Mga Kustombre sa Lubong sa mga Judeo

Sila si Lazaro, Marta, ug Maria mga managsoon nga nagpuyo sa siyudad sa Betania. Sila mga higala sa Manluluwas, ug Siya mibisita nila sa daghang higayon. Sa usa ka higayon sa Iyang pangalagad, si Jesus mibiya sa Judea, diin nahimutang ang Betania, tungod kay ang mga Judeo nianang dapita nagtinguha sa pagpatay Kaniya (tan-awa sa Juan 10:39–40). Samtang si Jesus anaa sa layo, si Lazaro nasakit, namatay, ug gilubong sumala sa kustombre sa mga Judeo (tan-awa sa Juan 11:1–17).

Mao kini ang pipila sa mga kustombre nga lagmit ilang gisunod atol sa pagkamatay ug paglubong ni Lazaro.

likido nga gibu-bu sa kamot — Inigkamatay sa tawo, ang iyang mga mata ipiyong. Ang lawas hugasan og mga pahumot sama sa nard, mira, ug sabila (tan-awa sa Lucas 23:56; Juan 19:38–40).

mga tawo nga nagbarog kilid sa usa ka lawas nga giputos og panapton — Ang lawas puston og panapton ug dad-on ngadto sa panimalay sa pamilya, diin ang mga paryente ug mga silingan mahimong mobisita (tan-awa sa Mga Buhat 9:37).

lawas nga gikarga sa usa ka butanganan sa patay [litter] — Kasagaran sulod sa walo ka oras nga pagkamatay, ang lawas dad-on sa lubnganan nga gikarga sa usa ka butanganan sa patay aron ang tanang bisita makakita sa lawas (tan-awa sa Lucas 7:12–14). Ang mga babaye ang mangulo sa prosesyon. Ang mga sakop sa pamilya mogisigisi sa ilang mga sapot isip timaan sa ilang pagbangotan.

babaye nga misulod sa abli nga lubnganan — Pipila sa mga lubnganan inukit nga bato (tan-awa sa Mateo 27:58–60). Ang mga lubnganan adunay gamayng agianan aron ang mga tawo moduko inig sulod.

lawas nga naghigda sa bato nga lingkoranan diha sa usa ka lubnganan — Ang lawas ipahigda diha sa lingkoranan nga gihulma gikan sa bato. Ang lubnganan tabonan og dakong lingin nga bato aron dli makasulod ang mga kawatan ug mga hayop.¹

Human sa pagbuhi og balik ni Jesus kang Lazaro gikan sa pagkamatay, ang Iyang mga disipulo nakabaton og gamhanang rason nga molaom imbes magbangotan lang sa pagkawala sa usa ka minahal. Sila dili makalimod niini nga, tungod ni Jesukristo, “ang lubnganan walay kadaogan, ug nga ang kamatayon walay kahapdos” (Mosiah 16:7).