“Jab Likjab Jān Jerbal in Mijen an Rūtto,” Liaona, Juļae 2024.
Rūttoļo̧k ilo Tiljek
Jab Likjab Jān Jerbal in Mijen an Rūtto
Bujen ko ad rej kūr kōj n̄an jerbal n̄an doon, jutak āinwōt juon rikam̧ool an Anij, im kainōm̧m̧an ro rej aikuj aenōm̧m̧an. jerbal āinwōt juon mijenede erūtto ej juon wāween n̄an kakūr m̧ool kūr kein, kōjeraam̧m̧an mour ko ad make im ro jej jerbal n̄an er.
Ewōr 34,000 mijenede ro rerūtto rej jerbal aolep-raan ak pād ilo jerbal in mijen ko kiō, āinwōt ro mōttāer rediklok, rej bar lo elap lan̄lōn̄ ilo ial in. Ro rejjan̄in m̧are im ro ewōr belleir remaroñ jerbal in mijenede ro rerūtto ilo elōñ kain jerbal ko.
Im aikuj kein relukun ellap Ilo kar Oktoba 2023 Kweilok eo Elap, Elder Ronald A. Rasband jen lo Doulul eo an Joñoul Ruo Rijilōk ro ar rōjan̄ membōr ro rerūtto bwe ren ļōmņak in jerbal in mijenede an rūtto. Eear kajitōk: “‘Ta eo kwoj madjake ilo tōre jab in ilo mour eo am̧?’ Ekanooj lōn̄ wāween ko mijenede ro rerūtto remaron̄ kōm̧m̧ane me ro jet reban. Komij jet ro relukun em̧m̧an n̄an men ko rem̧m̧an,n̄an jerbal ilo Kabuñ in,n̄an lelok peran im kōjparok ajri rein nejin Anij.”
Kōmeļeļe elmen kar kūr mijenede ro rerūtto, Būreejtōn Russell M. Nelson ar ba: “Elukun bool kain im elap jerbal me rem̧m̧an n̄an mijenede ro rerūtto. Kūr ko aer n̄an jerbal rej kōm̧m̧an kar jar im lukun lale ekkar n̄an ta jerbal ko aer, kajjin ta ko rejeļā, im men ko me rejeļā kōm̧m̧ani. Ilubwiljin aolep men ko rejelā kōm̧m̧ani, juon ikdeelel n̄an jerbal emaroñ men eo eaorōk tata.” E ej bar kōmeļeļeik kōn men ko mijenede ro rerūtto remaroñ kōm̧m̧ani āinwōt “ejelok emaroñ bar kōm̧m̧ani.”
Jet iaan mijenede ro rerūtto rej jerbal lo opiij eo an mijen eo ak ippen BYU-Pathway ak jerbal in jipañ ro remōjno (humanitarian initiatives) me elkun baj motlok an em̧m̧an, im juon mijenede eo erūtto ar je. “Kōmij jerbal jet ian taip in mijen ko ad make. Kōn menin jet iien jejjab lukun jelā n̄e renaj kūr kōm n̄an jerbal ippen MLS (ro uwaan im ritōl n̄an jipañ) mijen eo. Ñe emōj am jinoe, elukkuun em̧m̧an ippām n̄e iien ko repidodo im kōm̧m̧an juon taip in mijen eo enaj letok n̄an kōj n̄an loļo̧k membōr ro im kakkajoor lok branch ko.
Juon sister mijenede ej jerbal ilo visitors’ center ar ba, “Ke ļeo ippa ear jako, iaar jaje ta eo in kōm̧m̧ane ilo iien eo aō make. Kiō ewōr men ko imaroñ kōm̧m̧ane, jikin ko n̄an etal n̄an i, armej ro n̄an loļo̧k. Elōñ ippa armej ro rej kōjetdikdik ioon n̄a.”
“En ejjeļo̧k aikuj in mijak meñe kwoj jab jerbal in mijenede ke kar jodikdik,” juon sister ekar ba ilo kenono eo an ke ar roltok jen mijen eo an rūtto. Ej juon jerbal ekāāl n̄an Aolep. Jej aolep ekkatak ippān doon n̄an pedped ioon Irooj im kajojo ro jet loe bwe ‘jān men ko reddik im reļam waan men ko reļļap rej kūrm̧ool’ [Alma 37:6].”
Kōjeraam̧m̧an ko n̄an Mijenede ro
Mijen ko an rūtto ebooļ kain āinwōt mijenede ro rerūtto. Ewōr aolep kain—kajojo kin men ko rej iooni, m̧ōņōņō ko, im joortoklik ko an juon make. Ijoke ewōr jejjo wāwein ko n̄an kajojo taip in mijen an rūtto: lukun ekatak kin jeje ko rekwojarjar, emakijkij im m̧ool in jar, pād ilo jerbal in jipan̄, wōnmanļo̧k kōn tōl ko jān Jetōb Kwojarjar, im juon iien em̧m̧an āinjuon n̄an kōm̧m̧ane juon oktak.
