Ang Simbahan Ania Dinhi

Johannesburg, Habagatang Africa

Litrato pinaagi sa Getty Images

Ang unang mga misyonaryo sa Ang Simbahan ni Jesukristo sa mga Santos sa Ulahing mga Adlaw miabot sa Habagatang Africa niadtong 1852. Sa mga tuig nga nanglabay, ang mga miyembro mibuntog sa mga babag sa kaliwat ug kultura aron malig-on ang panaghiusa ug panaghigala. Karon ang Simbahan sa Habatagang Africa adunay:

• 69,400 ka miyembro (bana-bana)

• 17 ka stake, 195 ka ward ug mga branch, 4 ka misyon

• 2 ka templo (Johannesburg ug Durban) ug 1 nga gipahibalo (Cape Town)

Nabulahan tungod sa Ebanghelyo

Gigakos sa iyang apo nga pag-umangkong babaye si Thuto (sa wala) ug sa iyang pag-umangkong babaye si Lizzie Mohodisa (sa tuo), si Dimakatso Ramaisa (sentro) miingon nga ang pagsunod sa ebanghelyo nga magkauban nanalangin sa tulo ka henerasyon.

Litrato pinaagi ni Papama Tungela

Dugang pa mahitungod sa Simbahan didto sa Habagatang Africa

• Usa ka lalaki gikan sa Habagatang Africa mituman sa iyang tumong sa pagtambong sa templo.

• Ang Basahon ni Mormon adunay malungtaron nga epekto sa mga miyembro sa Habagatang Africa.

Ang personal nga pagtuon sa kasulatan mao ang usa ka bahin sa kinabuhi alang sa mga Santos sa Ulahing mga Adlaw sa Habagatang Africa, ingon man alang sa mga Santos sa Ulahing mga Adlaw sa tibuok kalibotan.

Ang pamilya nga pagtuon sa kasulatan mao usab ang taas nga prayoridad alang sa mga miyembro sa Simbahan sa Habagatang Africa.

Duol sa Cape Town, usa ka pamilya ang nagsuroy-suroy sa baybayon, nga ang Table Mountain anaa sa luyo.

Usa ka grupo sa mga babaye nagpundok duol sa Durban South Africa Temple sa wala pa kini ipahinungod.

Usa ka amahan sa Johannesburg, Habagatang Africa, nagtudlo sa iyang mga anak mahitungod sa mga kapanguhaan sa Simbahan nga makita sa online.

Ang Durban South Africa Temple gipahinungod niadtong Pebrero 16, 2020.

Si Elder Ronald A. Rasband ug ang iyang asawa mitimbaya sa mga miyembro human sa usa ka miting sa Habagatang Africa.