“Unsa ang Gipasabot ni Pablo nga ‘ang Espiritu sa Pagkainanak sa Dios’?” Liahona, Ago. 2023.
Dali, Sunod Kanako
Unsa ang Gipasabot ni Pablo sa “ang Espiritu sa Pagkainanak sa Dios”?
A Family Shares [Usa ka Pamilya Nagpaambit], ni Dick Wahl, © Lifeway Collection / licensed from GoodSalt.com
Isip anak sa Dios, kita adunay balaanon nga kinaiyahan, apan kita natawo ngadto sa napukan nga kalibotan. Kita naulipon sa sala. Ang apostol nga si Pablo nagtawag niini nga “ang espiritu sa pagkaulipon” (Mga Taga-Roma 8:15). Sa pagkamangiloy-on, ang Dios naghatag og paagi alang kanato nga makalingkawas. Kon kita mohimo og mga pakigsaad uban Kaniya, kita mahimong gawasnon gikan sa espiritu sa pagkaulipon ug madawat “ang Espiritu nga mohimo kanato nga mga anak sa Dios” (Mga Taga Roma 8:15).
Ang Espiritu sa Pagkainanak sa Dios
Sa panahon ni Pablo, ang pagkainanak nagpasabot sa paghingalan sa tawo nga gawas sa pamilya nga mahimong usa ka manunod. Ang inanak [adopted] nga tawo makaapil na dayon ngadto sa bag-ong panimalay, mogamit sa bag-o nga ngalan, ug modawat og kabilin.
Si Pablo naggamit sa hugpong sa mga pulong nga “ang Espiritu sa pagkainanak” isip usa ka analohiya alang sa mga tawo sa pakigsaad sa Dios. Kon mohimo ako og pakigsaad ngadto sa Dios, atong gidala ngari kanato ang ngalan ni Kristo. Pinaagi sa atong mga pakigsaad, kita mamahimong labaw pa kay sa Iyang mga anak. Kita matawag nga “Espiritu sa pagkainanak” ug mamahimong Iyang mga manunod. Kon kita magpabilin nga takos, kita makapanunod sa tanan nga anaa sa Dios (tan-awa sa Doktrina ug mga Pakigsaad 84:38).