“Ij jañin kar eñjaake epaake ļo̧k Irooj jen ke jekar jerbal āinwōt mijenede ro rerūtto,” juon mijenede erūtto ar ba. “Ijelā jejjab maroñ kōjebwebwe jet men, elaptata m̧weo ippen ajiri ro im ro jibwid. Kōn menin ij likut aolep men lo lupiden pein Irooj. Im E eaar kōjeram̧m̧an bamle eo ad. Jekar jab lukkuun epaake ro jibud jen loļo̧k er kajojo wiik ilo Zoom. Kōm kar kenono kōn men ko rebban kar itok limo er kaki mokta. Ilo an jab waļo̧k n̄an aolep, ilo jekjek eo am, juon iaan ļadrik ro nejim ar roltok n̄an jar ke kōm ar jerbal in mijen, im bar juon ian ļaddik ro edikļo̧k nejim ar bar m̧are im tokelik liāp ilo tampeļ eo.
Bar juon mijenede erūtto ear ba, “Aolep raan in ad make im kampānien ekatak jeje ko rekwojarjar ej jino in lapļo̧k melelein kinke kōm ar pukōt wāween ko n̄an kakkōt kake jeje ko rekwojarjar, jab baj riiti. Iar jab kajjeoñ etal ‘mael ettolok,’ āinwōt aō kar kijoñ kōm̧m̧ane ran ko remootlok. Ilo iien jar ko am, aolep iien ij iten kenono kkake juon eoon kōmij riiti ilo raan en ak wiik en, kōnmenin iar jino kōtmāne n̄an kōjerbale eoon ko rekāāl iar riiti kajojo raan. Iar jab mōkaj ilo ao katak jeje ko rekwojarjar, ilo aō kōtmāne ke inaj lale jen ta ko iar riiti ilo lowaan raan eo.
“Jerbal in mijenede ar letok n̄an n̄a juon itok limo lo mour,” juon kōra in mijenede erūtto ar ba. “Menin eaar letok n̄an n̄a juon wūn eo elap melelein, juon kōņaan n̄an mour, im juon men eo n̄an kōm̧m̧ane elaplok jen ikkure golf ak kōkkajiriri ki ajri ro jibud.”
“Jerbal n̄an ro jet ej ruo ial in,” bar juon mijenede erūtto ekar ba. Ke kōm ar ļōmņak— lo kautiej jidik— kin ewi joñan ļap in ad karkōm̧m̧ane n̄an ro jet, kōm ar jab bōk elap tōprak. Bōtap ke kōm kar kile joñan ļap in am kar ekatak im kaddeke kōm make, kōm ar jab oktak wōt ak ro jet rar bar itok limo er kōn ta ko kōm ar ba im kōm̧m̧ane. Kōm ar jolok pilawe ko kijem ioon den eo, im āinwōt elak roltok emōj bōtaiki.”
Kajoorļo̧k Jem̧jerā ko
Ñe armej rej jerbal āinwōt mijenede ro rerūtto, rej ejaake jemjerā eo emūlaļ me enaj pād n̄an jemļo̧kin mour. Elōñ rej epaake armej ro rej jerbal ippāer. Rekar bar kepooj jemjerā ko rekajoor ippān mijenede ro jet im ritōl ro jet ijo rej jokwe ie. “Kōmij ejaake jemjera ko ippān mijenede ro reddik ļo̧k, pea ro jet, im armej ro kōmmaron̄ kar jab ioone er elaññe kōm ar pād ilo m̧weo,” juon ian mijenede ro erūtto ekar ba. “Kōmij pād wōt ilo ad kepaake doon. Juon iien ke ikar ļōmņak aolep raan renaj āinwōt juon, etal n̄an juon mijen ar letok n̄an kōj juon ijinoe ekāāl im ro jerad rekāāl n̄an jipan̄ doon lo iaļ in ippām.”
Mijenede ro rerūtto remaroñ jipañ pea ro jet kakkajoorļo̧k m̧are ko aer barāinwot. Ilo an armej jemļo̧k aer jerbal ak dikļo̧k awa in aer jerbal, pea ro remaron̄ kile ke rej aikuj bar kōjekļo̧kjen kake juon wūnin aer ippān doon āinwōt ke rej jab maron̄ in kajiriri ajiri ilo mweo mweer. Rej bar maron̄ kōm̧m̧an aer kōņaan ilo joko jikier make ilo aer make ippān ļo̧k iien ko aer make. Rūttoļo̧k im jako ar jerbal emaroñ ukōt menin. Ijino eo ekāāl, ekar kwaļok jelā n̄an doon, ilo am jerbal jān mweo mōm ak ilo-am jerbal aolep raan in mijenede ro rerūtto, emaroñ jipañ ejaake juon wūn kāāl n̄an ruo ribelele im kakajoor aer pedped ioon doon.
