Hvernig hjálpar hryggð Guði að skapi okkur við iðrun?

Páll postuli kenndi: „Sú hryggð sem er Guði að skapi leiðir til þess að menn taki sinnaskiptum, … en þegar menn hryggjast að hætti heimsins leiðir það til dauða“ (2. Korintubréf 7:10). Við kunnum að upplifa veraldlega hryggð, skömm og vonleysi þegar við syndgum. Samt, þegar við snúum okkur til frelsarans í iðrun, bjóðum við honum að breyta hjörtum okkar og snúa hryggð okkar í gleði (sjá Alma 36:18–20).

Hryggð Guði að skapi og sönn iðrun

Þegar við finnum hryggð Guði að skapi, gerum við okkur grein fyrir vanköntum okkar og viljum gera betur. Við finnum von um framtíðina – og skynjum elsku frelsarans til okkar.

Hugleiðið þessar spurningar er þið lesið 2. Korintubréf 7:

Hvað þýðir það þegar „hryggð ykkar leiddi til þess að þið bættuð ráð ykkar“? (vers 9).
Hvað gerum við þegar við upplifum hryggð Guði að skapi? (sjá vers 10–11).

Hryggð heimsins eða hryggð Guði að skapi

„Hryggð heimsins rífur okkur niður, kæfir vonina og fær okkur til að láta undan aukinni freistingu.

Hryggð Guði að skapi leiðir til umskiptingar og umbreytingar hjartans. Hún fær okkur til að hata syndina og elska gæskuna. Hún hvetur okkur til að standa upp og ganga í kærleiksljósi Krists. Sönn iðrun snýst um umbreytingu, ekki kvöl eða misþyrmingu. Já, einlæg og sönn eftirsjá vegna óhlýðni er oft sár og mikilvægt skref í hinu helga ferli iðrunar. En þegar sektarkennd leiðir til sjálfshaturs, eða varnar okkur að standa upp aftur, hindrar hún iðrun okkar, fremur en að stuðla að henni.“

Öldungur Dieter F. Uchtdorf, í Tólfpostulasveitinni, „Þú getur það núna!,“ aðalráðstefna, okt. 2013.