iTukutuku ni Siganimate ni Mataveiliutaki Taumada

Oqo na Vuna Au sa Lako mai Kina, mai vei Yongsung Kim, e lolomataka o Havenlight

Ena gauna ni Siganimate oqo, keitou sa sureti kemuni mo ni vakasamataka vakatitobu na isoro veisorovaki ni iVakabula kei na Tucaketale lagilagi, ka sa vakalougatataki keda kece.

Mai vua na noda Dauveivueti, o Jisu Karisito, eda sa ciqoma kina na itukutuku ni inuinui oqo “Dou na kunea e vuravura na rarawa: ia mo dou vakacegu; au sa vakamalumalumutaki vuravura” (Joni 16:33 Sa yalataka na iVakabula ni da muria na Nona ivakaro kei na cakacaka vakalotu, eda na rawata “na vakacegu ena vuravura oqo, kei na bula tawamudu ena vuravura sa bera mai” (Vunau kei na Veiyalayalati 59:23).

Eda vakadinadinataka ni sa bula tiko o Jisu Karisito! “Sa tu cake tale” (Maciu 28:6). Ena Vukuna, eda sa rawa ni dusimaki ka vaqaqacotaki ni da sa vosota na icolacola eda sotava ena bula oqo. Mai na noda vakabauta na isoro ni veisorovaki ni iVakabula, ena sega ni rawa ni tarovi keda na ivesu ni ivalavala ca kei na veivakatovolei eda sotava ena bula oqo ena sega na kena kaukauwa me rawai keda. “Sa sega kina na kaukauwa ni ibulubulu ka sa tiloma ko Karisito” (Mosaia 16:8).

Na Mataveiliutaki Taumada