“Te u Fakafaingofuaʻi Fēfē ʻEku Moʻuí ke Tokanga Taha kia Kalaisi?,” Liahona, Sepitema 2023.
Haʻu, ʻo Muimui ʻIate Au
Te u Fakafaingofuaʻi Fēfē ʻEku Moʻuí ke Tokanga Taha kia Kalaisi?
Naʻa Nau Mākona Kotoa, tā ʻe Walter Rane; laʻitā ʻo e sioʻata fakaʻata lahí mei he Getty Images
ʻOku akoʻi kitautolu ʻe he ʻAposetolo ko Paulá ke tau tokanga taha ki he “angatonu ʻa ia ʻoku ʻia Kalaisí” (2 Kolinitō 11:3).
Kuó ke fakatokangaʻi nai haʻo ʻai ʻa e ongoongolelei ʻo Sīsū Kalaisí ke faingataʻa ange ʻi hono tuʻunga totonú? ʻOku tau faʻa tokanga taha ʻi he taimi ʻe niʻihi ki he ngaahi fōtunga ʻoku hā ki tuʻá pe fanga kiʻi meʻa īkí ʻo tau kamata ai ke tau ongoʻi lōmekina.
Fakafaingofuaʻi Hoʻo Foungá
Naʻe pehē ʻe Palesiteni Tieta F. ʻUkitofa ʻo e Kōlomu ʻo e Kau ʻAposetolo ʻe Toko Hongofulu Mā Uá, “Kapau ʻe faifaiange peá ke pehē ʻoku ʻikai fuʻu ʻaonga fēfē ongoongoleleí kiate koe, ʻoku ou fakaafeʻi koe ke ke kiʻi tuʻu ʻi ha tuʻunga māʻolunga, ʻo vakaiʻi hoʻo moʻuí, pea fakafaingofuaʻi hoʻo foungá ki he tuʻunga fakaākongá. Tokanga taha ki he ngaahi tefitoʻi tokāteliné, tefitoʻi moʻoní, mo e fakaʻaongaʻi ʻo e ongoongoleleí. ʻOku ou palōmesi atu ʻe tataki mo tāpuakiʻi koe ʻe he ʻOtuá ʻi ho halá ke ke aʻusia ha moʻui ʻoku fiefia angé pea ʻe ʻaonga lelei ange ai e ongoongoleleí kiate koe” (“ʻOku ʻAonga ʻAupito!,” Liahona, Nōvema 2015, 22).
Ko e hā ha tefitoʻi tokāteline, tefitoʻi moʻoni, pe founga ʻo e ongoongoleleí te ke lava ʻo fakatefito ai he uiké ni?