Për Prindërit

Gjetja e Dritës së Shpëtimtarit në Librin e Mormonit

Të Dashur Prindër,

Botimi i këtij muaji jep ide rreth Librit të Mormonit si programi mësimor për Eja, Më Ndiq për vitin 2024. Artikujt më poshtë diskutojnë mbi pika kyç për gjetjen e dritës dhe të së vërtetës në një botë shpesh të mbushur me errësirë e pështjellim.

Diskutimet mbi Ungjillin

Kërkimi i Dritës së Shpëtimtarit

Merrni parasysh të ndani disa ide me familjen tuaj nga artikulli i Presidentit Ajring në faqen 4 dhe të diskutoni mbi rolin që luan ajo dritë në jetën tonë. Shqyrtoni historinë e Kamrinës se si e gjeti Shpëtimtarin në errësirë. Si mund ta gjejë familja juaj dritën e Shpëtimtarit nëpërmjet studimit të Librit të Mormonit këtë vit?

Ku të Kërkojmë për të Vërtetën

Perëndia është burimi i gjithë së vërtetës dhe ne mund ta mësojmë të vërtetën e Tij duke e kërkuar atë me zell. Plaku dhe Motra Silva kishin nevojë të vendosnin se ku të jetonin pasi u kthyen nga misioni, kështu që kërkuan udhërrëfim nga Zoti (shih faqen 20). Kur jua ka dhënë Zoti udhërrëfimin që ju nevojitej?

Shikoni më Shumë në Studimin Tuaj të Ungjillit

Kur vizitojnë një muze arti, njerëzit shpesh nxitojnë të shohin gjithçka munden, duke bërë që me gjasë ata ta humbasin bukurinë e artit. Po kësisoj, lexuesit e Librit të Mormonit mund të humbasin të vërteta të rëndësishme nëse nxitojnë gjatë leximit. Çfarë strategjish mund të na ndihmojnë që t’i hedhim një vështrim të kujdesshëm këtij libri të shkrimit të shenjtë? Shihni faqen 12 për disa ide.

Argëtimi Familjar me Programin Eja, Më Ndiq

Shtegu i Ngushtë e i Ngushtuar

1 Nefi 8; 11; 15

Ngrënia e frutës së pemës së jetës është një simbol i zgjedhjes së jetës së përjetshme nëpërmjet Jezu Krishtit (shih te 1 Nefi 15:36; Doktrina e Besëlidhje 14:7). Provojeni këtë veprimtari për të mësuar se si na drejton shufra e hekurit (fjala e Perëndisë) te kjo dhuratë, më e madhja e Perëndisë.

1. Ngjiteni në mur një figurë të pemës së jetës.

2. Ngjiteni me skoç një fije spango (që përfaqëson shufrën e hekurit) poshtë figurës dhe vëreni dikë që të qëndrojë në anën tjetër të dhomës duke mbajtur skajin tjetër të spangos.

3. Matni se sa kohë i duhet një fëmije me sytë e mbyllur që të ecë nga njëri skaj i dhomës deri te pema e jetës pa u mbajtur te spangoja.

4. Tani matni se sa kohë duhet për të mbërritur te pema e jetës ndërkohë që mbahet te spangoja.

Diskutim: Çfarë mund të bëjmë që të mbahemi te shufra e hekurit dhe të mos e lëshojmë kurrë atë?

Nga Revista Për Forcën e Rinisë 

Tema e Rinisë për Vitin 2024

Njihuni me temën e rinisë për vitin 2024, “Unë Jam një Dishepull i Jezu Krishtit”, me një mesazh nga Presidencat e Përgjithshme të Të Rejave dhe të Të Rinjve dhe një këngë të re rreth temës.

Identiteti Juaj si Dishepull/e

Të rinjtë e të rejat mësojnë rreth identitetit të tyre si dishepuj të Jezu Krishtit duke parë atë që bëjnë dishepujt dhe se si e bëjnë atë.

Jini Si Sami

Shikoni se çfarë mund të mësojmë rreth shmangies së krahasimeve me të tjerët duke studiuar shembullin e vëllait më të madh të Nefit, Samit.

Nga Revista Miku

Ndihmë për Programin Eja, Më Ndiq

Gjeni grafikë leximi, veprimtari javore, histori nga shkrimet e shenjta dhe më shumë për t’i ndihmuar fëmijët tuaj të mësojnë rreth Librit të Mormonit këtë vit.

Mënyra për ta Lexuar Librin e Mormonit

Botimi i këtij muaji përfshin histori të fëmijëve që gjejnë mënyra të pashoqe për ta lexuar Librin e Mormonit. Kërkoni për këshilla që t’ju ndihmojnë ta përmirësoni studimin tuaj familjar.

Ndjekja e Jezusit në Tajlandë

Njihu me Panian dhe mëso se si e ndjek ajo Jezusin. Pastaj vazhdo të lexosh për të mësuar më shumë rreth Tajlandës.

Këshilla për Vendosjen e Synimeve

Përdorini sugjerimet te pjesa “Për Fëmijët më të Mëdhenj” që t’i ndihmoni fëmijët tuaj të vendosin synime për programin “Fëmijët dhe Rinia”.