“Mga Sulat ni Apostol Pablo, Bahin 1,” Liahona, Ago. 2023.
Mga Sulat ni Apostol Pablo
Bahin 1
Unsa ang gitudlo ni Pablo sa iyang unang upat ka sulat?
Paghulagway pinaagi ni Elspeth Young
Mga Taga-Roma
-
Ngadto sa mga miyembro sa Simbahan sa Roma
-
Sinulat gikan sa Corinto sulod sa mga AD 55–56
-
Katuyoan: Aron sa pag-awhag og panaghiusa, katin-awan sa doktrina, ug pag-andam alang sa pagbisita ni Pablo ngadto sa Roma
-
Importanteng mga pagtulon-an: Hugot nga pagtuo, kaluwasan, ug sa pagkahimong mas mahisama ni Kristo bisan sa atong napukan nga kinaiyahan
1 Mga Taga-Corinto
-
Ngadto sa mga miyembro sa Simbahan nga taga-Corinto
-
Gisulat gikan sa Efeso sa mga AD 55–56
-
Katuyoan: Aron sa paglig-on sa mga Santos batok sa pagkabahin bahin ug imoralidad
-
Importanteng mga pagtulon-an: Panaghiusa, espirituhanong mga gasa, gugmang putli, ug pagtukod og usa ka pundasyon diha ni Jesukristo
2 Mga Taga-Corinto
-
Ngadto sa mga miyembro sa Simbahan nga taga-Corinto
-
Gisulat gikan sa Macedonia sa mga AD 55–57
-
Katuyoan: Aron sa pagpadayag og pasalamat ngadto niadtong kinsa mipatalinghog sa iyang nahauna nga mga sulat ug sa paghatag og pasidaan kabahin sa mini nga mga magtutudlo
-
Importanteng mga pagtulon-an: Ang diwa sa balaod, pagbuntog sa mga pagsulay, ug ang awtoridad sa pagsangyaw sa ebanghelyo
Mga Taga-Galacia
-
Ngadto sa mga miyembro sa Simbahan nga taga-Galacia
-
Gisulat gikan sa Macedonia sa mga AD 55–57
-
Katuyoan: Aron itudlo ang mas taas nga balaod sa Dios samtang ang mga Santos mibalik ngadto sa balaod ni Moises
-
Importanteng mga Pagtulon-an: Ang Pag-ula ni Jesukristo, ang bunga sa Espiritu, ug ang makaluwas nga gahom sa hugot nga pagtuo diha ni Jesukristo