“Ewōr juon naan in etto ej ba ke n̄e ejemļo̧k am jerbal ‘kwonaj bōk jimettan in kōļļā eo am̧ im ruō katten ļeo pālele,” juon ian sister ej ba ilo an ettōñrikrik. “Jerbale juon mijen ilo juon jikin eo ettoļo̧k jān jo kapijukunen ekōm̧m̧an menin ad kenono kin oktak kein ilo jet jekjek ko jejjab maron̄ mokta jen ad mijen. Ālikin an ļeo ippa kar kakkije jān jerbal, kōmro kijoñ inepata n̄e kōmij ioon men ko reppen. Kiō, ijjelo̧kin etal make iaam ak jab kōjoole doon, kōmro ejjab kōņan bwe en nana jjelet e jerbal eo an Irooj, kōn menin kōmro ej kennan kōn ta eo ej kabņōņō kōj.
“Kōrā eo ippa im n̄a kōmro ar jino bwebwenato kajjojo jota kōn tūriam̧o ko kōmij loe kajojo raan in jerbal ilo mijen,” juon mijenede erūtto ar ba. “Ejjab wōt jipañ kōm ļōmņak eļapļo̧k kōn ta ear waļo̧k im jidik ļōmņak kōn kōm make, ijoke ej bar letok juon ad iien lo em̧m̧an ko ipeļaakid meñe m̧ōttan ko an raan eo ar jab em̧m̧an.”
“Im kōnke ear men eo āliktata kōmro ej kōm̧m̧ani kajjojo jota,” kōrā eo ippa ear kakkobaba, “kōm ļak etal n̄an jikin kiki edikļo̧k inepata im elapļo̧k aenōm̧m̧an jān elōñ iiō remootļo̧k. Ej bareinwōt jipañ eō bwe en em̧m̧an ļo̧k aō kiki!”
Kōjeram̧m̧an ko n̄an Ro Me rej Jerbal
Mour in elōn̄ an nana im em̧m̧an.—jet raan remman im jet raan renana. Kōn menin kōm̧m̧ani mijen ko. Ijoke jerbal n̄an Irooj ewōr menin nepar ko ippān tok, ejjab baj ālkin an dedeļo̧k mijen eo wōt ak bar ilo iien mijen bareinwōt. Ke kōrā eo rilikin Mordikeai ar ba n̄an Ester, “Wōn e jab ba bwe eñin unin am̧ kar itok n̄an aelōñ in ilo ien rot in?” (Esther 4:14; naan ko kar kobaiktok). Reilik ļo̧k n̄an jerbal ko aer, elōn̄ mijenede ro rerūtto rar eñjaake aer kar jittōn̄ er n̄an juon jerbal ak juon eria ijo me rar āinjuon aer karbab n̄an kōtōprak juon menin aikuj.
Iar en̄jaake juon emman eo eļukkuun kajoor me juon pea in mijenede rūtto emaron̄ in kōm̧m̧ane mokta ke iar jokwe ilo Louisiana, USA. Ālkin ien eo wōt me rar kūr iō bwe in jerbal ilo New Orleans, Lousiana Stake high council, rar jitōñ iō bwe in jipañ Port Sulphur Branch eo. Ekar wōr wōt jejjo wōt priesthood ro jeid im jatur rar niknik ilo branch in. Eiten aolep ijoko jikin jerbal an katakin im tel rekar obrak kōn bwijin wōt kōrā ro ļōmaro ro ippāer raar jab membōr. Jet ien, mijenede ro rerūtto ak ritōl ro jān stake kar kūr jittōn̄ n̄an branch eo, ijoke e limit aer tōbrak ilo tōpare rein baam̧le ko ejjab aolepāer rej membōr.
Innām juon pea in mijenede ro rerūtto jen Wyoming, USA, kar ijjittōn̄ n̄an rie branch eo. Rūtto rein rar jet ro ri lale jikin kallib iumin elōñ ieō ko im kar jerbal ilo juon jikin kōmman cheese ilo turin m̧weo mweer ro. Kōnke jerbal kein aerro im ta ko rar kōmmani ilo mour ko aer, rar pidodo aer tōpar elōn̄ armej ro ilo Port Sulphur ro rar jerbal ilo jikin oil ko. Rūtto rein rar lukun joļo̧k juoniien eļap in kalōk jem̧jerā ko ippān im jerbal in karejar n̄an baam̧le ko ejjab aolepāer rej membōr ilo branch eo. Kōn jerbal im iakwe in aer, ilo iien eo aer ro pād ilo Port Sulphur branch eo ar maroñ āinjuon an kajoorļo̧k im kar jeraam̧m̧an kōn aer tiljek in jerbal. Jet ian em̧m̧aan rro jen baam̧le ko ejjab aolepāer rej membōr rar kobatok n̄an Kabuñ eo, kakkajoor ļo̧k doulul eo an elder ro im branch eo.
Mijenede ro rerūtto rej kōjeraam̧m̧an mour ko—aer make im an ro jet jimor’. Jab jerwane juon iien ko rem̧m̧an n̄an jerbal im eddōkļo̧k!