នកនឹងទុកឲ្យទ្រង់ធ្វើជាទីជម្រក និងទីសុវត្ថិភាពរបស់អ្នកមិនថាអ្នកកំពុងជួបរឿងអ្វីនោះទេ ។
ដោយក្តីស្រឡាញ់
ប៊ូនី អេច ខ័រឌុន
ប្រធានយុវនារីទូទៅ