Lako Mai, Mo Muri Au

2 Nifai 11–19

Na Cava a Yaco tiko ena Gauna i Aisea?

A vakauqeti o Nifai me wasea e vuqa na vosa nei parofita o Aisea. Na kena kilai vakamatata na ituvaki vakavanua kei na veika vakapolitiki mai na parofisai nei Aisea ena rawa ni vukei iko mo raica donu na ivakatakarakara a vakayagataka o koya me parofisaitaka kina na nona gauna kei na noda siga.

Na mape oqo e vakaraitaka na veimatanitu ena gauna nei Aisea. E rawa ni o vakayagataka mo vakamuria voli na veika sa tukuna tiko o Nifai mai na vosa nei Aisea. E rawa ni tukuna tiko o Aisea e dua na vanua ena vuqa na sala: ena yacana, koro turaga, yavusa taumada ni Isireli, iliuliu vakapolitiki, se so tale na ivakatakarakara. Raica na ivakamacala e ra ena ivolanikalou me baleta na vakasama tale eso.

1. Siria

• Koroturaga: Tamasiko

• Vukei Isireli me valuti Juta ni sega ni tovata mai me valuti o Asiria

• iLiuliu: Risina ( raica na 2 Nifai 17:1, 4, 8)

2. Isireli

• Matanitu ena Vualiku

• Koroturaga: Samaria

• Yavusa e Vaka Liuci: Ifireimi (raica na 2 Nifai 17:8–9) se na “yavusa era yali”

• iLiuliu: Peka, luvei Rimalaia (raica na 2 Nifai 17:1, 4, 9)

3. Juta

• Matanitu ena Ceva

• Koroturaga: Jerusalemi

• Yavusa e Vaka Liuci: Juta (raica na 2 Nifai 13:1, 8; 15:3, 7)

• iLiuliu: Easi, na “mataqali i Tevita” (2 Nifai 17:1–3)

4. Asiria

• Kaukauwa ni Mataivalu ena gauna nei Aisea

• A vakadrukai Siria, Isireli, ka vakakina o Juta taucoko vakavo ga ko Jerusalemi

• Veiseyaki na mataqali e tini

• E muri a qai valuti mai vei Papiloni

• iVakatakarakara ni viavialevu kei na nodra vakarusai na daucakaca ena iKarua ni Lako Mai (raica na 2 Nifai 20)

5. Papiloni

• A vakadrukai Asiria kei Juta

• Cemuri ira na Jiu mai Jerusalemi

• iVakatakarakara kei vuravura kei na kena ca