“Ānbwinnum̧: Kōjparok Menin Letok in Ekwojarjar,” Liaona, Juļae 2024.
Ānbwinnum̧: Kōjparok Menin Letok in Ekwojarjar
Ānbwinnid rej menin letok ko jān Anij im ej tampeļ ko n̄an jetōb ko ad, bōtaab ej bōk n̄an make-jelā im katak n̄an kaajiriri im kōjparoki ilo jejjet.
Epidodo n̄an jab kam̧oolol kōn ājmour eo ad—ej bwe, m̧ae 10 koļa ilo juōn raan, mour in mejjeeļ, im juon jabwe in kiki jab ājmour. Ak bōlen kōjekdo̧o̧n e kāālet ko an ājmour jej kōm̧m̧ani, juon armej jab ājmour ilo an ļōmņak emaron̄ in im ājmour ej waļo̧k an apan̄ ļo̧k.
Eoktak jon̄ak in ājmour ko adwōj ilo ānbwin bwe jejjab maron̄ dāpiji. Bōtaab juon men em̧ool: karōk eo an Anij ej n̄an kūr kōj n̄an kōkm̧anm̧anļo̧k ta eo jekar bōke kar letok. Ilo kōm̧m̧ane kōn menin ej aikuji ejja wōt katakin-eok make- eo im wujlepļo̧k eo jej aikuji n̄an kaajiriri ad ājmour ilo jetōb. Meļeļein bwe kamineneik piktokin taip in mwilid n̄an jijet ijeļo̧kin ettōr, m̧ōn̄ā tōn̄al ijeļo̧kin vegetable, im emmej ijeļo̧kin kiki.
Ilo ad kappukot im̧we n̄an kōkm̧anm̧anļo̧k ad mour ilo ānbwin im ilo ad ejaake make-ājmour n̄an dāpiji, jenaaj lo eļapļo̧k kajoor n̄an jerbal n̄an Anij im n̄an lo m̧ōņōņō.
Ānbwinnemi Ej juon Tampeļ
An ko rej eddekļo̧k n̄e jetōb im ānbwin rej em̧m̧an kōjpāroki. “Im jetōb im ānbwin rej an eo an armej” (Katak im Bujen Ko 88:15 Kakkobaba ilo enaan in, Bureejtōn Russell M. Nelson eaar katakin bwe jim̧or ānbwin im jetōb “elukkuun ļap aer aorōk. Ānbwinin kanniōk eo am̧ ej juon menin kōm̧anm̧an ekabwilōn̄lōn̄ an Anij. Ej tampeļ eo An im bareinwōt am̧ im aikuj kōjpārok e ilo kautiej.”
Ilo an 99 iiō rūttoon, Būreejtōn Nelson ej wōnņaanļo̧k wōt in kōm̧m̧ani eddo ko an āinwōt juōn Būreejtōn an Kabun̄ in, ilo an kwaļo̧k ke jet iien ej kōjerbale juon kein etetal n̄an peļan e im kiiō ekōņaan bōkļam̧leļo̧k an kenono ilo iien kweilo̧k ko reļļap ilo an jijjet. “Jān iien n̄an iien, ij apan̄ jiddik kōn peļan,” eaar jeje ilo social media peij eo an ilo Māe 2023. “Ij ļak lale ijjab aikuj in ilbōk n̄e apan̄ dikdik ko i rej waļo̧k āinwōt ke epaak aō jibuki. Kam̧oolol bwe, em̧m̧an aō menono, aō jetōb ekajoor jān ne kā neiō, kōmelij e aō ej jerbal wōt.”
Būreejtōn Nelson ebun̄bun̄ kōn an kate kamineneiki an ājmour im emourur wāween an mour. Ekar baj wōt em̧m̧an kāān, ej kate jerbal n̄an pād wōt ilo jekjek ne. Ej kōmouruur aolep raan, im ekōņaan pād ilo m̧akūtkūt ko nabōj. Ilo iien in ej 90s, eaar jabōļ jiņo jān jikin etetal ko in m̧weeo m̧ōn im m̧ōn armej eo iturin, kar bwili nabōj ļo̧k nien kopej ko an n̄an kūraaj ko im kar jerbal ilo iaat eo an. M̧ae iien e eaar jino Būreejtōn eo an Kabun̄ in, e ej ski n̄e elōn̄ an iien.
