Nodra na iTubutubu

Eda Tukuni Karisito

e dabe toka ena dua na teveli e dua na marama tina kei ira na luvena

iVakatakilakilla ni ka e lolomataki se soli vakadinau

Kemuni na iTubutubu Lomani,

A vakavulica o Nifai vei ira na nona tamata na kena bibi me ra vakaliuca na Turaga ena noda bula. A vola oqo, “Ia eda veivosakitaki Karisito, eda reki ena vukui Karisito, eda vunautaki Karisito, eda parofisaitaki Karisito, ka eda sa volavola me vaka na noda parofisai, me rawa ni ra kila kina na noda kawa na ivurevure mera rai kina me bokoci kina na nodra ivalavala ca” (2 Nifai 25:26 E rawa ni o railesuva na itukutuku oqo kei na nomu matavuvale me dusimaki ira kei ira tale eso o sa lomana ki na kosipeli i Jisu Karisito, ki na Nona veidusimaki, kei na ivakavuvuli vuku ena vukei keda meda vakasaqarai Koya ena dua na vuravura veimedreyaki, ni gauna oqo.

Veitalanoataki ni Kosipeli

Na Kosipeli i Jisu Karisito e Baleti Keda Kece

Era gadreva na tamata kecega na inuinui kei na veivueti sa vakarautaka na kosipeli kei na Veisorovaki i Jisu Karisito. Veivosakitaka kei na nomu matavuvale eso na ivakavuvuli mai na itukutuku nei Elder Jeffrey R. Holland ena sala o rawa ni loloma, wasea, ka sureta kina e dua me taura ka ciqoma na kosipeli i Jisu Karisito (raica na tabana e 4).

iVakavuvuli Vuku ni Kena Vakayagataki na iTukutuku Raraba

Na tekinolaji kei na itukutuku raraba era sa iyaya veivukei sara vakalevu ni vakayagataki vakadodonu. Railesuva eso na ivakavuvuli veidusimaki ena tabana e 22 ka veivosakitaka na ivakatagedegede ni nomu matavuvale ena kena vakayagataki na itukutuku raraba. Ni o vakayagataka na “taro me vakasamataki vakatitobu,” raica na veika sa lako vinaka tiko kei na kena me na vakavinakataki cake.

Muria na iVakabula ena Vakabauta

Ena nona itukutuku ena tabana e 40, e wasea kina o Elder Benjamin M. Z. Tai e va na sala ena vukei keda kina na iVakabula. Ni oti nomu railesuva na veika oqo kei na nomu matavuvale, veivosakitaka na sala o sa vukei kina ena nomu muria na iVakabula ena vakabauta.

Lako Mai, Mo Muri Au Lasa Vakamatavuvale

Kunei Karisito ena Ka Kecega

2 Nifai 11:4;

E vinakata o Nifai me ra vakabauti Jisu Karisito na nona tamata ka raica ni lawa i Mosese a dusimaki ira vua na iVakabula. A vakavulica, “ Na veika kece sa solia na Kalou vei ira na tamata, mai na ivakatekivu kei vuravura, sa vakatakilakilataki Koya. ”

Na ibulibuli ni Kalou e rawa ni dusimaki keda vei Jisu Karisito kevaka e sa dei tu vua na noda vakanamata. E dau taleitaka o Nifai me vakavulici ira na nona tamata baleti Jisu Karisito kei na sala e dusimaki ira kina vua na lawa i Mosese.

Veivosaki: E rawa vakacava ki na ivakatakarakara ena gauna oqo ni Siganimate sa “vakatakilakilataki” Karisito?

iVakaraitaki—Yaloka: iVakatakarakara ni bula vou. E veivakananumi kina vei keda na bula vou ena tucaketale. Vakakina, ni sa vakavorotaki me tadola, sa rawa ni vaka e dua na ibulubulu lala, na ivakatakarakara ni ibulubulu lala i Karisito.

Lami:

Lily se senikau:

Na ivakarau cava tale eso ni Siganimate e tiko ki na nomu matavuvale e vakatakilakilataki Karisito?

Vakarautaki mai vei Becca Aylworth Wright

iyaloyalo kei Jisu Karisito

Mai na Mekasini Me iSakisaki ni Tabagone 

Na ilavelave ni vula oqo e dua na ilavelave bibi ena itoko “O Jisu Karisito sa iSakisaki ni iTabagone.”

Wilika e dua na itukutuku mai vei Elder Jeffrey R. Holland me baleta na sala era rawa ni kunea kina na itabagone yadua na kaukauwa vei Jisu Karisito.

Raica na itukutuku me baleta na sala e vakaukauwataki keda kina na iVakabula mai na lomaocaoca, rarawa, ivalavala ca, madua, malumalumu, vakavuravura, kei na nuiqawaqawa, vakakina na itukutuku eso me baleta na Nona vakaukauwataki keda meda veiqaravi, vakavakarau, ka yaco meda vakakina.

Marautaka na ivolakabi veivakauqeti kei na cakacaka ni liga baleta na iVakabula.

Mai na Mekasini na iTokani

Marau ni Siganimate!

Vakaraica na italanoa kei na itaviqaravi me vukea na nomu matavuvale me tiko e dua na Siganimate vakaibalebale, ka kena itakele na Karisito.

Vakavakarau ki na Koniferedi Raraba

O sa nanamaki tiko beka mo sarava na koniferedi ena vula mai oqo? Na iTokani ni vula oqo e tiko na kena itaviqaravi vei ira na luvemu me ra cakava ni ra vakarorogo tiko.

Taqomaki Tiko ena Initaneti

Wilika e dua na italanoa me baleta e dua na goneyalewa a vakila vua na veivakauqeti ni Yalo Tabu me tarova nona sarava na vidio ca. Ena rawa ni o kunea e levu cake na ivurevure ni veitaqomaki ena Friend.ChurchofJesusChrist.org.

Vuli mai na iVola i Momani

Vakaraica na itaviqaravi vakamacawa, italanoa vakadroini ni ivolanikalou, kei na vuqa tale me vukea na kena marautaki na vulici ni ivolanikalou vakamatavuvale.