« ការទុកចិត្តលើអំណាចរបស់ ព្រះអម្ចាស់ និងព្យាការីទាំងឡាយ » លីអាហូណា ខែ មីនា ឆ្នាំ ២០២៣ ។
សម្រាប់មាតាបិតា
ការទុកចិត្តលើអំណាចរបស់ ព្រះអម្ចាស់ និងព្យាការីទាំងឡាយ
ជូនចំពោះមាតាបិតា
នៅក្នុងពិភពលោកដែលកាន់តែគ្មានសណ្តាប់ធ្នាប់របស់យើង វាអាចងាយនឹងមានអារម្មណ៍ភ័យខ្លាច និងមិនច្បាស់លាស់ ។ ប៉ុន្តែនៅពេលយើងងាកទៅរកព្រះយេស៊ូវគ្រីស្ទ ដើម្បីទទួលការលួងលោម នោះទ្រង់អាចនាំមកដល់យើងនូវសេចក្តីសុខសាន្តនៅកណ្តាលព្យុះភ្លៀងនៃជិវិត ។ សូមអានអត្ថបទនៅក្នុងច្បាប់នេះដើម្បីស្វែងរកពីរបៀបដែលព្រះអង្គសង្រ្គោះអាចជួយបងប្អូន ស្វែងរកការប្រឈមរបស់បងប្អូន ។
ការពិភាក្សាអំពីដំណឹងល្អ
ព្រះអង្គសង្រ្គោះត្រៀមប្រទានសេចក្តីសុខសាន្តនៅក្នុងគ្រាដ៏លំបាកជានិច្ច
សូមអានអត្ថបទរបស់អែលឌើរ អុជដូហ្វ ជាមួយគ្រួសាររបស់បងប្អូននៅទំព័រ ទី ៤ អំពីរបៀបដែលការទុកចិត្តលើព្រះចេស្តាដែលអាចធ្វើទៅបានរបស់ព្រះគ្រីស្ទ អាចផ្តល់សេចក្តីសុខសាន្តនៅក្នុងស្ថានភាពដ៏លំបាកនេះ ។ សូមពិភាក្សាជាមួយគ្នានូវរបៀបមួយចំនួនដែលព្រះយេស៊ូវគ្រីស្ទប្រទានឲ្យនូវការធូរស្បើយ ។ តើបងប្អូន អាចធ្វើអ្វីដើម្បីអញ្ជើញអំណាចរបស់ទ្រង់ឲ្យចូលមកនៅក្នុងជីវិតរបស់បងប្អូនបាន ?
តើបព្វជិតភាពផ្តល់ពរជ័យដល់ជីវិតរបស់យើងដោយរបៀបណា ?
សូមអានអត្ថបទនេះលើ ទំព័រ ២២ អំពីពរជ័យនៃបព្វជិតភាព ។ សូមអញ្ជើញសមាជិកគ្រួសារឲ្យចែកចាយពេលវេលាមួយដែលពួកគេបានទទួលពរជ័យនៃបព្វជិតភាព ។ តើពួកគេមានអារម្មណ៍បែបណាខ្លះ ? តើពរជ័យទាំងនេះបានជួយពួកគេដោយរបៀបណា ? តើមានពរជ័យមួយណាដែលអាចជួយសមាជិកគ្រួសារឥឡូវនេះដែរឬទេ ?
ព្រះអម្ចាស់ប្រើប្រាស់ព្យាការីរបស់ទ្រង់ដើម្បីជួយយើងបណ្តុះបណ្តាលភាពក្លាហាន
នៅក្នុងអត្ថបទនេះនៅលើ ទំព័រ ៣០ អែលឌើរ ស៊ីកាហេម៉ា មានប្រសាសន៍អំពីរបៀបដែលការធ្វើតាមការបង្រៀនរបស់ព្យាការីបានជួយដល់លោក ឲ្យឈររឹងមាំក្នុងជំនឿ និងបទដ្ឋានរបស់លោកអំឡុងការងាររបស់លោកជាកីឡាករបាល់ឱបអាមេរិក និងពេញមួយជីវិតរបស់លោក ។ បន្ទាប់ពីអានអត្ថបទនេះ បងប្អូនអាចឲ្យសមាជិកគ្រួសាររបស់បងប្អូនចែកចាយពីគ្រាដែលនៅពេលធ្វើតាមព្យាការីបានជួយពួកគេមានសេចក្តីក្លាហាន ។
ចូរមកតាមខ្ញុំ ការកម្សាន្តសប្បាយប្រចាំគ្រួសារ
ការរីកចម្រើន ការលូតលាស់ជារៀងរាល់ថ្ងៃ
ក្នុងនាមជាសមាជិកនៃសាសនាចក្រដែលបានស្តារឡើងវិញរបស់ព្រះយេស៊ូវគ្រីស្ទ យើងទទួលខុសត្រូវដើម្បីជួយឲ្យនគររបស់ព្រះរីកចម្រើននៅលើផែនដី ។ ម៉ាថាយ ១៣:៣១–៣២ សរសេរថា ៖
« នគរស្ថានសួគ៌ប្រៀបដូចគ្រាប់ពូជម្យ៉ាង ដែលមនុស្សម្នាក់បានយកទៅព្រោះក្នុងចម្ការខ្លួន
« គ្រាប់នេះល្អិតជាងគ្រាប់ពូជទាំងអស់ពិតមែន តែកាលណាបានដុះឡើង នោះក៏ធំជាងតិណជាតិទាំងអស់ ហើយក៏ត្រឡប់ជាដើមធំ ដល់ម៉្លេះបានជាសត្វហើរលើអាកាស មកទំនៅលើមែកផង » ។
-
សូមអង្គុយជារង្វង់ ហើយធ្វើឲ្យរួញដូចជាគ្រាប់ស្ពៃខ្មៅ ។
-
សូមឲ្យមនុស្សគ្រប់គ្នាប្តូរវេនគ្នាដាក់ឈ្មោះឲ្យសកម្មភាពមួយដែលពួកគេអាចធ្វើរាល់ថ្ងៃដើម្បីជួយសាសនាចក្ររីកចម្រើន ( ថ្លែងទីបន្ទាល់របស់ពួកគេ ចែកចាយខគម្ពីរនៅលើប្រព័ន្ធផ្សព្វផ្សាយសង្គម ចែកចាយដំណឹងល្អជាមួយមិត្តភក្តិ ។ល។ ) ។
-
រាល់ពេលដែលនរណាម្នាក់លើកឡើងពីសកម្មភាពដែលជួយសាសនាចក្ររីកចម្រើន នោះមនុស្សគ្រប់គ្នាអង្គុយឲ្យត្រង់បន្តិច ហើយបន្ទាប់មកចាប់ផ្តើមក្រោកឡើងរហូតដល់ពួកគេឈរត្រង់ខ្លួនបន្តិច ។
-
សូមពិភាក្សាជាមួយគ្រួសាររបស់បងប្អូនពីមូលហេតុដែលវាសំខាន់សម្រាប់មនុស្សម្នាក់ៗធ្វើចំណែករបស់គាត់ដើម្បីចូលរួមចំណែកដល់ការរីកចម្រើនរបស់សាសនាចក្រ ។