Unsaon Nako nga Mahimong Mas Makabig ngadto sa Ebanghelyo?

Diha sa basahon sa Mga-Taga Roma, ang Apostol nga si Pablo nagtudlo nga ang pagkakabig nagkinahanglan og labaw pa kay sa pagtuo. Kita kinahanglan gayod nga molihok inubanan sa hugot nga pagtuo ug maghinulsol sa atong mga sala sa pag-usab sa atong kinaiyahan ug mahimong makabig ngadto sa ebanghelyo ni Jesukristo.

Tulo ka Paagi sa Paglig-on sa Imong Pagkabig

Ipaambit ang imong hugot nga pagtuo sa uban. Ingon usab ang pagtudlo og usa ka konsepto nga makatabang nimo nga mas masabtan kini, ang pagpaambit sa imong pagpamatuod sa ebanghelyo ngadto sa uban makatabang og paglig-on sa imong kaugalingon nga hugot nga pagtuo. Unsa ang usa ka paagi nga inyong ikapakita nga “dili [ninyo] ikaulaw ang Maayong Balita [ni Kristo]” (Mga Taga Roma 1:16)?

Pamalandongi ang kahulogan nga nagpaluyo sa inyong mga buhat. Si Pablo nagtudlo nga ang atong mga buhat nagpakita sa lebel sa atong pagkakabig sa kahiladman (tan-awa sa Mga Taga-Roman 2:21–23, 28–29). Unsaon ninyo sa paghimo og dayag nga mga pagpahayag sa hugot nga pagtuo—sama sa pag-ambit sa sakramento, pagserbisyo sa uban, o pagtambong sa templo—nga mas makahuluganon?

Hinumdomi inyong pakigsaad sa bunyag. Sa dihang kamo nabunyagan, kamo mipakigsaad sa paghinulsol sa inyong mga sala pinaagi sa Pag-ula ni Kristo (tan-awa sa Mga Taga-Roma 6:4–6). Kamo mahimong dili mobati og usa ka lig-on nga pagkakabig ngadto sa ebanghelyo karon, apan matag adlaw usa ka kahigayonan sa pagbag-o sa inyong pakigsaad uban sa Dios ug mahimong mas sama Kaniya. Unsaon ninyo sa pagpakita sa Ginoo nga kamo gusto nga makabig ngadto sa Iyang ebanghelyo?