“ʻOku Tokoniʻi Fēfē Kitautolu ʻe he Mamahi ʻOku Taau mo e ʻOtuá ke Tau Fakatomalá?,” Liahona, Sepitema 2023.
Haʻu, ʻo Muimui ʻIate Au
ʻOku Tokoniʻi Fēfē Kitautolu ʻe he Mamahi ʻOku Taau mo e ʻOtuá ke Tau Fakatomalá?
Faitaaʻi ʻe Mark Mabry
Naʻe akoʻi ʻe he ʻAposetolo ko Paulá, “He ko e mamahi ʻoku taau mo e ʻOtuá ʻokú ne langaki ʻa e fakatomalá … ka ko e mamahi fakamāmá, ʻokú ne langaki ʻa e mate” (2 Kolinitō 7:10). ʻE lava ke tau ongoʻi ʻa e mamahi fakamāmaní, fakamāʻiá, mo e loto-foʻí ʻi he taimi ʻoku tau faiangahala aí. Ka ʻi heʻetau tafoki ki he Fakamoʻuí ke fakatomalá, ʻoku tau fakaafeʻi Ia ke liliu hotau lotó pea liliu ʻetau mamahí ki he fiefiá (vakai, ʻAlamā 36:18–20).
Mamahi ʻOku Taau mo e ʻOtuá pea mo e Fakatomala Moʻoní
ʻI he taimi ʻoku tau ongoʻi ai ʻa e mamahi ʻoku taau mo e ʻOtuá, ʻoku tau ʻiloʻi ai ʻetau ngaahi tōnounoú pea tau loto ke toe lelei ange. ʻOku tau ongoʻi ha ʻamanaki lelei ki he kahaʻú—mo ongoʻi ʻa e ʻofa ʻa e Fakamoʻuí kiate kitautolú.
Fakakaukau ki he ngaahi fehuʻi ko ʻení ʻi hoʻo ako ʻa e 2 Kolinitō 7:
-
ʻOku ʻuhinga ki he hā ʻa e “mamahi ki he fakatomalá”? (veesi 9).
-
Ko e hā ha ngaahi ngāue ʻoku tau fai ʻi he taimi ʻoku tau ongoʻi ai e mamahi ʻoku taau mo e ʻOtuá? (vakai, veesi 10–11).