“Aō Eaar Jan̄nuwaad n̄an Pād Ijo,” Liaona, Juļae 2024.
Ainikien Armej ro Rekwojarjar ilo Raan Ko Āliktata
Aō Eaar Jan̄nuwaad n̄an Pād Ijo
Juōn bwebwenato ilo jeje ko rekwojarjar emman eaar itok āinwōt juon uwaak kin aō kōnan kepaake ļo̧k Jemedōwōj Ilan̄ im Nejin.
Itok eo An Kein Karuo, jān Harry Anderson
Ikar itok n̄an tampeļ juon raan kōn juon kajjitōk ilo būruwō: “Jemedwōj Ilan̄, ej et aō pād ilo gospel in?”
Likjab ko aō raar kanooj eddodo ilo wiik eo. Āinwōt Nipai, iaar eddodo kōn jerawiwi ko aō im raar kaenepataik eō. Bōtaab, āinwōt kar Nipai, Ijeļā wōn eo iaar lōke. (Lale 2 Nipai 4:18–19.) Iaar kōtmene n̄an joļo̧k jidik iien ilo m̧weeo im̧ōn Irooj me enaaj kar jipan̄ eō epakeļo̧k kōn en̄jake eo iaar en̄jake.
Iaar lukkuun ron̄jake m̧wen̄an in endowment eo im kar en̄jake kam̧m̧ool kōn kajoor im jeļāļo̧kjeņ ko kar letok n̄an eō. Ak ke iar relon̄lok ilo selestial ruum̧ eo ilo tampeļ, būruō ar lukkuun eddo wōt. Elmen aō maron̄ jeļā ia ij jutak ippān Irooj?
Iaar jijet im kōļmenļo̧kjeņ jejjo minit innem, kar en̄jake ilo an ejjeļo̧k uwaak, iaar jino bar jutak. Ak juon men eaar kajijet eō, lukkuun jijetļo̧k ilo kawuj eo. “Ijjab kōnan etal,” ikar ļōmņak.
Iaar reito-reitak ilo ruum̧ eo im lo pijain Jisōs Kraist an kar jepooļ kōn enjeļ ro, ilo an Pein erļo̧ke tok n̄an eō. Ij ron̄ naan ko ilo juon iaan eoon eo em̧m̧an tata ippa ilo jeje ko rekwojarjar: “Aō eaar jan̄nuwaad n̄an pād ijo” (see Alma 36:22).
Emakijkij aō ļōmņak eoon in eaorōk ilo bwebwenato eo an Alma. M̧oktaļo̧k, kōn wōt jerawiwi ko an, ļōmņak kōn an naaj jutak im̧aan mejen Anij ekōm̧m̧an menin an Alma “kōn lōļn̄o̧n̄ epen kōmmeļeļeiki” (Alma 36:14). Ak ālkin an kar oktak n̄an Kraist, eaar lo Anij jebool jān anjel ro rej kapool e, im “an eaar jan̄nuwaad n̄an pād ijo.” Oktak ko an jeje ko rekwojarjar ilo n̄a raar lukkuun iien otemjej aiboojoj. Jerbal in kijejeto jidik eo an Alma n̄an reilo̧k n̄an Irooj eaar ļap an jelet būruōn.
Iaar kile ke iaar jab pojak in etal jen selestial ruum̧ eo ilo tampeļ kōnke, āinwōt Alma, aō eaar jan̄nuwaad n̄an pād ijo-jimor ilo tampeļ eo raan eo im ippān Jemedwōj Ilan̄ im Jisōs Kraist ilo m̧weeo imō ilan̄. Jetōb Kwojarjar eaar kōjerbale eoon eo em̧m̧antata ippa n̄an kwaļo̧k n̄an n̄a ke Anij ejeļā būruwō. Kar kakeememej eō bwe jekdo̧o̧n likjab ko aō, Irooj eaar bōk kijejeto ko aō n̄an kepaak E. E jeļā ke aō eaar jan̄nuwaad n̄an pād ijo.