“Peran n̄an Kwaļo̧k Ta eo Eaorōk Ippa,” Liaona, Juļae 2024.
Peran n̄an Kwaļo̧k Ta eo Eaorōk Ippa
Ļoore waanjon̄ak eo an bisop eo aō im kōrā eo ippān, Ikar kōm̧m̧ane juon aō kōttōpar n̄an kwaļo̧k kōn juon Bok in Mormon ilo aolep tūreep ko an cheerleader Ij būki.
Rūttoļo̧k, em̧m̧an ippa lale elmen an bao lo̧lo̧ ko nejin jibū aiinitok tokki ko nejier ium̧win pein ilo iien ļan̄ ko n̄an kakkoņ er im oņaake. Pija in ekar jino ļapļo̧k an aorōk ippa ālkin aō kar riiti ilo Bok in Mormon eo (lale 3 Nipai 10:4–6). Āinwōt juōn rūm̧m̧an ded, bisop eo aō im kōrā eo ippān, ro eļap aer ito-itak kōn peejnej eo aer, kar ba n̄an n̄a ke rej kwaļo̧ke juon Bok in Mormon ippān jabdewōt armej ilo aolep tūreep ko rej būki.
Menin ekar lukkuun un̄ur eō. Iaar nepar er, im waanjon̄ak ko aer raar lukkuun un̄n̄ūr būruō. Iaar pepe ippa eļan̄n̄e ebar wōr juon aō iien ito itak likin Utah, USA, Ij maron̄ ļoore waanjon̄ak eo aer im kwaļo̧k kōn juon Bok in Mormon kajjojo iien.
Āinwōt juōn ritōl an rippinik n̄an Brigham Young University, emmakijkij aō ito-itak ippān tiim in rippinik eo. Mokta jentūreep eo aō, iaar wiaik juon aō Bok in Mormon im je naan in kam̧ool eo aō ie. Iaar kōnaan ejaake peran in n̄an kwaļo̧k ta eo eaorōk ippa ippān ro jet: naan in kam̧ool eo aō im Bok in Mormon eo. Iaar kōnaan āinwōt bisop eo aō im kōrā eo ippān. Iaar kōnaan āinwōt Jisōs Kraist. Iaar kōnaan jipan̄ aiinitok ro jet im jipan̄ er n̄an itok n̄an Ippān.
Em̧ōkaj aō kar ekatak n̄e ij jar m̧okta jen tureep ko aō kajjojo bwe en tōl ļo̧k n̄an ippān juon ekar aikuji menin, juon armej emaron̄ jāde tok ilo iien eo ejim̧we im jikin eo ejim̧we n̄an aō kwaļo̧k kōn Bok in Mormon eo lukkuun piktokin im pidodoin. Eļļak ļapļo̧k aō kōm̧m̧ane, epidodo aō jino in kwaļo̧ke. Tūreep kein aō raar jino ļapļo̧k an ļap meļeļier n̄an n̄a. Ij iienotemjej iruj lo̧jieō in loe eo telokin bōk kōjeraam̧m̧an an Jemedwōj Ilan̄ kōn kallim̧ur in ekwojarjar kōn Kraist.
Ke iaar ito-itak, iaar kōļmenļo̧kjeņ, “Ia eo in etal n̄an lo juon eo Jemedwōj Ilan̄ ej jilkintok e n̄an eō iien in? Ta eo imaron̄ ba n̄an ļeo ak lieo n̄an kwaļo̧k kōn jon̄an aorōk eo an Bok in Mormon eo n̄an n̄a?” Ļōmņak im kōm̧m̧an ko aō raar pedped wōt ilikin aikuj ko aō make im menin kam̧ōņōņō ko, im iaar en̄jake eļapļo̧k iakwe n̄an aolep ro iaar ioon er. Iaar kajjieon̄ in kalimjōk er ilo mej ko mejān Rilo̧mo̧o̧r eo. Ikar jar kōn er n̄an bōk menin letok eo ekwojarjar me Jemedwōj Ilan̄ ekar jilkintok ñan eō n̄an leļo̧k n̄an er.
Iaar būrom̧ōj ke iiō in senior eo aō eaar itok n̄an juon jem̧ļo̧k Ekar juon ettōņak bwe in juon cheerleader n̄an BYU. Imaron̄ kar bōk limoin ekkatak ripinik jekdo̧o̧n ta, ak kōn iien eo em̧m̧an n̄an kwaļo̧k kōn Bok in Mormon ilo kajjojo tūreep in pinik ekar kōkm̧anm̧anļo̧k mour eo aō, ilo wāween ko jab jeļā kaki.
Kwaļo̧k kōn Bok in Mormon eo eaar juon wāween eo earōk im epidodo n̄an kakobaiktok bar juon alen meļ ewōr meļeļein n̄an aō ekkatak ilo university. Ijeļā bwe armej ro me iaar kwaļo̧k kōn Bok in Mormon ippāer kar tōl n̄an bōke menin. Ij bareinwōt jeļā bwe n̄an an kōppaļpaļ āje mour in aō, Jemedwōj Ilan̄ eaar āje juon iakwe im eļap tūriam̧okake: E ekar kōtļo̧k aō en̄jaake iakwe eo An n̄an ro Nejin ilo juon wāween aolep tūreep ij būki.
Ālkin aō kar kadiwōjļo̧k, ikar pepe ippa ke inaaj wōnm̧aanļo̧k wōt im pukote juon eo me imaron̄ kwaļo̧k aō naan in kam̧ool n̄an e. Aolep iien, Iaar ejaake eļapļo̧k maron̄ aenōm̧m̧an n̄an kwaļo̧k aō naan in kam̧ool. Iaar ekkatak jab bar mijak in kwaļo̧k e menin. Ijelā ke aolep remaron̄ jino aer jokane ļo̧k in kwaļo̧k aer naan in kam̧ool aer kōn kaminene im jān kajjitōk jipan̄ ekwojarjar.
Kāālet n̄an ļoor waanjon̄ak ko an bisop in em̧m̧an im kōrā eo ippān ekar kōm̧m̧an bwe aō mour en lapļo̧k meļeļein ilo elōn̄ wāween ko. Ekar katakin eō n̄an loe bwe Irooj ejeļā kōn kajjojo ro Nejin. E ej iakwe kōj im ej kijōrjōr in aiintok kōj ilo Pein. Ej juon kōjeraam̧m̧an n̄an meļeļe bwe annan̄ eo eaiboojoj E ejj kōjerbale ilo An kōmeļeļeik An aiintok. E ej aiintok kōj āinwōt an lo̧lo̧ eo aiintok tokki ko nejin n̄an kōjparok er.
Rijeje eo ej jokwe ilo Utah, USA.