Kōļapļo̧k Katakin-Eok Make
Jej jeļā men ko repidodotata kōn em̧m̧an in ājmour ko ad:
-
Kōmourur aolep ien.
-
Kabwe iien kiki.
-
Kan̄i mōn̄ā ko eļap ōnier.
-
Dāpij juon jon̄an eddo ājmour.
-
Kōjparoke jān inepata.
Mōttan eo epen tata ne jej kōm̧m̧ane āņbwinid n̄an kōm̧m̧ani ta ko jetōb ej jeļā bwe e aikuji. Ekkar n̄an Būreejtōn Nelson, juōn iaan melijon̄ ko an mour in ej kōjparok an ānbwinid mattie jān jetōb eo me ej pād ilowaan:
“Setan ejelā kōn kajoor in mattie ko ad. Kōn menin, ej kapoiki kōj bwe jen m̧ōn̄ā men ko jejjab aikuj m̧ōn̄ā, n̄an idaak men ko jejjab aikuj idaak. …
“n̄e jej m̧ool in jeļā kōn men kōn paoktok eo ad ekwojarjar, jej naaj kōnaan kōjparok kōnaan ko ad. … Ilo jar kajjojo raan, jenaaj kam̧oolol ilo ad kile [Anij] āinwōt ad Rikōm̧anm̧an im kam̧m̧oolol E kōn aiboojoj eo ad ānbwinin tampeļ eo ad make. Jej aikuj tōlarōke im kaorōke menin āinwōt ad make menin letok jān Anij.”
Kaajiririk Kam̧m̧oolol im Pukōt Lan̄lōn̄ ilo Ānbwin eo Anij Eaar Letoke n̄an Kōj
Ke eaar 27 iiō rūttoon im āinwōt juon jinen jilu ajri, Iaar nan̄inmej in kūrro, juon nan̄inmej me ej kakkure mo̧kwōj ko aolep iien. Liineaar jaje en ta ilo ānbwinn im ilo ilo kōmālij. Iaar oktak ļo̧k n̄an Anij bwe en jipan̄ ilo bar bōktok jokkun wōt juon kōmālij im ājmour eweepān Ikar bōke m̧okta.
Iaar pukot jipan̄ jān juon taktō in kōmālij kōn aō ikumkum. Ikar jerbal ippān juōn taktō in kūrro kōn uno ta ko n̄an bōki im remaron̄ kejerbali barāinwōt. Ikar jab ebbweer. Ālkin elōn̄ iiō ko im eļap metak, aō ājmour eaar em̧m̧anļo̧k ilo ānbwin im kab ilo kōmālij.
Ij keememej juōn ālkin rāelep ke iaar tallōn̄ im eļļā jān juon meļaaj eobrak kōn elōn̄ wūt ko n̄an juōn lake ilo juon toļ. Ilo an to̧o̧r dān jan̄ meja, ikar kam̧m̧oolol Anij kōn an kōjeraam̧m̧an ānbwinnū im kōn aō maron̄ bōk kuņao ilo juon makutkūt iaar ļōmņak eaar jako. Ejjeļo̧k kein kōmour n̄an jekjek eo aō, im nan̄inmej eo eaar bōke ļo̧k juon jerbal in loļo̧kijen ilo ānbwinnū. Ak tallōn̄ im exercise rej men ko relukkuun em̧m̧an ippa, im ijjab kijon̄ kōm̧m̧an kōjak kōn mour in aō.
Ijelokin aō jab lukun jelā makūtkūt, iar jerbal kiiō āinwōt juōn mijen an rūtto ippān ļeo ippa ilo Washington, USA (me ej juon jikin tallōn̄ elap!). Ij kamolol bwe iar maron̄ in jerbal ilo aolepen aō mour ilo eiten aolep kūr ko repeļļo̧k an Kabun̄.
Āinwōt Bureejtōn Nelson eaar ba: “Jen maron̄ ke bar kamolol kōn kōjeraam̧m̧an eo an juon ānbwin ekabwilōn̄lōn̄, juon kōmanman eo elukun lap an Jemed Ilan̄. An lukkuun ļap āinwōt ānbwinnur, ejjab jem̧ļo̧k eo in n̄an e. Ej juōn karōk eo eaorōk an karōk in m̧ōņōņō in elap an Anij n̄an ad wōnm̧aanļo̧k ejjeļo̧k jemļo̧kin.”