Dali, Sunod Kanako

1 Mga Taga-Corinto 1–7

Unsaon Nako Pagtratar ang Akong Lawas Sama sa usa ka Templo?

Si Presidente Russell M. Nelson mitudlo:

“Ang gasa sa atong pisikal nga mga lawas dili ordinaryo nga milagro.

“… Ang inyong lawas, bisan unsa ang kinaiyanhon nga gasa, … usa ka templo alang sa inyong espiritu.”¹

Apan usahay atong gisaway ang atong panagway o naghandom nga lahi ang atong mga lawas. Tingali madala gayod kita sa kalibotanon nga mga uso o mga sumbanan nga makaingon kanato nga makalimot kon unsay katuyoan gayod sa atong mga lawas. Kini mga templo alang sa atong mga espiritu ug alang sa Espiritu Santo.

Pagpangita og mga Tubag diha sa 1 Mga Taga-Corinto 6

Ngadto kang kinsa ang akong lawas usa ka templo? (Tan-awa sa 1 Mga Taga-Corinto 6:19.)

Ang akong lawas ba sa akong kaugalingon o sa Dios? (Tan-awa sa 1 Mga Taga-Corinto 6:20.)

Si Presidente Nelson mihatag niini nga tambag:

“Kada higayon nga motan-aw kamo sa samin, tan-awa ang inyong lawas isip inyong templo. …

“Unsaon ninyo pagpili sa pag-atiman ug paggamit sa inyong lawas?

“Unsa nga espirituwal nga mga hiyas ang inyong pilion nga palamboon?”²

Panaghisgotan

Unsa ang inyong mahimo aron sa pagtratar sa inyong lawas nga sama sa usa ka templo? (Hunahunaa ang gipadayag nga giya gikan sa atong Langitnong Amahan, sama sa Pulong sa Kaalam ug sa balaod sa kaputli.)

Pagdiskobre pa og Dugang

Tan-awa ang seksiyon nga “” diha sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022), 22–29.

Mubo nga mga Sulat

1. Russell M. Nelson, “Ang Inyong Lawas: Usa ka Talagsaong Gasa nga Angay Mahalon,” Liahona, Ago. 2019, 52.

2. Russell M. Nelson, “Mga Desisyon alang sa Kahangtoran,” Liahona, Nob 2013, 107.